ទឹកឃឹនឆាយហាក់បីដូចជា សារធាតុច្រោះជាតិពុលក្នុងខ្លួនដែលគេតែងតែចែករំលែកតាមបណ្តាញសង្គមអ៊ីចឹង។ វាត្រូវបានគេដឹងថាជាទឹកធម្មជាតិដែលអ្នកជំនាញខាងអាហារូបត្ថម្ភ និងគ្រូពេទ្យតែងតែមានភាពស៊ាំចិត្តច្រើនអំពីឥទ្ធិពលរបស់វា។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ឃឹនឆាយមានលក្ខណៈអស្ចារ្យសម្រាប់ខ្លួនវាផ្ទាល់។ វាផ្ទុកទៅដោយវីតាមីន K និង C ព្រមទាំងប៉ូតាស្យូម វីតាមីន B9 និងអង់ទីអុកស៊ីដង់។ ការសិក្សាបានឲ្យដឹងថា វាប្រហែលជាជួយបង្កើនសុខភាពបេះដូងសរសៃឈាម និងជួយបន្ថយការរលាកផង។ ជាមួយគ្នានេះដែរ វាមានកាឡូរីទាប ព្រមទាំងអាចបន្ថែមភាពអស្ចារ្យមួយកម្រិតទៀតដល់គម្រោងនៃការសម្រកទម្ងន់។
រាងកាយមនុស្សយើងមានម៉ាស៊ីនសម្រាប់ច្រោះជាតិពុលដោយខ្លួនឯងរួចហើយ នោះគឺជាថ្លើម។ បើសិនជាអ្នកថែរក្សាវាបានល្អជាមួយនឹងការធ្វើលំហាត់ប្រាណ ញ៉ាំអាហារផ្តល់សុខភាព និងមានទម្ងន់ប្រកបដោយសុខភាពល្អថែមទៀតនោះ វាពិតជាអាចជួយច្រោះជាតិពុលពីក្នុងខ្លួនបានយ៉ាងល្អ។ ការញ៉ាញទឹកឃឹនឆាយមិនត្រឹមតែជួយជំរុញដល់ការច្រោះជាតិពុលក្នុងខ្លួនទេ ប៉ុន្តែមានរឿងមួយចំនួនតតូចអាចនឹងកើតឡើងនៅពេលគេសិក្សាទៅលើសារធាតុដែលយកចេញពីទឹកឃឹនឆាយ។ ដំបូងឡើយ ចូរដឹងថាទឹកដែលចម្រាញ់ចេញពីជាតិសរសៃបែបនេះអាចធ្វើឲ្យអ្នកមានអារម្មណ៍ឆ្អែតលឿន ខណៈពេលដែលជួយឲ្យពោះវៀនមានសុខភាពល្អថែមទៀត។ បន្ទាប់មក ក្រោយពីកិនជាទឹកហើយ អ្វីៗអាចទៅជាខាប់ហើយ រឿងនេះរួមទាំងជាតិស្ករថែមទៀតផង។
ខណៈពេលដែលទឹកឃឹនឆាយ មានជាតិស្ករ និងកាឡូរីទាបស្រាប់ ធ្វើឲ្យផលិតផលភាគច្រើនដែលមានវាស្រាប់នោះបែរជាមានជាតិស្ករ និងកាឡូរីកាន់តែច្រើនទៅវិញ។ ពេលខ្លះ វាក៏មានជាតិរ៉ែ និងវីតាមីនមួយចំនួនថែំទៀតដើម្បីបង្កើនឥទ្ធិពលច្រោះជាតិពុលដ៏អស្ចារ្យ។ បញ្ហានោះគឺថា វាមិនទាន់មានអំណះអំណាងណាមួយដែលបញ្ជាក់អំពីគុណតម្លៃនៃទឹកឃឹនឆាយមានប្រយោជន៍ចំពោះរាងកាយនៅឡើយទេ។
ទឹកឃឹនឆាយមិនមែនផ្តល់ផលអាក្រក់ដល់រាងកាយឡើយ។ ប៉ុន្តែអ្នកមិនគួរណាគិតថា វាធ្វើឲ្យអ្នកស្រកទម្ងន់ ជាអាហារមិនផ្តល់សុខភាព ឬសម្រាប់ព្យាបាលជំងឺណាមួយឡើយ។(អាន:ថ្នាំងងុយគេង ពេលអ្នកគួរប្រើ) បើសិនជាអ្នកត្រូវការទិញឃឹនឆាយមកធ្វើម្ហូបជាមួយអាហារផ្សេងៗទៀត ជាពិសេសបន្លែ និងផ្លែឈើ ឬគ្រាប់ធញ្ញជាតិ ព្រមទាំងមានខ្លាញ់ផ្តល់សុខភាពទៀតនោះ អ្នកពិតជាមិនចំណាយលុយឥតប្រយោជន៍ទេ៕