សម្រាប់មនុស្សភាគច្រើន ជាពិសេសស្រ្តីតែងតែមានបំណង់ចង់សម្រកទម្ងន់ដើម្បីរាងមើលទៅឃើញស្អាត ហើយក៏តែងតែជ្រើសរើសនូវមធ្យោបាយជាច្រើនដើម្បីចង់បានលទ្ធផលភ្លាមៗដែរ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ដូច្នេះតើអ្នកមានដឹងទេថា មានវិធីសាស្រ្តសម្រកទម្ងន់មួយចំនួនទំនងជាមានផលអវិជ្ជមានច្រើនចំពោះសុខភាពណាស់ដូចជា៖
របបអាហារដែលគ្មានកាឡូរី
រាងកាយត្រូវការជាតិខ្លាញ់ផ្តល់សុខភាពជាច្រើនដូចជា Unsaturated និង Polyunsaturated Fats ដើម្បីរំលាយជាតិខ្លាញ់ក្នុងខ្លួន។ អ្នកក៏ប្រហែលជាត្រូវការកាត់បន្ថយកាឡូរីដែរតាមរយៈការញ៉ាំអាហារ ឬភេសជ្ជៈមានជាតិស្ករសិប្បនិមិត្ត តែវាអាចនឹងផ្តល់ផលអាក្រក់ដល់សុខភាពបាន។
ថ្នាំគ្រាប់
យើងទាំងអស់គ្នាតែងមានបំណងចង់សាកល្បងវិធីមួយនេះ ព្រោះតែវាមានភាពងាយស្រួលក្នុងការសម្រកទម្ងន់ជាងគេ។ យ៉ាងណាមិញ ពេលខ្លះវាអាចនឹងបំផ្លាញសុខភាពរបស់យើងយ៉ាងធ្ងន់ធ្ងរដែរ។ ថ្នាំបំប៉នបែបនេះគួរតែប្រើជាមួយគ្នានឹងរបបអាហារមានតុល្យភាព និងការហាត់ប្រាណប៉ុណ្ណោះ។
តមអាហារ
ការដែលបង្អត់អាហារខ្លួនឯងដើម្បីសម្រកទម្ងន់គឺជារឿងមួយដែលមានផលអាក្រក់បំផុតចំពោះសុខភាព។ វាអាចបន្ថយការរំលាយអាហារមែន តែនឹងធ្វើឲ្យឃ្លានចំណីដែលមិនផ្តល់សុខភាព ហើយមានជំងឺទៀត។
ប្រើថ្នាំបន្ទន់លាមក
រឿងនេះច្រើនតែប្រើប្រាស់ជាញឹកញាប់ដើម្បីភ្ញោចដល់ការរំលាយអាហារ។ ប៉ុន្តែបើសិនជាប្រើវិធីសាស្រ្តនេះច្រើនពេក អាចនឹងធ្វើឲ្យប្រព័ន្ធរំលាយអាហារទាំងអស់ចុះខ្សោយ និងមានជំងឺក្នុងពោះថែមទៀត។
ជក់បារី
អ្នកខ្លះប្រើប្រាស់ការជក់បារីដើម្បីបន្សាបអាការៈឃ្លានអាហារ។ ការជក់បារីត្រូវបានគេដឹងថា ទៅរំខានដល់ប្រព័ន្ធបញ្ជូនសញ្ញារបស់ខួរក្បាលដើម្បីកុំឲ្យឃ្លាន។ នេះហើយគឺជាមូលហេតុដែលអ្នកជក់បារីភាគច្រើនមានអារម្មណ៍ថាឆ្អែតក្រោយពីមិនបានញ៉ាំអាហារ។ កាលណាប្រើវិធីបែបនេះយូរទៅ អាចនឹងបំផ្លាញសុខភាព ហើយបង្កជាជំងឺមហារីកថែមទៀត។ (អាន:ថ្នាំងងុយគេង ពេលអ្នកគួរប្រើ)
ហាត់ប្រាណច្រើនពេក
ការហាត់ប្រណច្រើនពេកអាចបណ្តាលឲ្យមានរបួសដែរ។ ការហាត់ប្រាណដើម្បីពង្រឹងដល់ចង្វាក់បេះដូងខ្លាំងក្លាពេកពិតជាមិនអាចជួយអ្វីបានច្រើនឡើយ។ ផ្ទុយទៅវិញ អ្នកគួរតែដាក់កាលវិភាគហាត់ប្រាណឲ្យបានត្រឹមត្រូវវិញ ទើបវាក្លាយទៅជាវិធីសម្រកទម្ងន់ដោយជោគជ័យ៕