ភេសជ្ជៈប៉ូវកម្លាំងត្រូវបានគេចរាចរណ៍នៅលើទីផ្សាវាជាភេសជ្ជៈដែលអាចជួយបង្កើនកម្លាំងផ្លូវកាយ និងចិត្ត។ ជាតិកាហ្វេអ៊ីនក្នុងភេសជ្ជៈមួយនេះគឺអាចភ្ញោចដល់កម្លាំងរាងកាយបាន។ ប៉ុន្តែមានផលិតផលខ្លះមានប្រភពមកពីរុក្ខជាតិដូចជាយិនសិនជាដើម។ ដូច្នេះតើអ្នកមានឆ្ងល់អត់ថា តើភេសជ្ជៈប៉ូវកម្លាំងមានឥទ្ធិពលអ្វីខ្លះដល់រាងកាយមនុស្សយើង?

ក្រោយពីញ៉ាំរួច ១០នាទី

នៅពេលអ្នកញ៉ាំភេសជ្ជៈប៉ូវកម្លាំង វាប្រហែលជាត្រូវការពេល ១០នាទីដើម្បីឲ្យជាតិកាហ្វេអ៊ីនចូលទៅក្នុងចរន្តឈាម។ ជាលទ្ធផល សម្ពាធឈាម និងចង្វាក់បេះដូងនឹងចាប់ផ្តើមឡើងខ្ពស់។ 

ក្រោយញ៉ាំរួច ១៥ ទៅ ៤៥នាទី

ជាតិកាហ្វេអ៊ីនដ៏ខ្ពស់ចាប់ផ្តើមកើតឡើងក្នុងចរន្តឈាមក្រោយពីញ៉ាំភេសជ្ជៈប៉ូវកម្លាំងបានពី ១៥ ទៅ ៤៥នាទី។ 

ក្រោយញ៉ាំបាន ៣០ ទៅ ៥០នាទី

ជាតិកាហ្វេអ៊ីនទាំងមូលត្រូវបានបឺតស្រូបអស់ ហើយថ្លើមនឹងទទួលខុសត្រូវលើការបញ្ចេញជាតិស្ករកាន់តែច្រើនទៅក្នុងឈាម។ 

ក្រោយញ៉ាំបាន ១ម៉ោង

ក្រោយពីញ៉ាំបាន ៦០នាទីរួចមក រាងកាយចាប់ផ្តើមមានជាតិតិច ដោយសារតែឥទ្ធិពលរបស់ជាតិកាហ្វេអ៊ីនលែងមានទៀត។ អ្នកនឹងចាប់ផ្តើមអស់កម្លាំង ហើយក៏ចុះខ្សោយរាងកាយដែរ។ 

ក្រោយញ៉ាំបាន ៥ ទៅ៦ម៉ោង

រាងកាយត្រូវការពេលយ៉ាងហោចណាស់ ៥ ទៅ ៦ម៉ោងដើម្បីបន្ថយចំនួនជាតិកាហ្វេអ៊ីនពីក្នុងចរន្តឈាមពាក់កណ្តាល។ យ៉ាងណាមិញ ស្រ្តីដែលប្រើថ្នាំពន្យាកំណើត ត្រូវការបន្ថយចំនួនប៉ុននេះតែម្តង។ 

ក្រោយញ៉ាំ ១២ម៉ោង

រយៈពេល១២ម៉ោងក្រោយញ៉ាំភេសជ្ជៈប៉ូវកម្លាំងរួច គឺជាពេលវេលាដែលរាងកាយមនុស្សភាគច្រើនធ្វើការបញ្ចេញចោលជាតិកាហ្វេអ៊ីនអស់ពីចរន្តឈាមហើយ។ ល្បឿននៃការបញ្ចេញចោលនេះក៏អាស្រ័យទៅលើកត្តាជាច្រើនដែរដូចជា សកម្មភាព និងអាយុ។ 

ក្រោយញ៉ាំ ១២ ទៅ ២៤ម៉ោង

ដោយសារតែជាតិកាហ្វេអ៊ីនក៏ជាថ្នាំដែរនោះ ដូច្នេះមនុស្សម្នាក់ដែលញ៉ាំភេសជ្ជៈដែលមានជាតិនេះជាទៀងទាត់ វានឹងអាចធ្វើឲ្យពួកគេមានរោគសញ្ញាមិនអាចខ្វះវាបានក្នុងរយៈពេលយ៉ាងហោចណាស់ ១២ ទៅ ២៤ម៉ោងក្រោយញ៉ាំរួច។ អាការៈមិនអាចខ្វះវាបានមានដូចជា ឆេវឆាវ ឈឺក្បាល និងទល់លាមកជាដើម។

ក្រោយញ៉ាំ ៧ ទៅ ១២ថ្ងៃ

ការសិក្សាបានឲ្យដឹងថា វាគ្រាន់តែចំណាយពេលយ៉ាងហោចណាស់ ៧ ទៅ១២ថ្ងៃប៉ុណ្ណោះដើម្បីរាងកាយមានភាពធ្លាប់នឹងកម្រិតជាតិកាហ្វេអ៊ីននេះជាទៀងទាត់។ មានន័យថា ក្រោយពីអ្នកញ៉ាំរួចមក អ្នកនឹងមិនមានអារម្មណ៍ថាមានបញ្ហាដោយសារវាច្រើនទៀតឡើយ។ ប៉ុន្តែអ្នកនឹងត្រូវការញ៉ាំភេសជ្ជៈនេះក្នុងចំនួនទៀងទាត់មួយដដែលដើម្បីកុំឲ្យមានអាការៈខ្វះវាមិនបាន៕