ថ្នាំគ្រាប់ពន្យាកំណើតគឺជាវិធីសាស្រ្តពន្យាកំណើតដ៏ពេញនិយមបំផុតដែលស្រ្តីទូទាំងពិភពលោកកំពុងតែប្រើប្រាស់។ វាក៏ត្រូវបានគេប្រើដើម្បីព្យាបាលការមករដូវមិនទៀតទាត់ ជំងឺគីសច្រើនគ្រាប់ក្នុងក្រពេញអូវ៉ែ និងជំងឺផ្សេងៗទៀត។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ការសិក្សាថ្មីមួយបានរកឃើញថា ថ្នាំគ្រាប់ពន្យាកំណើតអាចមានឥទ្ធិពលមួយទៅលើខួរក្បាលស្រ្តីដែលកំពុងតែប្រើប្រាស់វា។ ស្រ្តីដែលលេបថ្នាំពន្យាកំណើតត្រូវបានគេរកឃើញថា មានទំហំតំបន់ Hypothalamus តូចជាងស្រ្តីដែលមិនបានញ៉ាំ។ តំបន់ Hypothalamus គឺជាផ្នែកមួយរបស់ខួរក្បាលដែលស្ថិតនៅបាតខួរក្បាល និងនៅពីលើក្រពញ Pituitary Gland។ Hypothalamus មាននាទីទទួលខុសត្រូវលើការផលិតរបស់អ័រម៉ូនជាច្រើន និងជួយសម្រួលដល់មុខងាររាងកាយសំខាន់ៗដូចជា សីតុណ្ហភាព ចំណង់អាហារ អារម្មណ៍ ផ្លូវភេទ ការគេង និងចង្វាក់បេះដូង។ 

នេះគឺជាលើកដំបូងហើយដែលការស្រាវជ្រាវត្រូវបានធ្វើឡើងទៅលើឥទ្ធិពលរបស់ថ្នាំគ្រាប់ពន្យាកំណើតចំពោះខួរក្បាល។ ការសិក្សានេះត្រូវបានធ្វើបទបង្ហាញនៅឯ Scientific Assembly and Annual Meeting of the Radiological Society of North American លើកទឹក ១០៥ RSNA ក្នុងឆ្នាំ ២០១៩។

ស្រ្តីមានសុខភាពល្អប្រមាណ ៥០នាក់មាន ស្រ្តី ២១នាក់ដែលបានលេបថ្នាំពន្យាកំណើត។ ការស្គេន MRI ត្រូវបានធ្វើលើស្រ្តីទាំងអស់ដើម្បីវាយតម្លៃទៅលើទំហំរបស់តំបន់ Hypothalamus ផងដែរ។ ភាពខុសគ្នាយ៉ាងខ្លាំងទៅលើទំហំរបស់រចនាសម្ព័ន្ធខួរក្បាលត្រូវបានគេរកឃើញលើស្រ្តីដែលកំពុងតែលេបថ្នាំគ្រាប់ពន្យាកំណើត។(អាន:ថ្នាំងងុយគេង ពេលអ្នកគួរប្រើ) យ៉ាងណាមិញ រឿងនេះត្រូវការការស្រាវជ្រាវបន្ថែមទៀតទៅលើរចនាសម្ព័ន្ធខួរក្បាល និងមុខងារខួរក្បាលរបស់អ្នកដែលលេបថ្នាំពន្យាកំណើត៕