មុនរៀបការ ធ្វើបែបណា ទើបគេកាន់តែស្រឡាញ់អ្នក?

ខាងក្រោមនេះ យើងខ្ញុំនឹងបង្ហាញអ្នកពីវិធីធ្វើឲ្យគេកាន់តែស្រឡាញ់អ្នកមុនពេលរៀបការជាមួយគ្នា។ តើមានអ្វីខ្លះទៅ?

1.    មុនពេលរៀបការ អ្នកគួរតែចេះសន្សំប្រាក់ខ្លះ ដោយញ៉ាំដោយសន្សំសំចៃខ្លះ ទើបអាចទាក់ទាញចិត្តបុរសបាន ដោយធ្វើឲ្យគេកាន់តែស្រឡាញ់អ្នក ព្រោះអ្នកចេះសន្សំសំចៃតាំងពីពេលមិនទាន់រៀបការ។

2.    អ្នកគួរតែរៀនឲ្យបានច្រើន ព្រោះនារីដែលមានចំណេះពេញខ្លួន គឺមានភាពទាក់ទាញណាស់។ ដូចនេះ គេនឹងអាចស្រឡាញ់អ្នកថែមមួយកម្រិតទៀត ដោយសារតែអ្នកចេះដឹងច្រើន។

3.    នៅពេលដែលអ្នកយកចិត្តទុកដាក់បំពេញការងារ នោះគេនឹងកាន់តែទុកអ្នកសំខាន់ ព្រោះអ្នកអាចរកចំណូលដោយខ្លួនឯង ដោយអ្នកមានភាពឯករាជ្យក្នុងការរស់នៅ។ ដូចនេះ ក្រោយពេលដែលរៀបការរួច គេនឹងមិនចាំបាច់ពិបាក ហើយនឿយហត់ខ្លាំងក្នុងការរកប្រាក់ដើម្បីចិញ្ចឹមគ្រួសារទេ។

4.    អ្នកគួរតែហាត់ប្រាណឲ្យបានទៀងទាត់ ព្រោះនៅពេលដែលគេឃើញអ្នកហាត់ប្រាណ គេនឹងអាចសប្បាយចិត្ត ព្រោះអ្នកចេះមើលថែទាំសុខភាពខ្លួនឯងបានយ៉ាងល្អ។

5.    អ្នកគួរតែចាំថា មុនពេលដែលរៀបការជាមួយគ្នា អ្នកមិនគួររស់នៅជាមួយគេឡើយ ព្រោះអាចធ្វើឲ្យខូចកេរ្តិ៍ឈ្មោះអ្នកបាន។ ជាពិសេស អាចធ្វើឲ្យបុរសមើលងាយអ្នកទៀតផង។ ដូចនេះ អ្នកគួរតែចាំពេលរៀបការរួច ទើបរស់នៅក្នុងផ្ទះតែមួយជាមួយគេ។

6.    អ្នកមិនគួរនៅជិតគេ ហើយចុចទូរស័ព្ទរហូតទេ ព្រោះអាចធ្វើឲ្យគេធុញនឹងអ្នកបាន។ ដូចនេះ អ្នកគួរតែចំណាយពេលកំដរគេឲ្យបានល្អ ទើបគេអាចស្រឡាញ់អ្នកកានើតែខ្លាំង។

7.    អ្នកគួរតែធ្វើជានារីដែលសុភាពរាបសារនៅចំពោះមុខបុរស ទើបគេកានើតែចង់រៀបការជាមួយអ្នក ដោយសារតែភាពទន់ភ្លន់។

8.    អ្នកមិនគួរមើលងាយខ្លួនឯងនៅចំពោះមុខបុរសទេ ដោយគួរតែលើកតម្កើងខ្លួនឯងខ្លះ ទើបមិនធ្វើឲ្យបុរសមើលងាយអ្នក ហើយចង់រៀបការជាមួយអ្នក។ ដូចនេះ អ្នកអាចប្រើវិធីទាំងឡាយខាងលើនេះ ដើម្បីធ្វើឲ្យបុរសកាន់តែស្រឡាញ់អ្នកមុនពេលដែលរៀបការជាមួយគ្នា៕