ដោយសារតែថ្ងៃបុណ្យណូអ៊ែលកំពុងតែខិតជិតមកដល់ រដូវកាលឈប់សម្រាកក៏កំពុងតែជិតចាប់ផ្តើមដែរ។ ខណៈពេលដែលអ្នកនឹងមានគម្រោងចេញទៅដើរលេងថ្ងៃឈប់សម្រាក ឬមានគម្រោងនៅក្នុងក្រុងដើម្បីចំណាយពេលវេលារីករាយជាមួយមិត្តភក្តិ និងក្រុមគ្រួសារ អ្នកពិតជាចង់ឲ្យខ្លួនឯងមើលទៅស្អាតបំផុតណាស់ហើយ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) បើសិនជាអ្នកបានទើបតែឡើងទម្ងន់បន្តិចក្នុងរដូវនេះ ហើយកំពុងតែព្យាយាមសម្រករាង ខាងក្រោមនេះគឺជាគន្លឹះសម្រកទម្ងន់តិចតួចមួយដែលអាចជួយអ្នកបាន។ គន្លឹះទាំងនេះនឹងជួយអ្នកស្រកទម្ងន់បានលឿន ព្រមទាំងផ្តល់រាងកាយយ៉ាងស្រស់ស្អាតសម្រាប់ការស្លៀកពាក់ក្នុងរដូវឈប់សម្រាកមួយនេះ។ 

ញ៉ាំទឹក

ហេតុផលមួយដែលយើងឡើងទម្ងន់ក្នុងរដូវរងារគឺដោយសារតែញ៉ាំមិនទឹកមិនបានគ្រប់គ្រាន់។ អ្នកត្រូវតែប្រាកដថា អ្នកញ៉ាំទឹកបានច្រើនមុនពេល និងក្នុងពេលឈប់សម្រាកបែបនេះ។ អ្នកប្រហែលជាញ៉ាំគ្រឿងស្រវឹងច្រើនក្នុងពេលជប់លៀង ហើយវាអាចនឹងធ្វើឲ្យរាងកាយខ្សោះជាតិទឹកបាន។ ការញ៉ាំទឹកនឹងជួយរក្សាចំណង់អាហារ និងជំរុញដល់ការរំលាយអាហារកាន់តែល្អជាងមុន។ 

ចូរញ៉ាំទឹកឲ្យបានត្រឹមត្រូវ

បើសិនជាអ្នកចង់ប្រាកដថា ខ្លួនឯងនៅមានរាងស្អាត និងផ្តល់សុខភាពមុនពេល និងក្រោយពេលរដូវកាលឈប់សម្រាកនេះ ចូរប្រុងប្រយ័ត្នចំពោះទឹកដែលអ្នកញ៉ាំបន្តិចផង ជាពិសេសទឹកស្រាក្រឡុកតែម្តង។ ស្រាក្រឡុកផ្ទុកទៅដោយសេរ៉ូស្ករ សូដា ។ល។ ដែលអាចនាំឲ្យឡើងទម្ងន់បាន។ 

ចូរញ៉ាំអាហារសិនមុនចេញទៅក្រៅផ្ទះ

ខណៈពេលដែលវាគឺជាពេលវេលាសម្រាប់ជប់លៀង ឬមុនពេលរដូវកាលឈប់លៀង ហើយអ្នកត្រូវទៅក្រៅទិញសម្លៀកបំពាក់ស្អាតៗ ឬកាដូទៀតនោះ ចូរប្រាកដថា អ្នកញ៉ាំអាហារនៅផ្ទះរួចរាល់ហើយមុនពេលសម្រេចចិត្តចេញទៅខាងក្រៅផ្ទះ។(អាន:ថ្នាំងងុយគេង ពេលអ្នកគួរប្រើ) រឿងនេះនឹងជួយបន្ថយការញ៉ាំជាតិខ្លាញ់ អាហារមិនផ្តល់សុខភាព ហើយក៏នឹងជួយរក្សារាងឲ្យបានស្អាតល្អមុនពេលរដូវឈប់សម្រាកដែរ៕