Join with Health.com.kh on Telegram

នៅពេលដែលក្នុងជីវិតអ្នកតែងតែមានអ្នកតាមជួយ នោះមិនថាអ្នកជួបនឹងឧបសគ្គអ្វីទេ សុទ្ធតែអាចដោះស្រាយបានទាំងអស់។ ដូចនេះតើមានឆ្នាំណាខ្លះដែលអាចទទួលបានការជួយពីអ្នកដទៃច្រើន? (អាន:ថ្នាំងងុយគេង ពេលអ្នកគួរប្រើ)

ឆ្នាំមមែ

អ្នកដែលកើតនៅឆ្នាំនេះជាមនុស្សដែលរួសរាយ ហើយចូលចិត្តជួយអ្នកដទៃ។ គេជាមនុស្សដែលធ្វើល្អចំពោះមនុស្សទាំងអស់។ ដូចនេះទើបគេអាចទទួលបានការជួយពីអ្នកដទៃច្រើន ដោយក្នុងវិស័យការងាររបស់គេពុំសូវជួបបញ្ហាឡើយ។ ដូចនេះការធ្វើល្អនឹងអាចទទួលបានការតបស្នងវិញនៅថ្ងៃណាមួយ។

ឆ្នាំកុរ

អ្នកដែលកើតនៅឆ្នាំនេះជាមនុស្សដែលមានចរិតរួសរាយ ហើយស្មោះត្រង់។ គេជាមនុស្សដែលមានទំនាក់ទំនងច្រើនជាមួយអ្នកដទៃ ជាហេតុដែលអាចនាំឲ្យមានមនុស្សជាច្រើនជួយអ្នក។ ម្យ៉ាងទៀតគូជីវិតរបស់អ្នកក៏ជាមនុស្សដែលអាចជួយអ្នកដូចគ្នានៅពេលដែលអ្នកជួបនឹងឧបសគ្គ។

ឆ្នាំជូត

នៅកន្លែងដែលមានមនុស្សដែលកើតនៅឆ្នាំជូត ជាកន្លែងដែលគ្មានភាពស្ងប់ស្ងាត់ឡើយ។ នៅពេលដែលមានពួកគេ កន្លែងនោះប្រែជាមានភាពសប្បាយរីករាយ មិនមែនជាកន្លែងដែលមើលមុខគ្នាមិនចំឡើយ។ ជាហេតុដែលធ្វើឲ្យមនុស្សជាច្រើនស្រឡាញ់ពេញចិត្តនឹងគេ ហើយតែងតែជួយគេជានិច្ច។ នៅពេលដែលគេជួបបញ្ហា មិនថាក្នុងជីវភាពរស់នៅ ឬក្នុងកន្លែងការងារឡើយ សុទ្ធតែមានគេជួយដោះស្រាយជានិច្ច។

ឆ្នាំមមី

អ្នកដែលកើតនៅឆ្នាំនេះ នៅពេលដែលឃើញនរណាជួបនឹងបញ្ហា គេតែងតែជួយជានិច្ច។ ដូចនេះនៅពេលដែលគេមានបញ្ហាក៏មានអ្នកតាមជួយដែរ។ ជាហេតុដែលគ្មានឧបសគ្គណាអាចរារាំងគេបានឡើយ៕ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)