វីតាមីន គឺចាំបាច់ណាស់សម្រាប់រក្សាសុខភាពរាងកាយល្អប្រសើរ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីវីតាមីនសំខាន់ៗទាំង ១៣ ៖

១. វីតាមីន A

ជួយរក្សាសុខភាពភ្នែក ស្បែក ធ្មេញ ឆ្អឹង និងជាលិកាទន់ល្អប្រសើរ។

២. វីតាមីន C

ត្រូវការចាំបាច់ដើម្បីពង្រឹងប្រព័ន្ធភាពស៊ាំរាងកាយ ក៏ដូចជាសម្រាប់ការលូតលាស់ និងជួសជុលឡើងវិញនូវជាលិកាពេញក្នុងរាងកាយ។

៣. វីតាមីន D

ជួយរាងកាយស្រូបយកជាតិកាល់ស្យូមនិងត្រូវបានបង្កើតឡើងនៅពេលស្បែកត្រូវពន្លឺព្រះអាទិត្យ។

៤. វីតាមីន E

ក៏ដើរតួនាទីជាសារធាតុប្រឆាំងអុកស៊ីតកម្ម ហើយជួយការពារកោសិកាគ្រាប់ឈាមក្រហម។

៥. វីតាមីន K

វីតាមីននេះធ្វើឱ្យឈាមកក។

៦. វីតាមីន B1

ឬហៅថា Thiamine ជួយកោសិកាបំលែងកាបូអ៊ីដ្រាតទៅជាថាមពល។

៧. វីតាមីន B2

ឬ Riboflavin ធ្វើការរួមជាមួយវីតាមីន B ដទៃទៀត និងសំខាន់សម្រាប់ការលូតលាស់ ក៏ដូចជាផលិតកោសិកាគ្រាប់ឈាមក្រហម។

៨. វីតាមីន B3

ឬ Niacin ចាំបាច់សម្រាប់ប្រព័ន្ធរំលាយអាហារ ស្បែក និងសសៃ​ប្រសាទដើម្បីដំណើរការមុខងារល្អប្រសើរ។

៩. វីតាមីន B5

ត្រូវការចាំបាច់សម្រាប់ដំណើរការនៃការដុតរំលាយអាហារក្នុងរាងកាយ។

១០. វីតាមីន B6

ឬ Pyridoxine ជួយរាងកាយបង្កើត antibodies និង hemoglobin ហើយរក្សាសុខភាពសសៃប្រសាទ ក៏ដូចជាកម្រិតជាតិស្ករក្នុងឈាមត្រឹមត្រូវ។

១១. វីតាមីន B7

ឬត្រូវបានស្គាល់ថាបាយអូទីនដែលចាំបាច់សម្រាប់ការដុតរំលាយអាហារក្នុងរាងកាយ។

១២. វីតាមីន B9

ត្រូវបានស្គាល់ផងដែរថាជាសារធាតុ Folate ឬអាស៊ីតហ្វូលិកជួយដល់ការលូតលាស់នៃជាលិកានិងដំណើរការមុខងារនៃកោសិកា។

១៣. វីតាមីន B12

ត្រូវការចាំបាច់សម្រាប់សុខភាពខួរក្បាល កោសិកាគ្រាប់ឈាមក្រហម និងសំខាន់ចំពោះការដុតរំលាយអាហារក្នុងរាងកាយ៕