ជំងឺសសៃឈាមបេះដូងកើនឡើងជាលំដាប់មកទល់សព្វថ្ងៃនេះ ហើយកត្តាហានិភ័យចម្បងមួយនៃជំងឺនេះបណ្ដាលមកពីការកើនឡើងនូវកូឡេស្តេរ៉ូលខ្ពស់ក្នុងឈាម។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប៉ុន្តែកុំបារម្ភ! ក៏ព្រោះអ្នកអាចទប់ស្កាត់ និងបញ្ចុះកូឡេស្តេរ៉ូលដោយគ្រាន់តែទទួលទានបន្លែ និងផ្លែឈើមួយចំនួន។ ថាតើបន្លែផ្លែឈើទាំងនោះមានអ្វីខ្លះទៅ? ខាងក្រោមវេបសាយសុខភាព Health.com.kh នឹងបង្ហាញឱ្យដឹងតែបន្លែផ្លែឈើដែលមានប្រសិទ្ធិភាពទប់ស្កាត់កាត់បន្ថយកម្រិតកូឡេស្តេរ៉ូលមិនល្អ ៖
១. ឈើអែម
ការបន្ថែមឈើអែមក្នុងរបបអាហារប្រចាំថ្ងៃនឹងជួយរាងកាយក្នុងការកាត់បន្ថយកម្រិតនៃកូឡេស្តេរ៉ូលមិនល្អ។ ឈើអែមក៏មានប្រសិទ្ធភាពគ្រប់គ្រងកម្រិតនៃជាតិស្ករក្នុងឈាមនិងខ្លាញ់មិនល្អទ្រីគ្លីសេរីដផងដែរ។
២. គីមឈី
ការទទួលទានគីមឈីអាចជះឥទ្ធិពលលើកម្រិតនៃកូឡេស្តេរ៉ូលក្នុងរាងកាយគួរឱ្យកត់សម្គាល់។ អាហារកូរ៉េនេះមានផ្ទុកសម្បូរទៅដោយគ្រឿងទេសហឹរៗ រួមបញ្ចូលទាំងខ្ទឹមសដែលជាប្រភពនៃសារធាតុ allicin និង selenium ដែលជួយកាត់បន្ថយកម្រិតនៃកូឡេស្តេរ៉ូលមិនល្អ។
៣. ត្រីសាលម៉ុន
ជាប្រភពដ៏ប្រសើរនៃអាស៊ីតខ្លាញ់អូមេហ្គា ៣ ដែលល្អសម្រាប់សុខភាពនិងជួយកាត់បន្ថយកម្រិតនៃកូឡេស្តេរ៉ូលមិនល្អគួរអោយកត់សម្គាល់។ ដូច្នេះកុំភ្លេចបន្ថែមត្រីសម្បូរខ្លាញ់នេះក្នុងរបបអាហារអោយបានយ៉ាងហោចណាស់ម្ដង ឬ ពីរដងក្នុងមួយសប្តាហ៍។
៤. ផ្លែបឺរ
ផ្លែឈើនេះមានផ្ទុកសម្បូរទៅដោយជាតិខ្លាញ់សុខភាពល្អនិងជាតិសសៃខ្ពស់ដែលជួយបញ្ចុះកូឡេស្តេរ៉ូលមិនល្អគួរឱ្យកត់សម្គាល់។ ដូច្នេះកុំភ្លេចរួមបញ្ចូលផ្លែឈើនេះក្នុងរបបអាហារប្រចាំថ្ងៃ។
៥. មើមត្រាវ
នោះក៏ព្រោះតែបរិមាណខ្ពស់នៃជាតិសសៃរបស់មើមត្រាវ។ ក្រៅពីជួយកម្ចាត់កូឡេស្តេរ៉ូលមិនល្អហើយនោះ ជាតិសសៃក៏មានប្រសិទ្ធភាពកាត់បន្ថយហានិភ័យនៃជំងឺមហារីកពោះវៀនធំ ព្រមទាំងបញ្ហាពាក់ព័ន្ធនឹងមុខងារនៃប្រព័ន្ធរំលាយអាហារគួរឱ្យកត់សម្កាល់។
៦. ប្រេងអូលីវ
មានផ្ទុកសម្បូរទៅដោយអាស៊ីតខ្លាញ់ល្អ ពិសេស oleic acid ដែលជួយកាត់បន្ថយការរលាក ក៏ដូចជាកម្រិតកូឡេស្តេរ៉ូលទប់ស្កាត់ហានិភ័យនៃបញ្ហាស្ទះសសៃឈាម។
៧. ប៉េងប៉ោះ
មានផ្ទុកសារធាតុ lycopene ដែលជួយកាត់បន្ថយហានិភ័យនៃជំងឺបេះដូង។
៨. គ្រាប់ធញ្ញជាតិ
ជាប្រភពដ៏ប្រសើរនៃអាស៊ីតខ្លាញ់អូមេហ្គា ៣ និងអាស៊ីតខ្លាញ់ល្អ monounsaturated ដែលជួយកាត់បន្ថយកម្រិតនៃជាតិកូឡេស្តេរ៉ូលគួរអោយកត់សម្គាល់។ គ្រាប់ធញ្ញជាតិក៏មានប្រសិទ្ធិភាពកាត់បន្ថយការរលាក និងធ្វើអោយមុខងារសសៃឈាមក្នុងរាងកាយកាន់តែមានលក្ខណៈប្រសើរឡើងផងដែរ៕