បញ្ហាមួយដែលមនុស្សយើងជួបញឹកញាប់បំផុតក្នុងរដូវធ្លាក់ខ្យល់ ឬរងារនោះគឺជំងឺផ្តាសាយ និងក្អកតែម្តង។ ដោយសារតែក្នុងធាតុអាកាសមួយនេះមានមេរោគផ្តាសាយច្រើនផង ដូច្នេះវាក៏ពិបាកក្នុងការព្យាបាលការផ្តាសាយ និងក្អករដែរ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ដូច្នេះយកល្អគួរតែមានថ្នាំ និងវិធីព្យាបាលដោយខ្លួនឯងក្នុងផ្ទះជាការស្រេច ជាពិសេសសម្រាប់អ្នកដែលមានបញ្ហាផ្លូវដង្ហើមតែម្តង។ ជំងឺផ្តាសាយ និងការក្អកច្រើនតែមិនបង្កគ្រោះថ្នាក់អ្វីឡើយ គ្រាន់តែវាធ្វើឲ្យរំខានដល់របៀបរស់នៅប្រចាំថ្ងៃ ពិបាកគេង ឬញ៉ាំប៉ុណ្ណោះ។ វាពិតជារឿងសំខាន់បំផុតទៀតក្នុងការព្យាបាលជំងឺផ្តាសាយ ហើយខាងក្រោមនេះខ្ញុំនឹងបង្ហាញវិធីព្យាបាលដ៏មានប្រសិទ្ធភាពបំផុតតាមរបៀបធម្មជាតិ។ 

ខ្ទឹមសត្រូវបានគេប្រើប្រាស់ជាគ្រឿងផ្សំធ្វើម្ហូបជាច្រើនមុខក្នុងស្រុកយើង ដោយសារតែវាអាចជួយជំរុញដល់រសជាតិម្ហូបកាន់តែឈ្ងុយឆ្ងាញ់បន្ថែមទៀតបាន។ យ៉ាងណាមិញ ខ្ទឹមសក៏អាចប្រើដើម្បីព្យាបាលជំងឺផ្តាសាយបានដែរ។ ខ្ទឹមសផ្ទុកទៅដោយសារធាតុជាច្រើន និងអង់ទីអុកស៊ីដង់ដែលបង្កើនមុខងារប្រព័ន្ធភាពស៊ាំ ព្រមទាំងទប់ស្កាត់ការកើតជំងឺកាន់តែងាយស្រួល។ សារធាតុទាំងអស់នេះហាក់បីដូចជាមានប្រតិកម្មទប់ស្កាត់នឹងជំងឺច្រើនជាពិសេសវីរុសបង្កជំងឺផ្តាសាយ និងក្អកតែម្តង។ 

ជំនឿដ៏ពេញនិយមបំផុតនោះគឺថា ការចម្អិនខ្លាំងពេក និងប្រើកម្តៅខ្លាំងពេកអាចបំផ្លាញអង់ហ្ស៊ីមធម្មជាតិ និងជីវជាតិដែលមានក្នុងអាហារបាន។ វាត្រូវបានគេរកឃើញថា ខ្ទឹមសដែលចម្អិនខ្លាំងពេកក៏អាចបំផ្លាញសារធាតុប្រឆាំងជំងឺរបស់វាបានដែរ។ ខាងក្រោមនេះ គឺជារបៀបដែលអ្នកគួរតែប្រើខ្ទឹមសដើម្បីព្យាបាលជំងឺផ្តាសាយ៖

  • មិនត្រូវចម្អិនខ្ទឹមសក្នុងកម្តៅខ្លាំងពេកទេ។ ចូរគ្រាន់តែដាក់ដើម្បីផ្តល់ក្លិនឈ្ងុយដល់អាហារទៅបានហើយ
  • មិនត្រូវចម្អិនខ្ទឹមសក្នុងម៉ៃក្រូវ៉េវលើសពី ៤៥វិនាទីឡើយ
  • ក្រោយពីបកសម្បកខ្ទឹមសរួច ចូរងរចាំ ១០នាទីសិនចាំចម្អិនវា(អាន:ថ្នាំងងុយគេង ពេលអ្នកគួរប្រើ)
  • ចូរព្យាយាមប្រើខ្ទឹមសច្រើនក្នុងអាហារមួយពេលៗដើម្បីទទួលបានលទ្ធផលរបស់វា៕