ខាងក្រោមនេះ យើងខ្ញុំនឹងបង្ហាញអ្នកពីរឿងដែលអ្នកមិនគួរធ្វើ ទើបប្តីមិនរត់ចេញពីអ្នក។ តើមានអ្វីខ្លះទៅ? (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
- អ្នកមិនគួរគិតតែចង់ចងប្តីអ្នកនៅជិតខ្លួន ដោយមិនឲ្យគេទៅរាប់អានជាមួយនរណាឡើយ ព្រោះការធ្វើបែបនេះ អាចធ្វើឲ្យប្តីអ្នកមានគំនិតរត់ចេញពីអ្នក។ ដូចនេះ អ្នកគួរតែចាំថា វិធីដ៏ល្អក្នុងការធ្វើឲ្យស្វាមីនៅជិតខ្លួនអ្នកពេញមួយជីវិត គឺត្រូវតែធ្វើដូចជាលេងបង្ហោះខ្លែង ដោយមានពេលខ្លះអ្នកអាចបន្ធូលខ្សែខ្លះ ហើយពេលខ្លះអាចបណ្តឹងខ្សែ ទើបអាចការពារអាពាហ៍ពិពាហ៍អ្នកជាប់។
- អ្នកគួរតែចាំថា មិនគួរព្រោះតែចង់ឲ្យប្តីមិនទៅរកស្រីក្រៅ ហើយកាន់កាប់លុយរបស់គេទាំងអស់នោះទេ ព្រោះការធ្វើបែបនេះ មានតែច្រានគេកាន់តែចេញពីអ្នក។ ដូចនេះ អ្នកគួរតែទុកមុខមាត់ឲ្យគេខ្លះ ដោយគួរតែទុកលុយខ្លះក្នុងកាបូបរបស់គេ ទើបមិនធ្វើឲ្យអាប់មុខមាត់។
- ការមិនសួរពីសុខទុក្ខអ្នកផ្ទះរបស់គេ នឹងធ្វើឲ្យស្វាមីអ្នកអន់ចិត្តខ្លាំង។ ដូចនេះ អ្នកគួរតែយកចិត្តទុកដាក់ ហើយមើលថែទាំគ្រួសាររបស់គេដូចជាគ្រួសារអ្នកដែរ ទើបអាចរក្សាអាពាហ៍ពិពាហ៍អ្នកបានជាប់។
- នៅពេលដែលអ្នកតែងឆែតទូរស័ព្ទរបស់ស្វាមី ដោយមិនទុកចន្លោះ និងអាថ៌កំបាំងឲ្យគេ នោះអាពាហ៍ពិពាហ៍អ្នកឆាប់ជួបនឹងបញ្ហាណាស់។ ដូចនេះ អ្នកគួរតែទុកពេលវេលាដែលជារបស់គេខ្លះ ទើបអ្នកទាំងពីរអាចរស់នៅជាមួយគ្នាបានយូរ។
- អ្នកមិនគួរទុកស្វាមីដូចជាមេឃរបស់អ្នកទេ ព្រោះការធ្វើបែបនេះ មានតែធ្វើឲ្យប្តីអ្នកមានចរិតកាន់តែក្រអើតក្រទម មិនមានអ្នកក្នុងកែវភ្នែកឡើយ។
- ការងារផ្ទះ អ្នកគួរតែឲ្យគេធ្វើខ្លះ មិនគួរធ្វើតែអ្នកទេ។ ការចេះជួយគ្នា នឹងអាចបង្កើនមនោសសញ្ចេតនាអ្នកទាំងពីរ ថែមទាំងអាចជួយសម្រាលបន្ទុកការងាររបស់អ្នកផងដែរ។
- ប្រសិនជាអ្នកចង់យកចិត្តទុកដាក់ស្វាមី អ្នកគួរតែនិយាយឲ្យគេដឹង មិនគួរប្រើការរអ៊ូឡើយ ព្រោះគ្មានប្តីណាចូលចិត្តប្រពន្ធដែលរអ៊ូរទាំច្រើននោះទេ។ ដូចនេះ អ្នកគួរតែប្រយ័ត្នពីរឿងទាំងនេះ ទើបអាចរក្សាគ្រួសារអ្នកបានជាប់៕ (អាន:ថ្នាំងងុយគេង ពេលអ្នកគួរប្រើ)