ការឈ្លីម៉ាស្សាបែប Acupressure គឺជាក្បួនបំបាត់ការឈឺចាប់រាងកាយមួយដែលមានប្រសិទ្ធភាពដូចនឹងការចាក់ម្ជុលរបស់ប្រទេសចិនផងដែរ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) នៅពេលចាប់ឈ្លីចំចំនុចសំខាន់ៗនោះវាអាចជួយកាត់បន្ថយការឈឺចាប់រាងកាយ និងសូម្បីតែសុខភាពផ្លូវចិត្ត ក៏ដូចជាធ្វើឱ្យសុខភាពទាំងមូលមានលក្ខណៈកាន់តែប្រសើរឡើងថែមទៀត។ ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីរបៀបងាយៗអនុវត្តក្បួនឈ្លីម៉ាស្សាចំនុចសំខាន់ៗមួយចំនួនលើរាងកាយដើម្បីបំបាត់ការឈឺចាប់ ៖

១. ចំនុចបីម៉ាយល៍ ឬ The Three Miles Point

ចំនុចនេះស្ថិតនៅក្រោមជង្គង់ប្រហែល ៤ សង់ទីម៉ែត្រ។ ការឈ្លីម៉ាស្សាសង្កត់ត្រង់ចំនុចនេះអាចជួយបង្កើនភាពប្រសើរឡើងនៃដំណើរការរបស់ប្រព័ន្ធរំលាយអាហារនិងព្យាបាលបំបាត់អាការៈឈឺពោះ ក្អួត និងចង្អោរចង់ក្អួត។

២. ចំនុចភ្នែកទីបី ឬ The Third Eye Point

ចំនុចនេះស្ថិតនៅត្រង់ចន្លោះកណ្ដាលនៃចញ្ចើមរបស់អ្នក។ ការឈ្លីម៉ាស្សាថ្នមៗត្រង់ចំនុចនេះជួយបំបាត់បញ្ហាឈឺក្បាល ការធ្លាក់ទឹកចិត្ត (depression) អស់កម្លាំងរ៉ាំរ់ៃ និងភាពតានតឹងក្នុងអារម្មណ៍ (stress)។

៣. ចំនុច Pericardium ឬ The Pericardium Point

ចំនុចនេះស្ថិតនៅត្រង់ផ្នែកខាងក្នុងនៃកំភួនដៃ ហើយប្រវែងប្រហែល ៣ ម្រាមពីកដៃ។ ការសង្កត់ឈ្លីម៉ាស្សាត្រង់ចំនុចនេះជួយសម្រាលអាការៈចង្អោរចង់ក្អួត និងក្អួត។

៤. ចំនុច Tong Zi Liao ឬ The Tong Zi Liao Point

ចំនុចនេះស្ថិតនៅត្រង់កៀនកន្ទុយភ្នែក។ ការប្រើចុងម្រាមដៃឈ្លីម៉ាស្សាត្រង់ចំនុចនេះជួយបំបាត់អាការៈឈឺក្បាលប្រកាំងនិងកាន់បន្ថយភាពនឿយហត់នៃភ្នែក។

៥. ចំនុច Big Rushing ឬ The Big Rushing Point

ចំនុចនេះស្ថិតនៅត្រង់ចន្លោះនៃមេជើង និងម្រាមជើងទី២ប្រវែងជិត ៤ សង់ទីម៉ែត្រ។ ការសង្កត់ទប់ត្រង់ចំនុចនេះប្រហែល ១ នាទីជួយសម្រាលអាការៈឈឺក្បាល ធ្វើឱ្យការផ្ចង់អារម្មណ៍មានភាពប្រសើរឡើង បំបាត់ភាពហត់នឿយនៃភ្នែក និងបញ្ហារមួលក្រពើ។

៦. ចំនុច Sea of Tranquillity

ចំនុចនេះស្ថិតនៅត្រង់ចន្លោះកណ្ដាលនៃទ្រូង។ ការសង្កត់ទប់ថ្នមៗត្រង់ចំនុចនេះសម្រាប់រយៈពេល ១ នាទីជួយឱ្យស្ងប់អារម្មណ៍ ធូរស្បើយពីបញ្ហាថប់បារម្ភ ការធ្លាក់ទឹកចិត្ត និងបញ្ហាផ្លូវអារម្មណ៍ផ្សេងៗទៀត។

៧. ចំនុច Joining the Valley

ចំនុចនេះស្ថិតនៅត្រង់ចន្លោះមេដៃ និងម្រាមចង្អុល។ ការឈ្លីម៉ាស្សាត្រង់ចំនុចនេះជួយសម្រាលអាការៈឈឺធ្មេញ ឈឺចុកកញ្ចឹងក ឈឺស្មា និងឈឺក្បាល។

៨. ចំនុច Kunlun Mountains

ចំនុចនេះស្ថិតត្រង់ចន្លោះឆ្អឹងកជើងនិងសសៃ Achilles។ ការឈ្លីសង្កត់ ឬច្របាច់ត្រង់ចំនុចនេះជួយបន្ធូរអាការៈឈឺចុកកញ្ចឹងក ស្មា និងខ្នង៕