ការសម្រកទម្ងន់គឺជាលទ្ធផលនៃការផ្សំចូលគ្នានៃវិធីជាច្រើនទាំងការហាត់ប្រាណ និងរបបអាហារ។ ការជ្រើសរើសទម្លាប់ហាត់ប្រាណមួយគឺជារឿងសំខាន់សម្រាប់សុខភាពរាងកាយ និងចិត្ត តែរបបអាហារផ្តល់សុខភាពកាន់តែសំខាន់ថែមទៀត។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) យកល្អគួរតែយល់ថា ការស្រកទម្ងន់គួរតែធ្វើឡើងដោយវិធីផ្តល់សុខភាពផង ហើយក៏មិនត្រូវប្រើវិធីបង្អត់អាហារ ឬជ្រើសរើសវិធីញ៉ាំអាហារមិនផ្តល់សុខភាពដែរ។
ក្រៅពីវិធីទាំងនេះ យកល្អគួរតែចាំថា គ្រឿងផ្សំខ្លះក្នុងចង្ក្រានបាយអាចដើរតួនាទីដ៏សំខាន់មួយដែរដើម្បីឲ្យការសម្រកទម្ងន់បានសម្រេច។ គ្រឿងផ្សំធ្វើម្ហូបមួយដែលមានក្នុងផ្ទះបាយស្រាប់នោះគឺខ្ញីតែម្តង ហើយវាក៏ត្រូវបានគេរកឃើញថាអាចជួយសម្រកទម្ងន់បានដោយផ្អែមលើហេតុផលដូចខាងក្រោមនេះ៖
មានអង់ទីអុកស៊ីដង់
ខ្ញីផ្ទុកទៅដោយសារធាតុជាច្រើនដែលអាចបន្ថយសកម្មភាពរ៉ាឌីកាលសេរីក្នុងរាងកាយបាន។ ការស្រាវជ្រាវបានភ្ជាប់ទំនាក់ទំនងភាពធាត់ជ្រុលទៅនឹងសម្ពាធអុកស៊ីតកម្មដែលច្រើនៗ។ ដូច្នេះហើយ ការញ៉ាំខ្ញីដែលសម្បូរអង់ទីអុកស៊ីដង់ស្រាប់នោះអាចជួយបន្ថយកម្រិតស្រ្តេសអុកស៊ីតកម្ម ព្រមទាំងជួយដល់ការសម្រកទម្ងន់ថែមទៀត។
ជួយឲ្យមានអារម្មណ៍ឆ្អែតបានយូរ
មធ្យោបាយគន្លឹះមួយដើម្បីជំរុញដល់ការសម្រកទម្ងន់នោះគឺគ្រប់គ្រងចំណង់អាហារបាន។ រឿងនេះអាចធ្វើបានតាមរយៈការញ៉ាំអាហារសដែលអាចជួយឲ្យអ្នកឆ្អែតបានយូរតែម្តង។ ហេតុដូច្នេះហើយអាហារដែលផ្ទុកជាតិប្រូតេអ៊ីន ឬសម្បូរជាតិសរសៃត្រូវបានគេណែនាំឲ្យបញ្ចូលក្នុងរបបអាហារសម្រកទម្ងន់ហើយ។ តាមការសិក្សាមួយ ខ្ញីអាចជួយសម្រកទម្ងន់បានតាមរយៈការធ្វើឲ្យមានអារម្មណ៍ឆ្អែតបានយូរ និងមិនចង់ញ៉ាំទៀត។ វាត្រូវបានគេរកឃើញថា បុរសដែលញ៉ាំខ្ញីមានអារម្មណ៍ឆ្អែតយូរជាងអ្នកដែលមិនបានញ៉ាំ។
ជួយសម្រកខ្លាញ់ក្បាលពោះ
តាមការស្រាវជ្រាវបានរកឃើញថា ដំណើរការណ៍ជីវសាស្រ្តជាច្រើនដូចជា ការរំលាយអាហារ នឹងរងការប៉ះពាល់តាមរយៈការញ៉ាំខ្ញី។ (អាន:ថ្នាំងងុយគេង ពេលអ្នកគួរប្រើ)ដំណើរការណ៍ទាំងនេះមានឥទ្ធិពលប្រឆាំងនឹងការធាត់ជ្រុលតែម្តង។ ការស្រាវជ្រាវបានរកឃើញថា ខ្ញីក៏អាចជួយគ្រប់គ្រងជាតិស្ករក្នុងឈាមលើអ្នកជំងឺទឹកនោមផ្អែមបានដែរ៕