Join with Health.com.kh on Telegram

ស្រ្តីដែលមករដូវទៀងទាត់ និងប្រកបដោយសុខភាពល្អ ជាទូទៅមានចំនួនវដ្តរដូវចន្លោះពី ១១ ទៅ១៣ដងក្នុងមួយឆ្នាំ។ ការបាត់រដូវជាទូទៅ ត្រូវបានចាត់ទុកថាជាការមានផ្ទៃពោះ ប៉ុន្តែវាមិនមែនតែងតែមានន័យថាមានផ្ទៃពោះទាំងអស់នោះទេ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) មានជំងឺច្រើនណាស់ដែលបញ្ជាក់ថា មិនមានរដូវក៏មិនមានផ្ទៃពោះដែរ។ 

តាមទ្រឹស្តីវេជ្ជសាស្រ្តបានឲ្យដឹងថា ការមិនមករដូវត្រូវបានចែកចេញជាពីរប្រភេទនោះគឺ Primary Amenorrhea និង Secondary Amenorrhea។ 

Primary Amenorrhea

ជាអាការៈជំងឺមួយប្រភេទដែលស្រ្តីអាយុច្រើនជាង ១៥ឆ្នាំមិនដែលមានរដូវសោះតែម្តង។ ហេតុផលអាចដោយសារតែហ្សែន ឬជំងឺណាមួយ។ ចំពោះមូលហេតុរបស់វាវិញអាចដោយសារតែ មិនមានស្បូនពីកំណើត ស្បូនមិនលូតលាស់ និងភាពមិនធម្មតារបស់ហ្សែន។

Secondary Amenorrhea

នេះគឺជាជំងឺស្រ្តីមួយប្រភេទ ដែលស្រ្តីបានបាត់រដូវចាប់ពី ៣ខែឡើងទៅ។ ចំពោះមូលហេតុរបស់វា អាចដោយសាររឿងច្រើនដូចជា មានពងគីសច្រើនក្នុងក្រពេញអូវ៉ែ ស្គមពេក ថប់អារម្មណ៍និងស្ត្រេស មានដុំសាច់ក្នុងខួរក្បាល។ រឿងនេះក៏អាចមានន័យថា ស្រ្តីកំពុងតែមានផ្ទៃពោះផងដែរ។

បើសិនជាមិនមានរដូវ ហើយគ្មានផ្ទៃពោះទៀតនោះ តើអ្វីទៅជាមូលហេតុអាថ៌កំបាំងរបស់វាទៅ?

  • ស្រ្តេស
  • ស្គមពេក
  • មានជំងឺទាក់ទងនឹងក្រពេញទីរ៉ូអ៊ីត
  • មានពងគីសច្រើនក្នុងក្រពេញអូវ៉ែ
  • ប្រើថ្នាំពន្យាកំណើត
  • ត្រៀមរ៉ាំងរដូវ
  • ហាត់ប្រាណខ្លាំងពេក
  • កំពុងតែបំបៅដោះកូន
  • មានជំងឺរ៉ាំរ៉ៃ
  • កំពុងតែប្រើថ្នាំព្យាបាលជំងឺណាមួយ
  • មានដុំសាច់ក្នុងខួរក្បាល(អាន:ថ្នាំងងុយគេង ពេលអ្នកគួរប្រើ)
  • កំពុងតែផ្លាស់ប្តូរធ្វើអ្វីមួយក្នុងជីវិតរស់នៅដូចជាការធ្វើដំណើរ ឬម៉ោងធ្វើការ៕