ការដែលរស់នៅក្នុងផ្ទះមានវត្តមានក្មេងតូចៗពិតជារឿងមួយគួរឲ្យរីករាយណាស់។ ប៉ុន្តែការដែលបង្កើតកូនដើម្បីស្គាល់ពិភពលោកមួយនេះទំនងជាមិនសូវរីករាយឡើយជាពិសេសមនុស្សស្រីដែលកំពុងតែពរពោះ និងត្រៀមខ្លួនសម្រាលកូនតែម្តង ជាពិសេសត្រូវការសម្រាលតាមធម្មជាតិ។ ការសម្រាលកូនតាមធម្មជាតិគឺជាបទពិសោធន៍ដ៏ឈឺចាប់បំផុតដែលស្រ្តីត្រូវឆ្លងកាត់ក្នុងជីវិត។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)វិធីតែមួយគត់ដើម្បីបំបាត់ការឈឺចាប់នេះគឺផ្តល់នូវការគាំទ្រទាំងអស់ដែលនាងត្រូវការក្នុងបន្ទប់សម្រាល។ នេះហើយគឺជាមូលហេតុមួយដែល ប្តីគួរតែស្ថិតក្នុងបន្ទប់សម្រាលកូនក្នុងពេលប្រពន្ធរបស់ខ្លួនឆ្លងទន្លេ។
ខាងក្រោមនេះគឺជាហេតុផលមួយចំនួនទៀតដែលប្តីគួរតែស្ថិតក្នុងបន្ទប់សម្រាលកូនក្នុងពេលដែលប្រពន្ធរបស់ខ្លួនឆ្លងទន្លេ៖
- ប្តីអាចដើរតួនាទីជួយបំបាត់ការឈឺចាប់យ៉ាងធំក្នុងពេលប្រពន្ធខ្លួនឈឺចាប់ខ្លាំងក្នុងពេលសម្រាលកូន
- ពេលខ្លះការសម្រាលកូនអាចមានរយៈពេលច្រើនម៉ោងពី ១២ ទៅ១៤ម៉ោងក៏មាន។ ស្ថិតក្នុងករណីនេះដែរ ប្តីអាចជួយបន្លប់អារម្មណ៍នៃការរងចាំ និងការឈឺចាប់របស់ប្រពន្ធខ្លួន។ ក្រៅពីនេះគាត់អាចជួយម៉ាស្សាដៃជើងដើម្បីជួយឲ្យប្រពន្ធកាន់តែមានផាសុកភាព។
- ស្ថិតក្នុងស្ថានភាពឈឺចាប់ខាងផ្លូវកាយ និងផ្លូវចិត្តបែបនេះ ប្រពន្ធអាចនឹងងាយបាត់បង់អារម្មណ៍ផ្ចង់អារម្មណ៍ ហើយអាចចាប់ផ្តើមគិតន័យអវិជ្ជមានច្រើនក្នុងជីវិតក្រោយពីក្នុងពេលសម្រាល និងក្រោយសម្រាល។ ដូច្នេះកាលណាមានប្តីនៅក្បែរបែបនេះ គាត់អាចនឹងជួយផ្តល់កម្លាំងចិត្តដើម្បីជំរុញដល់ការគិតវិជ្ជមានកាន់តែច្រើនវិញ។
- ប្តីអាចធ្វើទំនាក់ទំនងយ៉ាងល្អជាមួយបុគ្គលិកសុខាភិបាលថាគួរធ្វើដូចម្តេចខ្លះក្នុងពេលសម្រាល និងក្រោយសម្រាលដើម្បីកុំឲ្យមានផលវិបាកនៅថ្ងៃក្រោយ។
- ការដែលអនុញ្ញាតិឲ្យប្តីចូលរួមក្នុងបន្ទប់សម្រាលកូន អាចនឹងជួយឲ្យគាត់យល់ដឹងថា ការឈឺចាប់របស់មនុស្សស្រីដែលជាប្រពន្ធរបស់ខ្លួនគឺខ្លាំងក្លាប៉ុន្មានដែលគាត់សុខចិត្តបង្កើតកូនសម្រាប់គ្រួសារ។ (អាន:ថ្នាំងងុយគេង ពេលអ្នកគួរប្រើ)
- ប្តីអាចឆ្លាតឱកាសថតវីដេអូសម្រាលកូនរបស់ប្រពន្ធខ្លួនដើម្បីទុកជាឯកសាក្នុងគ្រួសារ៕