ការហាត់ប្រាណដើរតួនាទីដ៏សំខាន់មួយទៅលើសុខភាពទូទៅ។ ការសិក្សាអាចបន្ថយការប្រឈមនឹងជំងឺជាច្រើនទៀតដែរដូចជា ការធាត់ជ្រុល ជំងឺទឹកនោមផ្អែមប្រភេទទី២ និងជំងឺបេះដូង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)តាមការសិក្សាថ្មីមួយបានរកឃើញថា ការហាត់ប្រាណក៏ប្រហែលជាអាចបន្ថយការកើតជំងឺមហារីកក្រពេញប្រូស្តាតបានយ៉ាងគួរឲ្យកត់សម្គាល់ដែរ។
ជំងឺមហារីកក្រពេញប្រូស្តាតគឺជាជំងឺមហារីកមួយប្រភេទដែលកើតឡើងលើមនុស្សប្រុស។ ក្រពេញប្រូស្តាត គឺជាក្រពេញដ៏តូចមួយដែលមាននាទីផលិតទឹករំអិលរបស់ទឹកកាម ដែលអាចរងការប៉ះពាល់ដោយសារតែមហារីកបាន។ ការសិក្សាបានរកឃើញថា ប្រុសដែលរស់នៅបែបសកម្ម និងហាត់ប្រាណជាទៀងទាត់អាចបន្ថយការប្រឈមនឹងជំងឺមហារីកក្រពេញប្រូស្តាតបានរហូតដល់ពាក់កណ្តាលឯណោះ។
ក្រុមស្រាវជ្រាវមួយក្រុមនេះបានប្រើប្រាស់វិធីវាយតម្លៃសកម្មភាពរាងកាយលើបុរសមានជំងឺមហារីកក្រពេញប្រូស្តាត ៧៩១៤៨នាក់ និង ៦១១០៦នាក់ទៀតមិនមាន។ លក្ខណៈ DNA ដែលទាក់ទងនឹងសកម្មភាពត្រូវបានវិភាគចៀសជាងពឹងផ្អែកតែទៅលើព័ត៌មានដែលពួកគេផ្តល់ឲ្យទៅលើរបៀបរស់នៅរបស់ពួកគេ។
អ្នកស្រាវជ្រាវបានរកឃើញថា បុរសដែលមានភាពសកម្មបំផុតគឺអាចបន្ថយការប្រឈមនឹងជំងឺមហារីកក្រពេញប្រូស្តាតរហូតដល់ ៥១ភាគរយ នៅពេលប្រៀបធៀបជាមួយបុរសដែលមានសកម្មភាពតិចតួចបំផុត។ យកល្អគួរតែសម្គាល់ថា បុរសដែលអាយុចាប់ពី ៥០ឆ្នាំឡើងទៅ ហើយបុរសដែលមានគ្រួសារធ្លាប់កើតមហារីកក្រពេញប្រូស្តាតពីមុនមកគឺមានការប្រឈមមុខខ្ពស់បំផុត។ (អាន:ថ្នាំងងុយគេង ពេលអ្នកគួរប្រើ)ការសិក្សានេះត្រូវបានចុះផ្សាយក្នុងសារព័ត៌មាន International Journal of Epidemiology៕