រយៈពេលរស់នៅជាមួយក្នុងនាមជាប្តីប្រពន្ធអាចក្លាយទៅជារឿងមួយពិបាកបន្តិច ប៉ុន្តែរឿងនេះនឹងស្រួលបួលមកវិញក្រោយពីអ្នកទាំងពីរមានការយល់ដឹងពីគ្នាទៅវិញទៅមកល្អហើយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ទោះបីជាយ៉ាងណាក៏ដោយ រយៈពេលច្រើនឆ្នាំក្រោយរៀបការគួរតែមានសមាជិកបន្ថែមនោះគឺកូនក្មេង ប៉ុន្តែមុននឹងសម្រេចចិត្តយកកូន អ្នកទាំងពីរគួរតែមានរឿងជាច្រើនពិភាក្សាគ្នាសិន។ ការក្លាយខ្លួនទៅជាឪពុកម្តាយគេមិនមែនជារឿងស្រួលឡើយ ព្រោះត្រូវរាប់រងរឿងជាច្រើនទាំងប្តី និងប្រពន្ធលើបបន្ទុកតែមួយ។ ដូច្នេះតើគួរពិភាក្សាគ្នាអ្វីខ្លះទៅមុននឹងសម្រេចចិត្តយកកូន?
ជម្រើសនៃការចិញ្ចឹមកូន
ការបំបៅដោះកូនគឺជាមធ្យោបាយដ៏ល្អបំផុតទាំងម្តាយ និងកូន។ ចូរស្វែងយល់ថាតើអ្វីដែលប្តីរបស់អ្នកគិតអំពីមធ្យោបាយដែលល្អបំផុតសម្រាប់ការបំបៅកូន។ សម្រាប់មនុស្សប្រុសភាគច្រើនគាត់អាចនឹងជ្រើសរើសការបំបៅកូនដោយម្សៅទឹកដោះគោហើយ។ យ៉ាងណាមិញ អ្នកក៏គួរនិយាយគ្នាថាចង់ផ្តល់ជីវជាតិអ្វីដល់កូនដែរ។
ជម្រើសនៃការគេង
មានប្តីប្រពន្ធច្រើនណាស់ដែលជ្រើសរើសយកការគេងរបស់កូនដោយយោលអង្រឹង។ ប៉ុន្តែការដែលដាក់កូនឲ្យគេងជាមួយ និងគេងបន្ទប់ដាច់ដោយឡើយក៏មានគុណសម្បត្តិ និងគុណវិបតិ្តរបស់វាដែរ។ ចូរពិភាក្សាអំពីជម្រើសជាច្រើន និងគុណសម្បត្តិ ព្រមទាំងគុណវិបត្តិរបស់វាផង។ ចូរស្វែងយល់ពីអ្វីដែលធ្វើឲ្យអ្នកមានផាសុកភាព និងអ្វីដែលជាជម្រើសល្អបំផុតដែលស័ក្តិសមសម្រាប់អ្នក។
នៅផ្ទះឬនៅកន្លែងធ្វើការ
ការងារមើលថែកូនតូចៗគឺជាការងារពេញមួយម៉ោង ហើយក៏គ្មានថ្ងៃសៅរ៍អាទិត្យដែរ។ ដូច្នេះតើអ្នកនឹងមានគម្រោងបែបណាក្នុងការថែទាំងគេ? តើអ្នកនឹងបែកចែកការទទួលខុសត្រូជាមួយប្តីដូចម្តេច? តើការជួយអ្វីខ្លះដែលអ្នកនឹងត្រូវការ? តើអ្នកនឹងអាចយកបានគ្រប់យ៉ាងដូចម្តេចនៅពេលអ្នកនៅមួយកន្លែង? បើសិនជាម្នាក់ក្នុងចំណោមអ្នកទាំងពីរត្រូវលះបង់ការងារដើម្បីមើលកូន តើគួរគិតគូររឿងលុយកាកដូចម្តេចខ្លះ?
ការងារដូរខោទឹកនោម
ចូរពិភាក្សាអំពីរបៀបដែលអ្នកទាំងពីរបែកចែកតួនាទីគ្នាចំពោះ ការប្តូរខោទឹកនោម បំបៅដោះកូន ងូតទឹក និងការផ្លាស់ប្តូរអ្វីៗខាងក្រៅជាច្រើនទៀត។ តើនរណានឹងចេញពីធ្វើការទៅមើលកូននៅពេលគេឈឺ? តើនរណានឹងយកកូនទៅរៀន ហើយនរណានឹងទៅយកកូនពីសាលាមកផ្ទះវិញ?
របៀបនៃការដោះស្រាយទំនាស់
តាមជាក់ស្តែង វាទំនងជារឿងមួយចៀសមិនផុតឡើយដែលអាចធ្វើឲ្យអ្នកទាំងពីរប្រើសម្តីខ្លាំងៗដាក់គ្នា ឬមានទំនាស់នឹងគ្នា។(អាន:ថ្នាំងងុយគេង ពេលអ្នកគួរប្រើ) ដូច្នេះយកល្អគួរតែគិតគូររឿងនេះឲ្យបានល្អិតល្អន់ និងមានគម្រោងដោះស្រាយវាឲ្យបានល្អដើម្បីកុំឲ្យមានហានិភ័យកើតឡើង៕