ខណៈពេលដែលបាក់តេរី និងអាតិសុខុមប្រាណផ្សេងៗទៀតក្នុងពោះវៀនច្រើនតែត្រូវបានគេយល់ឃើញថាមានផលអវិជ្ជមានចំពោះសុខភាពនោះ តែមិនមែនសុទ្ធតែអាក្រក់ទាំងអស់ឡើយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)តាមពិតទៅ មានបាក់តេរីច្រើនណាស់ដែលចងសម្ព័ន្ធមិត្តជាមួយសុខភាពមនុស្សយើង។ ហ្សែនរបស់មនុស្សយើងមានតួនាទីសហការណ៍ជាមួយបាក់តេរីទាំងនេះដើម្បីរស់នៅជាមួយគ្នា និងធ្វើការជាមួយគ្នា។ បាក់តេរីដែលផ្តល់សុខភាពនិងមានក្នុងពោះវៀនអាចជួយព្យាបាលជំងឺរលាកសន្លាក់ មហារីក ជំងឺបេះដូង និងពង្រឹងដល់មុខងារប្រព័ន្ធភាពស៊ាំថែមទៀត។ មានវិធីសាស្រ្តច្រើនណាស់ដែលអ្នកអាចធ្វើបានក្នុងការជំរុញដល់បាក់តេរីល្អៗនេះលូតលាស់ច្រើនដូចជា៖

ញ៉ាំប្រូបាយអូទិច

ប្រូបាយអូទិចគឺជាអាតិសុខុមប្រាណ ឬមេរោគមានជីវិត ឬបាក់តេរីសកម្មល្អ ដែលមាននាទីជួយដល់ការរំលាយអាហារ និងបង្ការបញ្ហាអាឡែហ្ស៊ី។ អាហារសម្បូរប្រូបាយអូទិចនេះមានដូចជា សណ្តែកសៀងជ្រួក និងយ៉ាអួរ។ អាហារទាំងនេះត្រូវបានគេរកឃើញថា ពង្រឹងដល់ការបឺតស្រូបជីវជាតិពីអាហារដែលយើងញ៉ាំរួច និងទប់ស្កាត់ការលូតលាស់បាក់តេរីបង្កជំងឺច្រើនជ្រុលក្នុងពោះវៀន។ 

ញ៉ាំងាហារសម្បូរជាតិសរសៃ

ប្រីបាយអូទិចគឺជាអាហារសម្បូរជាតិសរសៃដែលសម្រាប់ចិញ្ចឹមបាក់តេរីល្អៗក្នុងពោះវៀន។ វាត្រូវបានកេរកឃើញក្នុងអាហារប្រភេទរុក្ខជាតិគ្រប់ប្រភេទ។ ដើម្បីបង្កើនការញ៉ាំប្រីបាយអូទិច ចូរញ៉ាំអាហារសម្បូរជាតិសរសៃដូចជា បន្លែ គ្រាប់ធញ្ញជាតិជាប្រចាំ។ បើសិនជាអ្នកមិនញ៉ាំអាហារសម្បូរជាតិសរសៃគ្រប់គ្រាន់តែ អ្នកក៏អាចជ្រើសរើសការញ៉ាំថ្នាំបំប៉នបានដែរ។ 

បន្ថយការញ៉ាំផ្អែម

បើសិនជាអ្នកឧស្សាហ៍ញ៉ាំអាហារផ្អែមៗពេក នោះសុខភាពពោះវៀននឹងត្រូវរងទុក្ខជាមិនខាន។ អាហារសម្បូរទៅដោយជាតិស្ករកៃឆ្នៃ និងសេរ៉ូពោតខ្ពស់ នឹងជំរុញដល់ការលូតលាស់បាក់តេរីបង្កជំងឺ និងមេរោគផ្សិត។ ជាតិផ្អែមខ្លាំងក៏បន្ថយជាតិទឹកក្នុងពោះវៀន និងទប់ស្កាត់ការលូតលាស់បាក់តេរីល្អៗទៀត។ ក្រៅពីនេះអាហារសម្បូរជាតិផ្អែមត្រូវបានគេជឿថា ជាហេតុនាំឲ្យបាត់បង់ភាពឆ្លាតវៃ និងប៉ះពាល់ដល់ការចងចាំរយៈពេលខ្លះ និងវែង។ 

ធ្វើខ្លួនឲ្យកខ្វក់បន្តិច

តើអ្នកមានចងចាំពេលវេលាដែលអ្នកចំណាយលេងនៅខាងក្រៅផ្ទះរហូតដល់ប្រឡាក់ខ្លួនដូចប្រែតដែរទេ? ថ្វីបើការបណ្តោយខ្លួនឲ្យគគ្រិចគឺជារឿងឥតអនាម័យក៏ដោយ តែការពិតនោះគឺថា មិត្តល្អបំផុតមួយចំនួនរបស់អ្នកក៏កើតចេញពីភាពគគ្រិចនេះដែរ។ ពិតណាស់ ខ្ញុំមិនមែនណែនាំឲ្យអ្នកទៅលេងដីទេ ប៉ុន្តែអ្នកប្រហែលជាអាចបណ្តោយឲ្យសមាជិកគ្រួសារដែលចូលចិត្តលេងដៃនោះបន្តលេងទៀតបាន និងចំណាយពេលលេងនៅក្រៅផ្ទះច្រើនជាងលេងទូរស័ព្ទ។ 

ផ្តល់អតិភាពដល់ការគេងជានិច្ច

ការគេងជាទៀងទាត់ពី ៧ ទៅ៩ម៉ោងក្នុងមួយថ្ងៃអាចជួយអ្នកទទួលបានពោះវៀនប្រកបដោយសុខភាពល្អ។ នៅពេលគេងមិនបានគ្រប់ ស្រ្តេសនឹងកើនឡើងក្នុងខ្លួន។ កាលណាស្រ្តេសកើនឡើង នោះបាក់តេរីល្អៗក្នុងពោះវៀននឹងថយចុះដែរ ជាពិសេសវានឹងចេញចោលតាមទឹកនោមតែម្តង។ ដូច្នេះ ការគេងមិនគ្រប់គ្រាន់ និងស្រ្តេសផ្លូវចិត្តច្រើនពិតជាអាចបន្ថយចំនួនបាក់តេរីល្អៗក្នុងពោះវៀនបាន។ 

ហាត់ប្រាណទៀងទាត់

ពិតណាស់ វាពិតជាមិនមានមធ្យោបាយផ្លូវកាត់ឡើយដើម្បីទទួលបានសុខភាពល្អលឿន។ ការសិក្សាបានបង្ហាញថា ការហាត់ប្រាណទៀងទាត់អាចផ្តល់ការផ្លាស់ប្តូរបែបវិជ្ជមានដល់បាក់តេរីក្នុងពោះវៀន និងជំរុញដល់ការលូតលាស់មេរោគផ្តល់សុខភាពទៀត។ (អាន:ថ្នាំងងុយគេង ពេលអ្នកគួរប្រើ)ដូច្នេះចូរប្រាកដថា អ្នកហាត់ប្រាណយ៉ាងហោចណាស់ ៣០នាទីជារៀងរាល់ថ្ងៃដើម្បីពង្រឹងដល់សុខភាពពោះវៀន៕