ចង់ឱ្យសក់ដុះលឿនកាន់តែក្រាស់មែនទេ? (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) មិនពិបាកឡើយ! ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីគន្លឹះងាយៗជួយឱ្យសក់ដុះក្រាស់ឆាប់រហ័ស ៖

១. របៀបរស់នៅមានសុខភាពល្អ

អ្វីដែលអ្នកទទួលទាន និងរបៀបដែលអ្នកមើលថែរាងកាយសុទ្ធតែមានឥទ្ធិពលលើសុខភាពសក់របស់អ្នក។ ការទទួលទានបន្លែ ផ្លែឈើ ការទទួលទានទឹកបានគ្រប់គ្រាន់ និងធ្វើលំហាត់ប្រាណជាប្រចាំ គឺចាំបាច់ណាស់សម្រាប់សុខភាពរាងកាយទាំងមូល រួមទាំងការលូតលាស់នៃសក់។ ដូច្នេះដើម្បីជាការប្រសើរចូររក្សាឱ្យបាននូវរបៀបរស់នៅមានសុខភាពល្អនិងរបបអាហារត្រឹមត្រូវ។

២. ម៉ាស្សាខាត់ស្បែកក្បាល

ការម៉ាស្សាខាត់ស្បែកក្បាលអាចជួយបង្កើនការលូតលាស់នៃសក់គួរឱ្យកត់សម្គាល់។ អ្នកអាចប្រើប្រាស់សាប៊ូដែលមានលក្ខណៈសម្បត្តិបន្សាបជាតិពុលយ៉ាងហោចណាស់ម្ដងក្នុងមួយសប្តាហ៍ដើម្បីកម្ចាត់ជាតិប្រេងដែលលើស និងសម្អាតសក់បានសព្វ។

៣. ចៀសវាងសកម្មភាពធ្វើឱ្យស្ទះដល់ឬសនៃសក់

ដើម្បីអាចឱ្យសក់លូតលាស់បានលឿនអ្នកមិនគួរធ្វើសកម្មភាពណាដែលធ្វើឱ្យស្ទះដល់ឬសនៃសក់ដូចជាការប្រើប្រាស់សាប៊ូស្ងួតញឹកញាប់ជាដើមឡើយ។

៤. ម៉ាស្សាស្បែកក្បាល

ការម៉ាស្សាស្បែកក្បាលអាចជួយជម្រុញចរន្តឈាមហូរឱ្យមានលក្ខណៈកាន់តែប្រសើរឡើងដើម្បីចិញ្ចឹមឬសនៃសក់។

៥. កាត់តម្រឹមសក់ទៀងទាត់

ការកាត់តម្រឹមសក់ទៀងទាត់ជួយកម្ចាត់សក់ខូច ស្ងួត និងបែកចុង ហើយទប់ស្កាត់សក់ពីការខូចខាតកាន់តែខ្លាំង៕