Join with Health.com.kh on Telegram

ពិធីជួបជុំ និងរដូវកាលឈប់សម្រាកបានកើតឡើងស្របពេលកំពុងតែមានកម្មវិធីបុណ្យណូអ៊ែលផងដែរសម្រាប់ថ្ងៃ ២៥នេះ។ នៅពេលពិធីជប់លៀងចាប់ផ្តើម អ្នកត្រូវតែចាំថា ការដែលធ្វើអ្វីៗជ្រុល និងមិនបានថែទាំសុខភាពត្រឹមត្រូវអាចនាំឲ្យមានបញ្ហាបាន ហើយអ្នកក៏ត្រូវតែប្រុងប្រយ័ត្នឲ្យមែនទែនដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

ខណៈពេលដែលវាគឺជារឿងមិនអីក្នុងការញ៉ាំគ្រឿងស្រវឹងតិចតួចម្តងម្កាល តែយកល្អគួរតែជ្រើសរើសការញ៉ាំអាហារ ឬភេសជ្ជៈណាដែលមានឥទ្ធិពលតិចតួចចំពោះរាងកាយ ជាពិសេសទប់ស្កាត់ការឡើងទម្ងន់តែម្តង។ អ្វីដែលពិសេសនោះគឺថា ស្រាក្រឡុកត្រូវបានធ្វើឡើងដោយសេរ៉ូស្ករជាច្រើន ព្រមទាំងទឹកសូដាផងដែរ បន្ទាប់មកដាក់បញ្ចូលគ្រឿងស្រវឹងដែលអ្នកចូលចិត្តបន្ថែមទៀត។ គ្រឿងផ្សំទាំងនេះគឺគ្មានកាឡូរីទេ តែជាកាឡូរីដែលមិនផ្តល់អ្វីជាជីវជាតិដល់រាងកាយសោះ។ ដូច្នេះបើសិនជាអ្នកត្រូវទៅជប់លៀងសម្រាប់ថ្ងៃបុណ្យណូអ៊ែល ឬឆ្លងឆ្នាំថ្មីមែន យកល្អគួរតែកម្មង់ស្រាក្រឡុកដែលមានកាឡូរីទាបបំផុតវិញទើបមិនធ្វើឲ្យឡើងទម្ងន់។ 

និយាយដល់ពិធីជប់លៀង វាដូចគ្មានអ្វីល្អជាងការញ៉ាំស្រាហ្ស៊ាំប៉ាញមួយដបឡើយ។ (អាន:ថ្នាំងងុយគេង ពេលអ្នកគួរប្រើ)ស្រាហ្ស៊ាំប៉ាញត្រូវបានគេចាត់ទុកថាជាគ្រឿងស្រវឹងដែលមានកាឡូរីទាបបំផុត ហើយក៏អាចប្រើសម្រាប់ធ្វើជាស្រាក្រឡុកបានដែរ។ ស្រាហ្ស៊ាំប៉ាញ ១១៨មីលីលីត្រមានកាឡូរីតែ ៩០កាឡូរីប៉ុណ្ណោះ ហើយវាក៏តិចជាងស្រាមួយកែវផ្សេងៗទៀតដែរ ដូច្នេះវាពិតជាស័ក្តិសមបំផុតសម្រាប់លាយជាស្រាក្រឡុកដើម្បីគ្រប់គ្រងទម្ងន់បាន៕