Join with Health.com.kh on Telegram

សម្រាប់ថ្ងៃឈប់សម្រាកចំថ្ងៃបុណ្យទៀត អាចជារឿងពិបាកមួយសម្រាប់កូនរក្សាបានទម្លាប់ញ៉ាំអាហារដែលផ្តល់សុខភាព។ ចាប់តាំងពីការញ៉ាំស្ករគ្រាប់រហូតដល់កាដូជារបស់ញ៉ាំក្នុងថ្ងៃបុណ្យណូអ៊ែល ដែលបានមកពីញាតិមិត្តបងប្អូនមក វាបានធ្វើឲ្យរដូវកាលនៃថ្ងៃឈប់សម្រាកបែបនេះរំខានដល់ទម្លាប់ញ៉ាំផ្តល់សុខភាពរបស់ក្មេងបាន។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ដូច្នេះចូរប្រាកដថា គ្រួសារទាំងមូលរបស់អ្នកនៅតែអនុវត្តទម្លាប់ញ៉ាំអាហារផ្តល់សុខភាពទៀតទោះបីជាចំថ្ងៃបុណ្យក៏ដោយ។ 

ករណីបែបនេះអ្នកមិនចាំបាច់ហាមកូនដើម្បីកុំឲ្យគេលេងសប្បាយសម្រាប់ថ្ងៃបុណ្យណូអ៊ែលទេ។ តាមពិតទៅ គេនៅតែអាចសាករសជាតិអាហារសម្រាប់ថ្ងៃបុណ្យនេះបាន ហើយក៏នៅតែមានសុខភាពល្អដដែល តាមរយៈការឲ្យគេញ៉ាំក្នុងកម្រិតមធ្យម។ ខាងក្រោមនេះគឺជាគន្លឹះខ្លះៗដែលឪពុកម្តាយអាចធ្វើបាន៖

  • ចូរឲ្យកូនញ៉ាំអ្វីដែលផ្តល់សុខភាពទៅបានហើយ ជាពិសេសផ្លែឈើ ឬទឹកផ្លែឈើក្រឡុកតែម្តង 
  • ចូររៀបចំរបស់ផ្អែមដែលធ្វើដោយខ្លួនឯង ជាពិសេសទឹកដោះគោ និងបន្លែចៀសជាងរបស់ផ្អែមខ្លាំងៗតែម្តង។ 
  • ចូរស្វែងរកក្រុមហ៊ុនផ្គត់ផ្គង់ផលិតផលណាដែលផ្តល់ផលិតផលដែលផ្តល់សុខភាព។ ម៉្យាងវិញទៀត យើងក៏អាចធ្វើនំដូណាត នំខេកនៅផ្ទះដោយខ្លួនឯងបានដោយមិនឲ្យវាមានជាតិផ្អែមខ្លាំង។ 
  • អ្នកអាចប្តូរការប្រើបឺរ ជាមួយនឹងការប្រើផ្លែបឺរជំនួសវិញឬអាចប្រើគ្រាប់ល្ងរខណៈពេលកំពុងតែដុតនំ។ វិធីសាស្រ្តផ្សេងមួយទៀតគឺការប្រើប្រាស់ផ្លែឈើដូចជា ផ្លែចេកដើម្បីកាត់បន្ថយការញ៉ាំផ្អែម។
  • ចូរប្រាកដថា អាហារញ៉ាំរាល់ថ្ងៃត្រូវមានតុល្យភាព។ ចូរឲ្យកូនញ៉ាំឲ្យដូចធម្មតទាំងថ្ងៃគេឈប់សម្រាកផង។ អ្នកក៏អាចបន្ថយមបន្លែខ្លះដើម្បីជាវិធីជំរុញដល់ជីវជាតិដែលគេអាចទទួលបានបន្ថែម។
  • ដោយសារតែក្មេងអាចនឹងក្រចូលគេង លេងច្រើន ហើយក៏ញ៉ាំអាហារមិនទៀងពេលទៀត ដូច្នេះប្រព័ន្ធភាពស៊ាំអាចនឹងចុះទាប។ ដូច្នេះកុំភ្លេចបន្ថែមអាហារសម្បូរវីតាមីន C ដូចជាត្របែក ក្រូចឆ្មា ក្រូច ឬផ្លែឈើផ្សេងៗទៀតក្នុងរបបអាហារពួកគេផង។ 
  • ចូរឲ្យកូនញ៉ាំទឹកឲ្យបានគ្រប់គ្រាន់។ (អាន:ថ្នាំងងុយគេង ពេលអ្នកគួរប្រើ)

ចូរចាំថា រដូវបុណ្យធំៗបែបនេះគឺជាពេលវេលាដ៏ពិសេសដែលអ្នកត្រូវចំណាយពេលនៅជាមួយមនុស្សដែលខ្លួនស្រឡាញ់ ដូច្នេះចូរជ្រើសរើសការទទួលទានដែលឆ្ងាញ់ ហើយឆ្លាយវៃផង ជាពិសេសកូនតូចៗតែម្តង៕