ប្រព័ន្ធរំលាយអាហារដើរតួនាទីសំខាន់មួយក្នុងការថែរក្សាសុខភាព។ រាងកាយរបស់យើងត្រូវការប្រើប្រាស់ជីវជាតិដែលចេញពីអាហារដែលយើងញ៉ាំ ហើយប្រព័ន្ធរំលាយអាហារនឹងធ្វើការលើរឿងនេះតាមរយៈការជំរុញរាងកាយបឺតស្រូបជីវជាតិដែលត្រូវការ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ចុងក្រោយ វានឹងបន្សល់វិញនូវកាកសំណល់ជាលាមក ដើម្បីបញ្ចេញទៅខាងក្រៅរាងកាយ។
រឿងនេះស្តាប់ទៅគួរឲ្យគគ្រិចបន្តិចមែន ប៉ុន្តែការបន្ទោបង់គឺជាផ្នែកដ៏សំខាន់បំផុតមួយរបស់រាងកាយ និងជីវិតរស់នៅ។ មនុស្សយើងមានពេលវេលា វិធី និងលក្ខណៈជំរុញការបន្ទោបង់ខុសៗគ្នា។ ប៉ុន្តែតើវាមានពេលវេលាពិសេសណាមួយដែរទេដែលអ្នកត្រូវពិចារណាអនុវត្តវាជាប្រចាំលើការបន្ទោបង់ទៅ?
តើគួរបន្ទោបង់មួយថ្ងៃប៉ុន្មានដង នៅពេលណា គឺអាស្រ័យទៅតាមកត្តាច្រើនដែរដូចជា អាយុ ទីកន្លែង អាកាសធាតុ អាហារ របៀបរស់នៅជាដើម។ ប៉ុន្តែសម្រាប់មនុស្សពេញវ័យវិញ ពេលវេលាបន្ទោបង់ដ៏ល្អបំផុតនោះគឺនៅពេលព្រឹកតែម្តង។ អ្នកជំនាញខាងជំងឺក្រពះពោះវៀនបានពន្យល់ថា ម៉ោងរាងកាយជំរុញឲ្យពោះវៀនធំកន្ត្រាក់ និងច្របាច់បីដង ដោយច្របាច់ខ្លាំងនៅរយៈពេលមួយម៉ោងដំបូងក្រោយភ្ញាក់ពីគេងរួចបើប្រៀបធៀបពេលវេលាដែលអ្នកកំពុងតែគេង។ ចាប់តាំងពីពោះវៀនចាប់ផ្តើមកន្ត្រាក់ខ្លាំងៗមក យើងនឹងមានអារម្មណ៍ថាចង់បន្ទោបង់ភ្លាមៗដែរ។ នេះដោយសារតែ នៅពេលយើងគេង ពោះវៀនតូច និងធំធ្វើទៅលើអាហារដែលនៅសល់កាលពីថ្ងៃម្សិលមិញ។ មិនខ្វល់ថាពេលវេលាណានោះទេ ឲ្យតែអ្វីសំខាន់គឺត្រូវការបឺទស្រូបចូលរាងកាយហើយ ខណៈពេលដែលកាកសំណល់ត្រូវបានបង្កើតឡើង ហើយត្រៀមខ្លួនដើម្បីបញ្ចេញចោល។
បើសិនជាអ្នកមានអារម្មណ៍ចង់បន្ទោបង់ខ្លាំងនៅពេលព្រឹក មានន័យថា អ្នកកំពុងតែមានរាងកាយធ្វើការផ្តល់សុខភាពល្អហើយ។ ទោះបីជាយ៉ាងណាក៏ដោយ មនុស្សមួយចំនួនប្រហែលជាមានអារម្មណ៍ថាអ៊ីចឹងមែនតែវាគឺជាការរាកនៅពេលព្រឹកទៅវិញ។ ភាពខុសគ្នារវាងការបន្ទោបង់បែបផ្តល់សុខភាព និងការរាកនៅពេលព្រឹកគឺថា លាមកដែលរាកគឺជាប្រភេទទឹក ហើយជាប់ទាក់ទងនឹងការឈឺពោះថែមទៀត។ តម្រូវការរត់ទៅចូលបង្គន់ក៏ប្រហែលជាធ្វើឲ្យអ្នកភ្ញាក់ពីគេងដើម្បីបន្ទោបង់ជាការរាកដែរ។ បើសិនជានរណាម្នាក់មានអាការៈរាកនៅពេលព្រឹកបែបនេះ វាគឺជាពេលវេលាដែលត្រូវទៅជួបពេទ្យហើយ។(អាន:ថ្នាំងងុយគេង ពេលអ្នកគួរប្រើ)
អ្វីដែលសំខាន់នោះគឺថា អ្នកត្រូវបន្ទោបង់ជាទៀងទាត់នៅពេលព្រឹក ដោយមិនមានជាប់ទាក់ទងនឹងបញ្ហា ឬអាការៈអ្វីទាំងអស់។ ការដែលបន្ទោបង់មិនទៀងទាត់ ឬពន្យាពេលបន្ទោបង់ អាចជាអាការៈមួយនៃការទល់លាមក និងត្រូវការពិនិត្យសុខភាពបន្ថែមទៀត៕