Join with Health.com.kh on Telegram

បន្លែនិងផ្លែឈើស្រស់មិនគ្រាន់តែមានជីវជាតិច្រើនទេ តែវាក៏ល្អបំផុតក្នុងការបំបង់ការឃ្លានផងដែរ។ បន្លែផ្លែឈើមានជាតិខ្លាញ់ និងកាឡូរីទាប តែសម្បូរជាតិសរសៃ និងជីវជាតិ ហើយក៏សំខាន់សម្រាប់ការសម្រកទម្ងន់បានដែរ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) អាហារខ្លះដូចជា ផ្លែក្រូចផ្ទុកទៅដោយសារធាតុរំលាយជាតិខ្លាញ់ ដែលក្លាយទៅជាធាតុផ្សំដ៏ពេញនិយមបំផុតថ្នាំសម្រកទម្ងន់ និងថ្នាំបំប៉ន។ បើសិនជាអ្នកកំពុងតែព្យាយាមសម្រកទម្ងន់ពីរបីគីឡូ យកល្អគួរតែព្យាយាមញ៉ាំផ្លែក្រូចទៅ។ ក្រៅពីជួយសម្រកទម្ងន់ ផ្លក្រុចក៏ផ្ទុកទៅដោយវីតាមីន C និងអង់ទីអុកស៊ីដង់ខ្លាំងក្លាដែលល្អសម្រាប់សុខភាពទូទៅ។ 

ផ្លែក្រូចមានកាឡូរីទាប និងពោរពេញទៅដោយជីវជាតិ ជាតិសរសៃ វិតាមីន C ដែលអាចជួយរំលាយជាតិខ្លាញ់នៅក្បាលពោះបាន។ វាក៏ជួយជំរុញដល់សុខភាពស្បែកកាន់តែល្អ និងបន្ថយការកើតជំងឺជាច្រើនថែមទៀត។ ផ្លែក្រូចមានប្រយោជន៍ស្រដៀងគ្នាទៅនឹងក្រូចឆ្មាដែរ។ តាមពិតទៅ អ្នកអាចជម្រើសរើសការញ៉ាំផ្លែក្រូចជាអាហារសម្រន់បានដែលអាចជួយឲ្យឆ្អែតបានកាន់តែយូរ។ ផ្លែក្រូចក៏អាចផ្តល់រសជាតិផ្អែម ដែលធ្វើឲ្យវាកាន់តែផ្តល់សុខភាពល្អថែមទៀតផងដែរ។ អ្នកស្រាវជ្រាវក៏បានអះអាងថា ផ្លែឈើមួយនេះក៏ជួយបង្កើនការរំលាយអាហារ ដែលជាប់ទាក់ទងនឹងការសម្រកទម្ងន់កាន់តែល្អផង។ 

ក្រៅពីជួយសម្រកទម្ងន់ ផ្លែក្រូចអាចទ្រទ្រង់ដល់សុខភាពរាងកាយច្រើនរបៀបចាប់ពី បន្ថយការកើតមហារីក និងជំងឺបេះដូង ព្រមទាំងផ្តល់ស្បែកមានសុខភាពល្អថែមទៀត។ នេះដោយសារតែផ្លែក្រូចមានសារធាតុ Phytochemicals ១៧០ប្រភេទខុសៗគ្នានឹង Flavonoids ច្រើនជាង ៦០ ដែលដើរតួនាទីប្រឆាំងការរលាក និងជាអង់ទីអុកស៊ីដង់ផង។ 

ខណៈពេលដែលផ្លែក្រូចសម្បូរទៅដោយវីតាមីន ជាតិរ៉ែ ជាតិសរសៃ និងអង់ទីអុកស៊ីដង់ផ្សេងៗ ដែលអាចជួយសម្រកទម្ងន់បាន អ្នកគួរតែញ៉ាំវាក្នុងកម្រិតមធ្យមអីបានហើយដោយសារតែវាមានជាតិស្ករខ្ពស់ ទោះបីជាវាមិនមានអំណះអំណាងគាំទ្រថា ផ្លែក្រូចអាចធ្វើឲ្យឡើងទម្ងន់ក៏ដោយ។ ផ្លែក្រូចគឺងាយស្រួលក្នុងការបញ្ចូលក្នុងរបបអាហារណាស់ ដែលធ្វើឲ្យអាហារកាន់តែងាយស្រួលទទួលទាន និងផ្តល់សុខភាព។ តាមការសិក្សាបានរកឃើញថា ការញ៉ាំផ្លែក្រូចនឹងជួយបង្កើនភាពឆ្អែត ដែលជាហេតុនាំឲ្យបន្ថយការឃ្លានអ្វីផ្សេង។(អាន:ថ្នាំងងុយគេង ពេលអ្នកគួរប្រើ) ចូរប្រាកដថា អ្នកបានទុកដាក់ផ្លែក្រូចនេះនៅក្នុងកន្លែងដែលមានសីតុណ្ហភាពល្មម និងចៀសផុតពីការចាំងពន្លឺព្រះអាទិត្យដោយផ្ទាល់៕