Join with Health.com.kh on Telegram

ធម្មតាចំពោះខ្ញុំផ្ទាល់ ក្រោយពីបាយឆ្អែតរួច ដឹងតែងងុយគេងតែម្តង។ សម្រាប់ថ្ងៃចុងសប្តាហ៍ ពេលខ្លះខ្ញុំក៏គេងភ្លាមក្រោយពីបាយថ្ងៃត្រង់រួច។ ចំពោះមិត្តខ្ញុំខ្លះក៏ញ៉ាំតែមួយពែងថែមទៀតក្រោយពីបាយរួចដោយគិតថា វានឹងជួយដល់ការរំលាយអាហារ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ទោះបីជាយ៉ាងណាក៏ដោយ ទម្លាប់ទាំងនេះភាគច្រើនមានផលអាក្រក់ច្រើនជាងល្អ។ ខាងក្រោមនេះគឺជារឿង ៥យ៉ាងដែលអ្នកមិនគួរណាធ្វើវាឡើងនៅពេលញ៉ាំបាយឆ្អែតភ្លាម៖

គេង

សម្រាប់ថ្ងៃចុងសប្តាហ៍ខ្លះ ខ្ញុំតែងតែគេងក្រោយពីបាយថ្ងៃត្រង់រួច។ ប៉ុន្តែក្រោយពីភ្ញាក់ពីគេងរួច ខ្ញុំនៅតែមានអារម្មណ៍ចំណីដែលញ៉ាំនោះដូចជាមិនព្រមរលាយទៅបានសោះ ហើយនៅតែតឹងពោះដដែល។ ដូច្នេះអាចនិយាយបាន ក្រោយពីបាយរួចហើយគេងបែបនេះ វានឹងមិនធ្វើឲ្យក្រពះរំលាយអាហារបានល្អឡើយ។ ទោះបីជាយ៉ាងណាក៏ដោយ ការគេងថ្ងៃភ្លាមៗក្រោយពីបាយឆ្អែតរួចមិនមែនល្អក្នុងការបន្ធូរអារម្មណ៍ឡើយ។ 

ជក់បារី

គេនិយាយថា ការជក់បារីក្រោយពីបាយរួចវានឹងស្មើរការជក់បារីរហូតដល់ ១០ដើមឯណោះ។ មិនខ្វល់ថានេះជារឿងពិតឬអត់ទេ តែការជក់បារីពិតជាមានគ្រោះថ្នាក់ណាស់ចំពោះរាងកាយ ហើយក៏មិនគួរជក់បារីទោះស្ថិតក្នុងកាលៈទេសៈណាក៏ដោយ។ 

ញ៉ាំផ្លែឈើ

ធម្មតាខ្មែរយើងមានទម្លាប់ញ៉ាំផ្លែឈើលាងមាត់ក្រោយពីបាយរួច ប៉ុន្តែការធ្វើបែបនេះនឹងធ្វើឲ្យការរំលាយអាហារមានលក្ខណៈខុសធម្មតាទៅវិញទេ។ អ្វីដែលល្អគួរតែញ៉ាំផ្លែឈើមុនបានទើបល្អដើម្បីសម្រួលដល់ការរំលាយអាហារ។ ផ្លែឈើគួរតែញ៉ាំមុនបាយមួយម៉ោង ឬញ៉ាំក្រោយបាយរួចពីរម៉ោងទើបល្អ។ ផ្លែឈើនឹងមិនអាចរំលាយបានល្អទេបើសិនជាអ្នកញ៉ាំវាភ្លាមក្រោយពីបាយរួច។ 

ញ៉ាំតែ

ស្លឹកតែជាប្រភេទអាស៊ីត ហើយវាក៏ប៉ះពាល់ដល់ការរំលាយអាហារផងដែរ។ (អាន:ថ្នាំងងុយគេង ពេលអ្នកគួរប្រើ)បើសិនជាអ្នកញ៉ាំបាយមានជាតិប្រូតេអ៊ីនច្រើន អាស៊ីតចេញពីតែនឹងធ្វើឲ្យប្រូតេអ៊ីននោះកាន់តែរឹង និងផ្តល់ភាពកាន់តែពិបាករំលាយ។ ការញ៉ាំតែភ្លាមក្រោយពីបាយរួចនឹងរំខានដល់ការបឺតស្រូបជាតិដែកក្នុងរាងកាយ។ ចូរចៀសវាងការញ៉ាំតែមួយម៉ោងមុនបាយ និងក្រោយបាយភ្លាម៕