Join with Health.com.kh on Telegram

ប្រូតេអ៊ីនគឺជាសារធាតុដែលរាងកាយត្រូវការដើម្បីបង្កើតជាសាច់ដុំ ហើយវាក៏មានក្នុងអាហារជាច្រើនផងដែរ។ ទោះបីជាយ៉ាងណាក៏ដោយ ក្នុងករណីដែលអ្នកទទួលបានប្រូតេអ៊ីនមិនបានគ្រប់គ្រាន់ ឬញ៉ាំមិនគ្រប់ វានឹងបង្ហាញជាអាការៈជាច្រើនឲ្យអ្នកបានដឹង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

កូឡេស្តេរ៉ុលឡើងខ្ពស់

កាលណាក្នុងខ្លួនមានកូឡេស្តេរ៉ុលខ្ពស់ វាអាចនឹងបណ្តាលឲ្យមានការរលាកកាន់តែខ្លាំង អតុល្យភាពអ័រម៉ូន និងញ៉ាំអាហារមានជាតិផ្អែមច្រើន។ បើសិនជាអ្នកមិនចូលចិត្តញ៉ាំអាហារសម្បូរប្រូតេអ៊ីន តែបែរជាញ៉ាំរបស់ផ្អែមច្រើនវិញនោះ កូឡេស្តេរ៉ុលក្នុងឈាមអាចនឹងចាប់ផ្តើមឡើងខ្ពស់ជាមិនខាន។ 

មានអារម្មណ៍តក់ស្លុតខ្លាំងនិងឆាប់ខឹង

អាស៊ីតអាមីណេគឺជាសារធាតុដើម្បីធ្វើការឲ្យសារធាតុចម្លងសរសៃប្រសាទ និងគ្រប់គ្រងអារម្មណ៍។ ប្រូតេអ៊ីនជួយខួរក្បាលក្នុងការសំយោគអ័រម៉ូនជាច្រើនដូចជា Dopamine និង Serotonin ដើម្បីជួយឲ្យមានអារម្មណ៍ល្អ។ អាស៊ីតអាមីណេកើតចេញពីប្រូតេអ៊ីន។ 

ហាត់ប្រាណកាន់តែមានការឈឺចាប់

ប្រូតេអ៊ីនគឺជាសារធាតុដែលរាងកាយត្រូវការដើម្បីបង្កើតសាច់ដុំថ្មី ប៉ុន្តែវាក៏សំខាន់សម្រាប់រក្សានិរន្តភាពថាមពល និងការលើកទឹកចិត្តដែរ។ កាលណាញ៉ាំអាហារមិនសូវមានជាតិប្រូតេអ៊ីន វានឹងធ្វើឲ្យសាច់ដុំស្វិត អស់កម្លាំង និងឡើងជាតិខ្លាញ់ទៅវិញ។ 

គេងមិនបានលក់ស្រួលទេ

ពេលខ្លះ ការគេងមិនលក់អាចមានជាប់ទាក់ទងនឹងភាពមិនហ្នឹងនររបស់ជាតិស្ករក្នុងឈាមដែរ។ ការញ៉ាំអាហារមានជាតិប្រូតេអ៊ីនមុនពេលគេងអាចជួយឲ្យមានការផលិតសារធាត៧ Tryptophan និង Serotonin ដែលវាមានឥទ្ធិពលតិចតួចបំផុតចំពោះជាតិស្ករក្នុងឈាម។ ប្រូតេអ៊ីនក៏ជួយបន្ថយការបឺតស្រូបជាតិស្ករក្នុងពេលញ៉ាំអាហារដែរ។ 

គិតអ្វីមិនចេញ

ប្រូទេអ៊ីនជាតម្រូវការសម្រាប់ការទ្រទ្រង់មុខងារសរសៃប្រសាទ។ ការដែលគិតអ្វីមិនចេញ កង្វះការផ្ចង់អារម្មណ៍ និងពិបាករៀនអ្វីៗដែឡថ្មី អាចជាសញ្ញាបញ្ជាក់ថា អ្នកត្រូវការប្រូតេអ៊ីនបន្ថែមដែរ។ ការដែលមានប្រូតេអ៊ីនក្នុងខ្លួនគ្រប់គ្រាន់អាចបង្កើនការធ្វើការងារ និងជំនាញរៀនសូត្រទៀត។ 

ឈឺក្រពះ

មុខងាររំលាយអាហារជាច្រើនគឺផ្អែកទៅលើការញ៉ាំអាស៊ីតអាមីណេ។ (អាន:ថ្នាំងងុយគេង ពេលអ្នកគួរប្រើ)បើសិនជាអ្នកមានអារម្មណ៍ថាអស់កម្លាំងពីខ្លួនតែម្តង ដោយសារតែកង្វះជាតិប្រូតេអ៊ីននោះ ការផលិតអង់ស៊ីម ការកន្ត្រាក់សាច់ដុំក្នុងផ្លូវរំលាយអាហារ និងការរំលាយអាហារក៏រងការប៉ះពាល់ដែរ៕