Join with Health.com.kh on Telegram

អ្នកពិតជាយល់ព្រមហើយនៅពេលដែលអាចបានដើរនៅតាមឆ្នេរសមុទ្រ ឬតាមដងទន្លេដើម្បីបន្ធូរអារម្មណ៍។ ជាមួយគ្នានេះដែរ ការដែលទាញយករបស់ធម្មជាតិដាក់នៅក្នុងបន្ទប់គេងនឹងអាចបង្កើនថាមពលក្នុងខ្លួន ព្រមទាំងអារម្មណ៍កាន់តែល្អថែមទៀត។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ជាមួយគ្នានេះដែរ វាក៏អាចជួយបង្កើនការផលិតអ័រម៉ូន Serotonin ក្នុងខួរក្បាលដើម្បីបន្ថយស្រ្តេសផង។ ខាងក្រោមនេះខ្ញុំសូមណែនាំនូវវិធីធម្មជាតិមួយចំនួនដែលអាចដាក់ក្នុងបន្ទប់របស់អ្នកដើម្បីបន្ថយភាពស្រ្តេស៖

ទឹកហូរ

ការហូររបស់ទឹកនឹងបង្កើតបាននូវសម្លេងពោរពេញដោយភាពរីករាយ ដែលធ្វើឲ្យអ្នកមានអារម្មណ៍កាន់តែល្អ។ ដូច្នេះ ចូរដាក់ផើងទឹកហូរមួយក្នុងផ្ទះដើម្បីជំរុញដល់ថាមពលក្នុងរាងកាយទៅ។

ផ្កាចម្រុះពណ៌

វិធីសាស្រ្តដ៏អស្ចារ្យមួយក្នុងការលុបបំបាត់ភាពស្រ្តេសក្នុងជីវិតគឺ ការដាក់ផ្កាចម្រុះពោះក្នុងបន្ទប់គេង។ ផ្កានឹងជួយសម្រួលដល់អារម្មណ៍ និងជួយផ្តាច់នូវអារម្មណ៍តានតឹងដែលបានមកពីខាងក្រៅបាន។ 

ដាំដើមរុក្ខជាតិ

របស់ទាំងនេះអាចជារបស់លុបបំបាត់ភាពស្រ្តេសយ៉ាងអស្ចារ្យ ព្រោះវានឹងបង្កើតបាននូវបរិយាកាសដ៏ល្អផូរផង់ក្នុងផ្ទះផង។ ដូច្នេះវាអាចជាគំនិតដ៏ល្អមួយក្នុងការបញ្ចេញចោលនូវរុក្ខជាតិជ័រៗចេញពីបន្ទប់ ហើយជំនួសវិញនូវរុក្ខជាតិពិតៗវិញ។ 

ពន្លឺធម្មជាតិ

បើសិនជាអ្នកមិនព្រមប៉ះពាល់នឹងពន្លឺព្រះអាទិត្យទេ អ្នកអាចនឹងមានភាពតានតឹងក្នុងអារម្មណ៍ច្រើន បាក់ទឹកចិត្ត និងមានបញ្ហាសុខភាពថែមទៀត។ កាលណាអ្នកជំរុញខ្លួនឯងប៉ះពាល់នឹងពន្លឺធម្មជាតិកាន់តែច្រើន អ្នកនឹងមានអារម្មណ៍កាន់តែល្អទាំងផ្លូវកាយនិងចិត្ត។ ដូច្នេះក្នុងបន្ទប់គួរតែបើកទ្វារដើម្បីអនុញ្ញាតិពន្លឺព្រះអាទិត្យចូលខ្លះហើយ។ 

សម្លេងធម្មជាតិ

សម្លេងរបស់ធម្មជាតិអាចជួយឲ្យបេះដូងដើរធម្មតាវិញ ព្រមទាំងសម្រួលដល់សរសៃប្រសាទដែលកំពុងតែនឿយហត់បាន។ (អាន:ថ្នាំងងុយគេង ពេលអ្នកគួរប្រើ)ដូច្នេះ អ្នកគ្រាន់តែប្រើពេលវេលាខ្លះលេងជាមួយសត្វបក្សី ឬទះទឹកលេងក៏បានដែរ។ ចំពោះសម្លេងទឹកភ្លៀង និងសម្លេងទឹកហូរក៏អាចជួយឲ្យធូរស្រាលក្នុងអារម្មណ៍ច្រើនដែរ៕