តើអ្នកធ្វើម៉េចដឹងថាការឈឺពោះណាមួយជាការឈឺពោះរបស់ជំងឺរលាកខ្នែងពោះវៀនទៅ? បើអ្នកមិនទាន់ដឹងទេ វានឹងពិបាកដឹងថា អ្នកគួរតែត្រូវទៅមន្ទីរពេទ្យឬអត់ណាស់។ ប៉ុន្តែថ្ងៃនេះ ខ្ញុំនឹងបង្ហាញអ្នកអំពីរបៀបសម្គាល់ដឹងថា ការឈឺបែបណាជាករណីរបស់ជំងឺរលាកខ្នែងពោះវៀន។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)អាការៈញឹកញាប់ និងសំខាន់បំផុតរបស់ជំងឺរលាកខ្នែងពោះវៀនត្រូវបានគេដឹងថា ជាការឈឺចាប់ក្នុងពោះដ៏ខ្លាំងក្លាមួយ រួមផ្សំគ្នានឹងអាការៈផ្សេងៗជាច្រើនទៀត។
ការឈឺពោះរបស់ជំងឺរលាកខ្នែងពោះវៀនគឺជាការឈឺចាប់ខ្លាំង និងជាទូទៅចាប់ផ្តើមនៅជុំវិញផ្សិត។ នៅពេលយូរៗទៅ ការឈឺចាប់នេះនឹងកាន់តែខ្លាំងទៅៗ ហើយឈឺចុះនៅផ្នែកខាងក្រោមនិងខាងស្តាំនៃពោះវិញម្តង។ អាការៈឈឺខ្លាំងដំបូងរបស់ជំងឺណេះច្រើនតែកើតឡើងរយៈពេលប្រហែល ១២ ទៅ ១៨ម៉ោង។ កាលណាទុកកាន់តែយូរ ស្ថានភាពជំងឺកាន់តែគ្រោះថ្នាក់។
មនុស្សគ្រប់គ្នា មិនថាក្មេងឬចាស់ ស្រីឬប្រុសឡើង សុទ្ធតែអាចកើតជំងឺរលាកខ្នែងពោះវៀនបានទាំងអស់ និងគ្រប់ពេល ថ្វីបើជំងឺនេះច្រើនតែកើតឡើងលើមនុស្សអាយុ ១០ទៅ៣០ឆ្នាំក៏ដោយ។ ប៉ុន្តែវាក៏អាចកើតឡើងលើមនុស្សចាស់ ឬកុមារតូចៗបានដែរ។
អាការៈញឹកញាប់បំផុតរបស់ជំងឺរលាកខ្នែងពោះវៀនដែលយើងអាចសម្គាល់ដឹងនោះមានដូចជា៖
- ការឈឺចាប់ដែលចាប់ផ្តើមនៅជុំវិញផ្សិត និងឈឺទៅផ្នែកខាងស្តាំ និងខាងក្រោមនៃពោះនៅពេលយូរៗទៅ
- ការឈឺចាប់កាន់តែធ្ងន់ធ្ងរទៅៗ ឬមិនអាចទ្រាំបាននៅពេលស្ទាប់កន្លែងឈឺ
- ការឈឺពោះខ្លាំងជាពិសេសផ្នែកខាងស្តាំ ឬខ្នង
- គ្រុន
- ទល់លាមក
- រាករូស
- ក្តៅខ្លួនស្ទិញៗ
- មិនឃ្លានអាហារ
- ចង្អោ
- ក្អួត
យ៉ាងណាមិញ ខាងក្រោមនេះគឺជាអាការៈមួយចំនួនដែលត្រូវបានគេចាត់ទុកថាជាសញ្ញារបស់ជំងឺរលាកខ្នែងពោះវៀន៖(អាន:ថ្នាំងងុយគេង ពេលអ្នកគួរប្រើ)
- ឈឺចាប់នៅរន្ធផ្សិតហើយទៅឈឺនៅផ្នែកខាងស្តាំនៃពោះ និងខ្នង កាន់តែធ្ងន់ធ្ងរទៅៗ ហើយឈឺខ្លាំងពេលសង្កត់ពោះ
- ក្តៅខ្លួនខ្លួន
- ក្អួត ឬរាករូសជាពិសេសមានឈាមមកជាមួយ
- ពោះមានអារម្មណ៍ថារឹង ឬឈឺចាប់នៅទ្រូង ឬកដែរ
- នោមឈឺ
- វិលមុខ៕