ការបន្ថែមទឹកផ្លែឈើ និងទឹកបន្លែស្រស់ៗទៅក្នុងរបបអាហារប្រចាំថ្ងៃអាចជារឿងដ៏ល្អបំផុតដែលអ្នកអាចធ្វើបានដើម្បីសុខភាព។ វាផ្ទុកទៅដោយកាឡូរីតិចតួចប៉ុណ្ណោះតែសម្បូរជាតិសរសៃ វីតាមីន និងរ៉ែ។ ការញ៉ាំទឹកផ្លែឈើស្រស់អាចជួយបង្កើនការស្រកទម្ងន់ និងផ្តល់ប្រយោជន៍មួយចមនួនដល់សុខភាពទៀត។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ឧទាហរណ៍ ទឹកការ៉ុតពោរពេញទៅដោយជីវជាតិ និងអង់ទីអុកស៊ីដង់ដែលអាចជួយបង្ការជំងឺ និងសម្រកទម្ងន់បានយ៉ាងលឿន ជាពិសេសខ្លាញ់ក្បាលពោះតែម្តង។

ការ៉ុតគឺជាមឺមរុក្ខជាតិមួយប្រភេទដែលមានរសជាតិឆ្ងាញ់ សម្បូរជាតិសរសៃ កាលស្យូម វីតាមីន A, C ប៉ូតាស្យូម ម៉ង់ហ្គាណេស និងម៉ាញ៉េស្យូម។ វាក៏ជាប្រភពដ៏អស្ចារ្យមួយនៃជាតិ Carotenoids ដែលអាចជួយជំរុញដល់ប្រព័ន្ធភាពស៊ាំ និងការពាររាងកាយពីជំងឺផ្សេងៗ។ ខាងក្រោមនេះគឺជាហេតុផលដ៏អស្ចារ្យជាច្រើនក្នុងការបញ្ចូលទឹកការ៉ុតក្នុងរបបអាហារនៅរដូវរងារនេះអាចជួយរំលាយខ្លាញ់ក្បាលពោះបានយ៉ាងលឿន។ 

គេនិយាយថា ការញ៉ាំទឹកការ៉ុតនឹងជួយទ្រទ្រង់ដល់ការបញ្ចេញទឹកប្រមាត់ (រំលាយជាតិខ្លាញ់) ដូច្នេះវានឹងជួយបង្កើនការរំលាយអាហារបាន។ តាមការសិក្សាបានឲ្យដឹងថា កាលណាលំហូរទឹកប្រមាត់កើនឡើង វានឹងបង្កើនល្បឿននៃការរំលាយអាហារដែរ។ ថ្វីត្បិតតែរឿងនេះត្រូវបានគេរកឃើញក្នុងសត្វកណ្តុរមែន តែវាក៏កើតឡើងដូចគ្នាលើមនុស្សដែរ។ 

ការសិក្សាមួយទៀតដែលចុះផ្សាយក្នុងសារព័ត៌មាន Lifestyle Genomics បានបង្ហាញថា វីតាមីន A ប្រហែលជាដើរតួនាទិដ៏សំខាន់ក្នុងការបន្ថយភាពធាត់របស់ក្បាលពោះ ជាពិសេសខ្លាញ់ក្បាលពោះតែម្តង។ 

ការសិក្សាមួយផ្សេងទៀតដែលចុះផ្សាយក្នុង Clinical Nutrition បានរកឃើញថា សារធាតុ Retinol (ទម្រង់ធម្មជាតិរបស់វីតាមីន A), Beta-carotene, Lycopen និងអង់ទីអុកស៊ីដង់ផ្សេងៗទៀតប្រហែលជាបន្ថយការប្រឈមនឹងភាពធាត់ជ្រុលធ្ងន់ធ្ងរ និងជំរុញដល់ការស្រកជាតិខ្លាញ់បាន។ ជីវជាតិទាំងនេះអាចការពារជំងឺលើសសម្ពាធឈាម និងផលវិបាកដែលទាក់ទងនឹងភាពធាត់ជ្រុលក្នុងពេលតែមួយ។ Carotenoids របស់ទឹកការ៉ុតប្រហែលជាជួយបន្ថយការកកខ្លាញ់ក្នុងក្បាលពោះ ព្រមទាំងបង្កើនការធ្វើទុកស៊ីតកម្មជាតិខ្លាញ់បាន។ 

ការពិតនោះគឺថា គ្រាន់តែការញ៉ាំទឹកការ៉ុតធម្មតាៗ និងមិនធ្វើឲ្យរបៀបរស់នៅផ្លាស់ប្តូរនោះ នឹងមិនធ្វើឲ្យរាងកាយផ្លាស់ប្តូរអ្វីច្រើនឡើយ តែការ៉ុតវិញទេដែលជាអាហារដែលផ្តល់សុខភាពល្អបំផុតលើលោកយើងនេះ។ (អាន:ថ្នាំងងុយគេង ពេលអ្នកគួរប្រើ)ចាប់តាំងពីការ៉ុតមានកាឡូរីទាបមក ការជំនួសវាញ៉ាំជាមួយទឹកក្រូចកំប៉ុង និងភេសជ្ជៈមានជាតិផ្អែមផ្សេងៗទៀត អាចជួយពង្រឹងដល់ការទទួលបានជីវជាតិសំខាន់ៗដែលរាងកាយត្រូវការបាន។ ចូរព្យាយាមបញ្ចូលទឹកផ្លែឈើរំលាយជាតិខ្លាញ់មួយនេះក្នុងរបបអាហារក្នុងរដូវរងាររបស់អ្នកផងដើម្បីជាជំនួយដល់ការស្រកទម្ងន់កាន់តែខ្លាំង ពង្រឹងដល់ប្រព័ន្ធភាពស៊ាំ និងសុខភាពទូទៅ៕

Loading...