ថ្នាំបំបាត់ការឈឺចាប់គ្មានវេជ្ជបញ្ជាដែលមានជាតិកាហ្វេអ៊ីនអាចមានប្រសិទ្ធភាពខ្លាំងក្នុងការបញ្ឈប់ការឈឺក្បាលមួយចំនួន។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ប៉ុន្តែយោងទៅតាមការសិក្សាមយយដែលចុះផ្សាយក្នុងសារព័ត៌មាន The American Journal of Medicine កាលពីខែ សីហានេះបានឲ្យដឹងថា ការញ៉ាំភេសជ្ជៈមានជាតិកាហ្វេអ៊ីនច្រើនៗ ប្រហែលជាអាចជំរុញឲ្យឈឺក្បាលបាន ជាពិសេសអ្នកដែលឧស្សាហ៍ឈឺក្បាលបែបប្រកាំងមួយចំនួនតែម្តង។
អ្នកស្រាវជ្រាវបានជ្រើសរើសមនុស្សប្រមាណ ១០០នាក់ដែលមានការឈឺក្បាលបែបប្រកាំង ហើយមានការឈឺក្បាលតិចជាង ១៥ដងក្នុងមួយខែ។ រយៈពេល ៦សប្តាហ៍ ពួកគេបានកត់ត្រាពេលវេលា និងលក្ខណៈនៃការឈឺក្បាលបែបប្រកាំងរបស់ពួកគេម្នាក់ៗ និងតាមដានទៅលើការញ៉ាំភេសជ្ជៈមានជាតិកាហ្វេអ៊ីនរបស់ពួកគេទៀតផង។
ក្រោយមក អ្នកស្រាវជ្រាវបានរកឃើញទំនាក់ទំនងមួយរវាងការញ៉ាំជាតិកាហ្វេអ៊ីនកាន់តែច្រើន (ចាប់ពី៣ដងឡើងទៅ) វាកាន់តែធ្វើឲ្យការឈឺក្បាលបែបប្រកាំងកើតឡើងកាន់តែខ្លាំងទៀត។ ការញ៉ាំភេសជ្ជៈមានជាតិកាហ្វេអ៊ីនម្តងទៅពីរដង មិនជាប់ទាក់ទងនឹងការប្រឈមកាន់តែខ្ពស់នឹងការឈឺក្បាលឡើយ)។ ការញ៉ាំមួយពេល មានកាហ្វេ និងតែចំណុះ ១៧៧ ទៅ ២៣៦មីលីលីត្រ ភេសជ្ជៈសូដា ៣៥៤មីលីលីត្រ និង ភេសជ្ជៈប៉ូវកម្លាំង ៦០មីលីលីត្រ។ អ្នកស្រាវជ្រាវមិនបានប្រមូលព័ត៌មានទៅលើជាតិកាហ្វេអ៊ីនដែលមានក្នុងអាហារទេដូចជា សូកូឡាជាដើម ប៉ុន្តែពួកគេបានបន្ថែមអាហារផ្ទុកទៅដោយជាតិកាហ្វេអ៊ីនដែលតិចជាងភេសជ្ជៈ។
ការឈឺក្បាលបែបប្រកាំងអាចបង្កឡើងដោយកត្តាជាច្រើនដូចជា ស្រ្តេស មិនញ៉ាំអាហារ គេងមិនគ្រប់គ្រាន់ និងអាកាសធាតុមានសំណើម។(អាន:ថ្នាំងងុយគេង ពេលអ្នកគួរប្រើ) ខណៈពេលដែលការសិក្សានេះបានបង្ហាញតែទំនាក់ទំនងប៉ុណ្ណោះ។ ម៉្យាងវិញទៀត ការញ៉ាំភេសជ្ជៈមានជាតិកាហ្វេអ៊ីនខ្ពស់ប្រហែលជាអាចផ្តល់ឥទ្ធិពលបន្ថយភាពញឹកញាប់នៃការឈឺក្បាលបានផង៕