អាហារសម្រន់ដែលអាចញ៊ាំក្រោយមក ៨ យប់ ដោយមិនបាច់ខ្លាចធាត់

ឃ្លានពេលយប់តែមិនហ៊ានទទួលទានព្រោះខ្លាចកើនទម្ងន់ខ្លាំងមែនទេ? (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) កុំបារម្ភមិនមែនសុទ្ធតែគ្រប់អាហារទាំងនេះជះផលប៉ះពាល់ដល់ទម្ងន់របស់អ្នកឡើយប្រសិនបើទទួលទានក្នុងកម្រិតមធ្យម។ ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីអាហារសម្រន់មួយចំនួនដែលអ្នកអាចទទួលទានបានក្រោយម៉ោង ៨ យប់ដោយមិនបាច់បារម្ភខ្លាចធាត់ ៖

១. គ្រាប់ធញ្ញជាតិ

ជាប្រភពដ៏ប្រសើរនៃជាតិសសៃ និងអាស៊ីតខ្លាញ់ល្អ monounsaturated ដែលជួយឱ្យឆាប់ឆ្អែត ឬមានអារម្មណ៍ឆ្អែតបានយូរដោយមិនបង្កើនកាឡូរីខ្ពស់ក្នុងរាងកាយ។ ទោះជាយ៉ាងណាកុំទទួលទានច្រើនពេក!

២. ផ្លែបឺរ

ត្រឹមតែពីរបីចំណិតនៃផ្លែឈើនេះធ្វើឱ្យអ្នកឆ្អែតបានយូរបាត់ទៅហើយ។ ផ្លែបឺរជាប្រភពដ៏ល្អបំផុតមួយនៃជាតិសសៃ ខ្លាញ់ល្អ និងវីតាមីន។

៣. យ៉ាអួរ

ជាអាហារសម្រន់ប្រសើរបំផុតដែលអ្នកអាចទទួលទានក្រោយម៉ោង ៨ យប់ដោយមិនខ្លាចថានឹងឡើងទម្ងន់។

៤. សូកូឡាខ្មៅ

អាហារសម្រន់ពេលយប់ដែលជួយឱ្យឆាប់ឆ្អែតមួយទៀតនោះ គឺសូកូឡាខ្មៅ។ ចូរជ្រើសរើសសូកូឡាខ្មៅដែលមានផ្ទុកជាតិកាកាវ ៧០ ភាគរយ ហើយកុំទទួលទានច្រើនជាងមួយដុំ។

៥. ប៊្លូបឺរី

ត្រឹម ១ ពែងនៃប៊្លូបឺរីមានផ្ទុកជាតិសសៃ ប្រូតេអ៊ីន រួមទាំងសារធាតុប្រឆាំងអុកស៊ីតកម្មដែលនឹងជួយរាងកាយទប់ទល់ជាមួយការឃ្លានបានយ៉ាងប្រសើរឆាប់រហ័ស៕