ការរមាស់ស្បែកក្បាលគឺជាបញ្ហាដែលកើតមានជាញឹកញាប់សម្រាប់មនុស្សយើង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ដោយសារតែការរមាស់ស្បែកក្បាលនេះមានមូលហេតុរបស់វាច្រើន ប៉ុន្តែការកើតអង្គែរនៅស្បែកក្បាលឬហៅថា Seborrheic Dermatitis និងការរលាកលើស្បែកក្បាល គឺជាមូលហេតុញឹកញាប់បំផុតនៃការរមាស់ស្បែកក្បាល។ បើសិនជាអ្នកមិនជ្រើសរើសផលិតផលគីមីក្នុងការព្យាបាលអាការៈរមាស់ស្បែកក្បាលនេះទេ យកល្អគួរតែសាកល្បងវិធីព្យាបាលដោយខ្លួនឯងដូចខាងក្រោមនេះសិនទៅ៖
ទឹកខ្មេះផ្លែប៉ោម
ទឹកខ្មេះផ្លែប៉ោមផ្ទុកទៅដោយសារធាតុសម្លាប់បាក់តេរី ប្រឆាំងការរលាក និងសម្លាប់មេរោគផ្សិត ដូច្នេះវាអាចជួយបន្ថយការរមាស់ដែលបង្កឡើងដោយស្បែកស្ងួតបាន។ ដំបូងឡើយមុននឹងប្រើ យកល្អគួរតែធ្វើតេស្តវាលើស្បែកក្បាលសិនក្រែងមានបញ្ហាប្រតិកម្មរលាក។ បើសិនជាមានអារម្មណ៍ថាក្តៅ អ្នកត្រូវតែលាយជាមួយទឹកឲ្យច្រើនសិនហើយដាក់ក្នុងដបសម្រាប់បាញ់ជាស្ព្រាយលើស្បែកក្បាលច្រើនដងក្នុងមួយសប្តាហ៍ នោះវានឹងបាត់រមាស់ហើយ។ អ្នកក៏អាចសាកល្បងលាយវាជាមួយទឹកក្តៅឧណ្ហៗបានដែរ បន្ទាប់មកចូរយកវាលាងសម្អាតស្បែកក្បាលក្រោយពីកក់សក់រួច ដើម្បីបំបាត់អាការៈរមាស់ និងអង្គែរ។
ទឹកក្រូចឆ្មា
ទឹកក្រូចឆ្មាផ្ទុកទៅដោយសារធាតុសម្លាប់បាក់តេរីដែលអាចជួយទប់ស្កាត់បាក់តេរីដែលធ្វើឲ្យរមាស់ស្បែកក្បាលបាន។ ចូរច្របាច់ទឹកក្រុចឆ្មាស្រស់ខ្លះៗ ហើយយកសម្លីផ្តិវាបន្ទាប់មក យកទៅល្អំលើស្បែកក្បាលដែលរមាស់។ ចូរទុកចោល ១០នាទីចាំលាងចេញ។ ចូរប្រយ័ត្នកុំប្រើទឹកក្រូចឆ្មាច្រើនពេក ព្រោះវាអាចប៉ះពាល់ដល់ពណ៌របស់សក់បាន។
ប្រេងដូងសរីរាង្គ
ប្រេងដូងសរីរាង្គជាធម្មតាគឺផ្ទុកទៅដោយ Lauric Acid ដែលជាប្រភេទខ្លាញ់ Saturated Fat ព្រមទាំងមានសារធាតុប្រឆាំងនឹងមេរោគទៀត។ Lauric Acid នឹងជួយឲ្យស្បែកបឺតស្រូបប្រេងដូងបានយ៉ាងមានប្រសិទ្ធភាព ហើយក៏ព្យាបាលការរមាស់ស្បែកក្បាលដែរ។(អាន:ថ្នាំងងុយគេង ពេលអ្នកគួរប្រើ) ប្រេងដូងអាចព្យាបាលបញ្ហាជំងឺតាអកថែមទៀតផង។
ទោះបីជាយ៉ាងណាក៏ដោយ បើសិនជាអាការៈរមាស់ស្បែកក្បាលមិនស្រាកស្រាន្ត ឬកាន់តែធ្ងន់ធ្ងរលើសដើម ចូរពិគ្រោះជាមួយគ្រូពេទ្យដើម្បីរកមើលថាអ្នកមានជំងឺអ្វីឲ្យពិតប្រាកដ៕