ពេលនេះ ភ្ញៀវទេសចរយ៉ាងច្រើនកំពុងផ្អើលនាំគ្នាភ្លូកទឹកភ្លូកដីទៅលេងឧទ្យានរុក្ខជាតិ ដ៏ធំមួយ នៅរដ្ឋមីឈីហ្គេន (Michigan) សហរដ្ឋអាមេរិក ដើម្បីមើល “ផ្កាសាកសព” (corpse flower) ស្អុយដូចគំរង់រីកស្គុសស្គាយជាលើកដំបូងក្នុងរយៈពេល ១៨ ឆ្នាំ។
ផ្កាដែលមានឈ្មោះវិទ្យាសាស្ត្រ Amorphophallus titanium ខាងលើនេះបានចាប់ផ្តើមរីក កាលពីថ្ងៃពុធ ទី១១ ខែកក្កដា នៅឧទ្យានរុក្ខជាតិ Frederik Meijer Gardens and Sculpture Park ស្ថិតក្នុងទីក្រុងហ្គ្រែន រែភីតស៍ (Grand Rapids)។
បុគ្គលិកឧទ្យានបានដាក់រហស្សនាមផ្កានេះថា “Putricia” ដោយសារតែក្លិនឆួលខ្លាំងរបស់វា។ សូមបញ្ជាក់ថា ផ្កាដែលមានកម្ពស់ ១,៤ ម៉ែត្រនេះទើបតែរីកជាលើកដំបូងចាប់តាំងពីគេដាក់ ដាំក្នុងឆ្នាំ២០០០៕
ប្រភព៖ rasmeinews.com