Woman examining herself in mirror
Join with Health.com.kh on Telegram

បើសិនជាអ្នកគិតថា ការជក់បារី និងការញ៉ាំគ្រឿងស្រវឹងច្រើនៗធ្វើឲ្យអ្នកមានបញ្ហាចាស់មុនអាយុនោះ អ្នកគួរតែគិតម្តងទៀត។ តែយើងសុទ្ធតែដឹងថារឿងនេះវាបង្កជាបញ្ហាបែបនេះមែន តែតើអ្នកមានដឹងទេថា ការប្រើប្រាស់ទូរស័ព្ទឆ្លាតវ៉ៃច្រើន និងឧបករណ៍អេឡិចត្រូណិចផ្សេងៗទៀតក៏អាចធ្វើឲ្យស្បែកឆាប់ចាស់ដែរ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ក្រៅពីនេះនឹងមានហេតុផលផ្សេងៗទៀតដូចជា៖

អង្គុយនៅមួយកន្លែងយូរៗពេក

តាមការស្រាវជ្រាវមួយដែលចុះផ្សាយក្នុងសារព័ត៌មាន British Journal of Sport Medicine បានឲ្យដឹងថា ការចំណាយពេលអង្គុយធ្វើការនៅមួយកន្លែងយូរពេកអាចបណ្តាលឲ្យប្រែប្រួល DNA ដែលមានទំនាក់ទំនងធ្វើទៅស្បែកឆាប់ចាស់បាន។

ផលិតផលធ្វើឲ្យស្បែកស

បើសិនជាអ្នកប្រើប្រាស់ផលិតផលធ្វើឲ្យស្បែកស ដែលមានសារធាតុ Hydroquinone ឬ Mercury អ្នកអាចនឹងមានឱកាសទទួលបានភាពចាស់មុនអាយុច្រើន។ 

ពិបាកចិត្តក្រោយពេលជួបហេតុការប៉ះទង្គិចផ្លូវចិត្តខ្លាំង

ការសិក្សាមួយក្នុងសារព័ត៌មាន American Journal of Geriatric Psychiatry បានរកឃើញថា អ្នកដែលមានបញ្ហាពិបាកចិត្តខុសធម្មតាក្រោយពេលជួបហេតុការប៉ះទង្គិចផ្លូវចិត្តខ្លាំងគឺប្រឈមខ្ពស់នឹងភាពឆាប់ចាស់។ នេះដោយសារតែឥទ្ធិពលនោះប៉ះពាល់ដល់ប្រព័ន្ធរាងកាយក្នុងខ្លួនច្រើន។ 

ប្រើប្រាស់ទូរស័ព្ទឆ្លាតវៃ

តើអ្នកអង្គុយអោនក្បាលមើលទូរស័ព្ទរាល់ថ្ងៃដែរទេ? ខណៈពេលអ្នកមានឱកាសទទួលបានភាពឆាប់ចាស់មុនអាយុពីការប្រើប្រាស់ទូរស័ព្ទឆ្លាតវៃយូរនោះ តែអ្នកក៏ងាយនឹងមានបញ្ហាឈឺកញ្ចឹងកច្រើនដែរបើសិនជានៅបន្តធ្វើបែបនេះទៀត។ ក្រៅពីនេះ វានឹងធ្វើឲ្យចង្កាមានផ្នត់ពីរជាន់ ស្បែកទៅជាយៀរ ដែលវាសុទ្ធសឹងជាសញ្ញាបញ្ហាអំពីភាពចាស់របស់ស្បែកហើយ។ (អាន:ថ្នាំងងុយគេង ពេលអ្នកគួរប្រើ)

ហាល់ថ្ងៃច្រើនពេក

ការចំណាយពេលវេលានៅមាត់សមុទ្រ និងហាលថ្ងៃច្រើនអាចជារឿងសប្បាយ ប៉ុន្តែវាមិនល្អចំពោះស្បែកឡើយ។ រឿងនេះដោយសារតែការហាលថ្ងៃច្រើនអាចបណ្តាលឲ្យស្បែកឆាប់ចាស់បាន ព្រោះពន្លឺព្រះអាទិត្យនឹងទៅបំផ្លាញសារធាតុ Collagen និង Elastin របស់ស្បែក និងបណ្តាលឲ្យស្បែកទៅជាយៀរ ព្រមទាំងបង្កើតជាស្នាមគ្រាប់ៗសើស្បែកទៀតផង៕