Join with Health.com.kh on Telegram

អាហារដែលអ្នកញ៉ាំគឺជាប្រភពដ៏សំខាន់នៃជីវជាតិដែលរាងកាយត្រូវការ។ ជីវជាតិតូចៗទាំងនេះជាតម្រូវការរបស់រាងកាយដើម្បីធ្វើការជាច្រើន។ អាហារដែលអ្នកញ៉ាំក៏អាចមានឥទ្ធិពលទទៅលើចិត្តដូចជា ធ្វើឲ្យមានអារម្មណ៍ល្អ ឬការគេងផងដែរ ឬជួយឲ្យមានអារម្មណ៍ធូរស្រាល។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)តាមការសិក្សាថ្មីមួយបានឲ្យដឹងថា អាហារដែលអ្នកញ៉ាំអាចមានឥទ្ធិពលទៅលើគុណភាពនៃការគេង។ 

សេចក្តីរាយការបានរកឃើញថា អ្នកញ៉ាំបួសច្រើនតែគេងមិនបានគ្រប់គ្រាន់ឡើយ។ អាហារជាច្រើនមានឥទ្ធិពលខុសៗគ្នាចំពោះរាងកាយមនុស្សយើង ព្រមទាំងការផលិតរបស់អ័រម៉ូនផង។ ចាប់តាំងពីការគេងត្រូវបានជំរុញដោយការផលិតរបស់អ័រម៉ូន ហើយអាហារដើរតួនាទីដ៏សំខាន់មួយក្នុងការផលិតអ័រម៉ូនទាំងនេះមក ការផ្លាស់ប្តូររបបអាហារអាចជួយអ្នកដោះស្រាយការគេងដែលមិនបានគ្រប់គ្រាន់បាន។ 

យកល្អបើសិនជាអ្នកចង់បានដំណេងដ៏ល្អមែននោះ គួរតទែព្យាយាមបញ្ចូលអាហារទាំងនេះក្នុងរបបអាហារផង។ សារធាតុ Tryptophan ដើរតួនាទីយ៉ាងសំខាន់ក្នុងការផលិតរបស់អ័រម៉ូន Serotonin ដែលវាជួយដល់ការផលិតរបស់អ័រម៉ូនជំរុញដល់ការងងុយគេងឈ្មោះថា Melatonin។ ការញ៉ាំអាហារសម្បូរសារធាតុ Tryptophan អាចជួយជំរុញដល់ការគេង និងពង្រឹងគុណភាពនៃការគេងទៀត។ 

ទឹកដោះគោ និងផលិតផលធ្វើពីទឹកដោះគោ

ទឹកដោះគោគឺជាប្រភពដ៏ល្អមួយនៃសារធាតុ Tryptophan នៅពេលញ៉ាំនៅពេលយប់ ព្រោះវានឹងជំរុញដល់អ័រម៉ូន Melatonin ឡើងខ្ពស់។ ផលិតផលធ្វើពីទឹកដោះគោដូចជា Cheese គឺជាប្រភពដ៏ល្អមួយនៃសារធាតុ Tryptophan។ វាក៏សម្បូរទៅដោយជាតិកាបូអ៊ីដ្រាតដែលត្រូវបានគេស្គាល់ថាកាន់តែធ្វើឲ្យសារធាតុ Tryptophan ប្រើប្រាស់បានកាន់តែច្រើនក្នុងខួរក្បាល។ ការញ៉ាំទឹកដោះគោមួយកែវមុនគេង ឬញ៉ាំ Cheese នៅពេលពេលយប់អាចពង្រឹងដល់គុណភាពនៃការគេងបាន។ 

អាហារសម្បូរប្រូតេអ៊ីន និងកាលស្យូម

អាហារសម្បូរជាតិប្រូតេអ៊ីន និងកាលស្យូមដូចជា តៅហ៊ូ និងផលិតផលធ្វើពីសណ្តែកសៀងអាចជាប្រភពដ៏ល្អមួយនៃសារធាតុ Tryptophan។(អាន:ថ្នាំងងុយគេង ពេលអ្នកគួរប្រើ) ការញ៉ាំអាហារទាំងនេះអាចជួយដល់ការផលិតរបស់អ័រម៉ូន Melatonin ក្នុងរាងកាយ ហើយក៏ជំរុញដល់គុណភាពនៃការគេងដែរ៕