ការរលាកក្នុងរាងកាយ គឺជាប្រតិកម្មរបស់ប្រព័ន្ធភាពស៊ាំតបតទៅនឹងរបួស ឬការឆ្លងមេរោគ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ជាធម្មតាការរលាកក្នុងរាងកាយមិននាំអោយមានផលអាក្រក់អ្វីឡើយ ប៉ុន្តែប្រសិនបើការរលាកមានលក្ខណៈរ៉ាំរ៉ៃអាចបង្កជំងផ្សេងៗ និងឡើងទម្ងន់។ ទោះជាយ៉ាងណា កុំបារម្ភ! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីអាហារដែលជួយប្រឆាំងការរលាក ៖
១. បន្លែបៃតង
ជាប្រភពដ៏ប្រសើរនៃសារធាតុប្រឆាំងអុកស៊ីតកម្មដូចជា Flavonoids ដែលប្រយុទ្ធប្រឆាំងការរលាកផ្សេងៗក្នុងរាងកាយបានយ៉ាងប្រសើរ។
២. ត្រីសម្បូរខ្លាញ់
ជាប្រភពដ៏ល្អបំផុតមួយនៃអាស៊ីតខ្លាញ់អូមេហ្គា ៣ និងវីតាមីន B ដែលមិនត្រឹមតែមានប្រសិទ្ធិភាពកាត់បន្ថយរលាកប៉ុណ្ណោះទេ ប៉ុន្តែក៏បង្កើនពង្រឹងសុខភាពបេះដូង និងខួរក្បាល។ ដូច្នេះចូរព្យាយាមទទួលទានត្រីសម្បូរខ្លាញ់អោយបាន ២ ដងក្នុងមួយសប្តាហ៍។
៣. ម្នាស់
ជាប្រភពនៃសារធាតុ quercetin និង bromelain ដែលសុទ្ធតែមានប្រសិទ្ធភាពប្រឆាំងការរលាក។
៤. គ្រាប់វាល់ណឺត
គ្រាប់ធញ្ញជាតិនេះមានផ្ទុកសម្បូរទៅដោយសារធាតុប្រឆាំងអុកស៊ីតកម្មដែលជួយប្រយុទ្ធប្រឆាំងការរលាកក្នុងរាងកាយគួរឱ្យកត់សម្គាល់។ ដូច្នេះដើម្បីជាការប្រសើរកុំភ្លេចរួមបញ្ចូលគ្រាប់វាល់ណឺតក្នុងរបបអាហារប្រចាំថ្ងៃ។
៥. ប្រេងដូង
មានផ្ទុក lipids ដែលទប់ស្កាត់ការរលាកនិងជំងឺរលាកសន្លាក់។
៦. គ្រាប់ជី
ជាប្រភពនៃអាស៊ីតខ្លាញ់អូមេហ្កា ៣ និង អាស៊ីតខ្លាញ់អូមេហ្កា ៦ ដែលទប់ស្កាត់ការរលាក គ្រប់គ្រងកូឡេស្តេរ៉ូល និងសម្ពាធឈាម។
៧. រមៀត
មានផ្ទុកនូវសារធាតុ curcumin ដែលមិនត្រឹមតែប្រយុទ្ធប្រឆាំងនឹងការរលាកប៉ុណ្ណោះទេ ប៉ុន្តែក៏ជួយកាត់បន្ថយការឈឺចាប់និងការហើមគួរឱ្យកត់សម្គាល់ផងដែរ។
៨. ខ្ញី
ជាប្រភពនៃសារប្រឆាំងអុកស៊ិកម្មដ៏ឥទ្ធិពលប្រឆាំងការរលាកដោយបញ្ឈប់រាងកាយពីការផលិតប្រូតេអ៊ីន cytokines ដែលបង្កការរលាករ៉ាំរ៉ៃ៕