មនុស្សជាច្រើនតែងនិយាយថា ក្រោយពីធ្វើការពេញមួយថ្ងៃ ឬនៅថ្ងៃចុងសប្តាហ៍ វាពិតជាគ្មានអ្វីធ្វើឲ្យស្រស់ស្រាយក្នុងអារម្មណ៍ក្រៅពីការញ៉ាំគ្រឿងស្រវឹងតិចតួចឡើយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ប៉ុន្តែការញ៉ាំស្រាក្រឡុកថ្លៃៗដែលធ្វើឲ្យអ្នកមានអារម្មណ៍ល្អនោះ ហាក់ដូចជាមិនល្អឡើយបើសិនជាអ្នកដឹងថាក្នុងស្រានោះមានជាតិផ្អែម និងកាឡូរីខ្ពស់។ ក្នុងករណីស្រាបៀរវិញ អ្នកទំនងជាដឹងថា វាអាចធ្វើឲ្យដុះក្បាលពោះថែមទៀត។
ការញ៉ាំគ្រឿងស្រវឹងច្រើនៗនឹងធ្វើឲ្យឡើងទម្ងន់៖ បុរសប្រឈមមុខខ្លាំងជាងគេ
មានការសិក្សា និងស្រាវជ្រាវជាច្រើនថាតើគ្រឿងស្រវឹងពិតជាដើមហេតុនាំឲ្យឡើងទម្ងន់ ឬធាត់ជ្រុលឬអត់។ ប៉ុន្តែការសិក្សាមួយបានបញ្ជាក់ថា ការញ៉ាំគ្រឿងស្រវឹងច្រើនជាង ៣០ក្រាមក្នុងមួយថ្ងៃ ឬទទួលបានកាឡូរីពីគ្រឿងស្រវឹងច្រើនជាង ៩ភាគរយជាប្រចាំថ្ងៃណោះ វាពិតជាមានទំនាក់ទំនងដោយផ្ទាល់ក្នុងការធ្វើឲ្យឡើងទម្ងន់ និងធាត់បាន។ ខណៈពេលដែលមិនទាន់មានអំណះអំណាងគួរឲ្យកត់សម្គាល់ទាក់ទងនឹងការញ៉ាំគ្រឿងស្រវឹងពីតិចតួចទៅមធ្យមធ្វើឲ្យធាត់ជ្រុលនោះ អ្នកស្រាវជ្រាវបានសនិដ្ឋានថា កាលណាញ៉ាំគ្រឿងស្រវឹងកាន់តែច្រើន កាន់តែធ្វើឲ្យឡើងទម្ងន់ ជាពិសេសមនុស្សប្រុសតែម្តង ខណៈពេលដែលមនុស្សស្រីក៏ដូចគ្នាដែរ។
ញ៉ាំគ្រឿងស្រវឹងតិចតួចទៅមធ្យមប្រហែលជាមិនមែនជាបញ្ហាឡើយ
ការសិក្សារយៈពេលយូរមួយដែលធ្វើទៅលើអ្នកញ៉ាំគ្រឿងស្រវឹងតិចតួចទៅមធ្យមបានបញ្ជាក់ថា វាគឺជារឿងខុសគ្នា។ ស្រ្តីដែលមានទម្ងន់ធម្មតា និងញ៉ាំគ្រឿងស្រវឹងកម្រិតតិចតួចទៅមធ្យមពិតជាអាចឡើងទម្ងន់តិចតួចជាងអ្នកមិនញ៉ាំសោះ។
កត្តាផ្សេងៗដែលអាចប៉ះពាល់ដល់ការឡើងទម្ងន់ជាមួយគ្នានឹងការញ៉ាំគ្រឿងស្រវឹង
អ្នកស្រាវជ្រាវបានបញ្ជាក់ថា វាមិនទាន់ជារឿងច្បាស់លាស់មួយទេដែលថា លទ្ធផលទាំងនេះមានជាប់ទាក់ទងនឹងភាពខុសគ្នានៃភេទមនុស្សដែលមានប្រតិកម្មនឹងការញ៉ាំគ្រឿងស្រវឹង។ កត្តាខាងក្រៅផ្សេងៗទៀតក៏មានឥទ្ធិពលទៅលើលទ្ធផលនេះដែរ ហើយកត្តាពាក់ព័ន្ធនោះមានដូចជា របបអាហារ ការហាត់ប្រាណ ការជក់បារី។ល។ ដូច្នេះការដែលមានរបៀបរស់នៅផ្តល់សុខភាពជាមួយគ្នានឹងការញ៉ាំគ្រឿងស្រវឹងកម្រិតមធ្យមទៀតប្រហែលជាអាចទប់ស្កាត់ការឡើងទម្ងន់ ឬលើសជាតិខ្លាញ់បាន ទោះបីជាអ្នកញ៉ាំគ្រឿងស្រវឹងញឹកញ៉ាប់ក៏ដោយ។
គ្រឿងស្រវឹងអាចធ្វើឲ្យដុះខ្លាញ់ក្បាលពោះ
រឿងពិតមួយដែលអ្នកគួរដឹងនោះគឺថា គ្រឿងស្រវឹងប្រហែលជាមានឥទ្ធិពលទៅលើការធ្វើអុកស៊ីតកម្មជាតិខ្លាញ់ ឬការបំបែកជាតិខ្លាញ់ក្នុងរាងកាយ។ (អាន:ថ្នាំងងុយគេង ពេលអ្នកគួរប្រើ)ការសិក្សាដែលពិនិត្យទៅលើការរំលាយគ្រឿងស្រវឹងបានរកឃើញថា គ្រឿងស្រវឹងអាចទប់ស្កាត់ការធ្វើទុកស៊ីតកម្មមួយនេះ និងធ្វើឲ្យជាតិខ្លាញ់ក្នុងរាងកាយកើនឡើងបាន។ ក្រៅពីនេះ ខ្លាញ់ដែលមិនមានការធ្វើអុកស៊ីតកម្ម ហាក់បីដូចជា ត្រូវកកកុញក្នុងពោះវិញ។ ដូច្នេះហើយវាប្រហែលជាអាចធ្វើឲ្យអ្នកដុះក្បាលពោះដោយសារញ៉ាំស្រាបៀរបាន៕