ភាគច្រើននៃពួកយើងសុទ្ធតែស្គាល់និងឧស្សាហ៍ទទួលទានប៉េងបោះ ប៉ុន្តែប្រហែលជាមិនធ្លាប់ដឹងទេថាប៉េងប៉ោះអាចជួយឱ្យស្បែកប្រែជាសភ្លឺថ្លាជាងមុនដោយគ្រាន់តែអនុវត្តតាមរូបមន្តបែបធម្មជាតិ? (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ងាយៗ! ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីរបៀបងាយៗក្នុងការប្រើប្រាស់ប៉េងប៉ោះជួយឱ្យស្បែកសភ្លឺរលោងជាងមុន ៖
១. ផ្លែបឺរនិងប៉េងប៉ោះ
អ្វីដែលអ្នកត្រូវធ្វើ គឺគ្រាន់តែកិនលាយសាច់ផ្លែបឺរនិងប៉េងបោះក្នុងបរិមាណស្មើគ្នាចូលគ្នាឱ្យសព្វ។ បន្ទាប់មកលាបល្បាយលើស្បែក ហើយទុកចោលរហូតដល់ស្ងួតសឹមលាងសម្អាតចេញជាការស្រេច។
២. ប៉េងប៉ោះ យ៉ាអួរ និងទឹកក្រូចឆ្មារស្រស់
អ្វីដែលអ្នកត្រូវធ្វើ គឺកាត់ប៉េងប៉ោះស្រស់ ១ ផ្លែជា ២ កំណាត់រួចប្របាច់យកទឹកប៉េងប៉ោះស្រស់នេះលាយជាមួយយ៉ាអួរសុទ្ធ ១ ស្លាបព្រាបាយ និងទឹកក្រូចឆ្មារស្រស់ ១ ស្លាបព្រាកាហ្វេ។ កូរឱ្យសព្វសឹមលាបលើស្បែកនិងទុកចោលសម្រាប់រយៈពេលប្រហែល ១៥ នាទី។ លាងសម្អាតចេញជាមួយទឹកក្ដៅឧណ្ហៗ។
៣. ប៉េងប៉ោះ និងស្ករស
ជាដំបូងត្រូវបកសំបកប៉េងប៉ោះចេញសិន បន្ទាប់មកកិនវារហូតក្លាយជាខាប់ៗ សឹមបន្ថែមស្ករសចូល ហើយកូរឱ្យសព្វ។ លាបល្បាយលើស្បែកក្នុងចលនាបែបរង្វង់យឺតៗសម្រាប់រយៈពេលពី ២ ទៅ ៣ នាទី។ ទុកចោលសម្រាប់រយៈពេលពី ១៥ ទៅ ២០ នាទី សឹមលាងសម្អាតចេញ៕