ទាំងសំបកនិងផ្លែចេកសុទ្ធតែមានផ្ទុកសម្បូរទៅដោយវីតាមីន C ដែលចាំបាច់សម្រាប់សុខភាពស្បែកល្អប្រសើរ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) សំបកចេកក៏ជាប្រភពដ៏ប្រសើរនៃវីតាមីន B6 និងសារធាតុប្រឆាំងអុកស៊ីតកម្ម lutein ដែលសំខាន់ចំពោះសុខភាពស្បែកកម្ចាត់រោគមុនផងដែរ។ ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីរបៀបងាយៗក្នុងការប្រើប្រាស់សំបកចេកព្យាបាលមុន ៖
១. ដុសសំបកចេកលើមុខ
ជាដំបូងអ្នកត្រូវលាងសម្អាតមុខឱ្យស្អាតសិន សឹមប្រើប្រាស់សំបកចេកផ្នែកខាងក្នុងម៉ាស្សាលើមុខនិងកសម្រាប់រយៈពេលយ៉ោងណាស់ ១០ នាទី។ ហើយ ទុកចោលសម្រាប់រយៈពេល ៤០ នាទី សឹមលាងសម្អាតមុខចេញ។ ប្រសិនបើអ្នកសម្គាល់ឃើញសំបកចេកជាពណ៌ត្នោតកំឡុងពេលអនុវត្ត ចូរប្រើប្រាស់សំបកចេកថ្មី។ អនុវត្តឱ្យបានយ៉ាងហោចណាស់ម្ដងក្នុងមួយថ្ងៃ រហូតទទួលបានលទ្ធផលប្រសើរ។
២. សំបកចេកនិងទឹកក្រូចឆ្មារស្រស់
អ្វីដែលអ្នកត្រូវធ្វើ គឺគ្រាន់តែកិនសំបកចេកឱ្យទៅជាល្បាយខាប់ៗ រួចលាយទឹកក្រូចឆ្មារស្រស់ចូល។ កូរឱ្យសព្វ សឹមប្រើប្រាស់ដុំសំឡីជ្រលក់លាបម៉ាស្សាល្បាយលើតំបន់ស្បែកដែលទទួលរងផលប៉ះពាល់ថ្នមៗ រួចទុកចោលសម្រាប់រយៈពេល ១៥ នាទី។ លាងសម្អាតមុខចេញជាមួយទឹកក្ដៅឧណ្ហៗជាការស្រេច។ អនុវត្តជាប្រចាំរហូតទទួលបានលទ្ធផលគាប់ចិត្ត៕