ឆៃថាវក្រហមជាបន្លែមើមមួយប្រភេទដែលភាគច្រើននៃពួកយើងធ្លាប់ស្គាល់រួចមកហើយ ប៉ុន្តែទោះជាចូលចិត្តទទួលទានក៏ដោយ ក៏ប្រហែលមិនចាប់អារម្មណ៍ដល់អត្ថប្រយោជន៍របស់បន្លែមើមនេះចំពោះសុខភាពឡើយ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថាតើបន្លែមើមនេះអាចផ្ដល់ផលល្អៗយ៉ាងណាខ្លះ? ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីឥទ្ធិពលវិជ្ជមានដ៏ប្រសើរនៃការទទួលទានឆៃថាវក្រហម ៖

១. កាត់បន្ថយហានិភ័យនៃជំងឺបេះដូង

នោះក៏ព្រោះតែមើមឆៃថាវក្រហមមានផ្ទុកសម្បូរទៅដោយសារធាតុប្រឆាំងអុកស៊ីតកម្ម tannins សារធាតុ anthocyanins សារធាតុ quercetin ជាតិសសៃ និងសារធាតុចិញ្ចឹមផ្សេងទៀតដែលជួយកម្ចាត់កូឡេស្តេរ៉ូលមិនល្អបានយ៉ាងប្រសើរទប់ស្កាត់ហានិភ័យនៃជំងឺបេះដូង។

២. កាត់បន្ថយហានិភ័យនៃជំងឺមហារីកពោះវៀនធំ

សារធាតុ anthocyanins ដែលមានវត្តមានក្នុងមើមឆៃថាវក្រហមផ្ដល់ឥទ្ធិពលយ៉ាងខ្លាំងក្លាប្រយុទ្ធប្រឆាំងនឹងជំងឺមហារីកប្រភេទនេះ។

៣. ពង្រឹងសុខភាពខួរក្បាលបង្កើនការចងចាំ

មើមឆៃថាវក្រហមជាប្រភពដ៏ប្រសើរនៃសារធាតុចិញ្ចឹមនិងជាតិរ៉ែដែលចាំបាច់សម្រាប់សុខភាពខួរក្បាលបង្កើនការចងចាំ។ ការទទួលទានឆៃថាវក្រហមជាប្រចាំក៏ជួយទប់ស្កាត់បញ្ហាលើសសម្ពាធឈាមផងដែរតាមរយៈសារធាតុ nitric oxide ដែលវាមានផ្ទុក។

៤. ទប់ស្កាត់បញ្ហាជ្រុះសក់

បន្លែមើមនេះមានផ្ទុកសម្បូរទៅដោយជាតិកាល់ស្យូម ប៉ូតាស្យូម និងប្រូតេអ៊ីន រួមជាមួយវីតាមីន B និងវីតាមីន C ដែលចាំបាច់សម្រាប់ការលូតលាស់នៃសក់។

៥. ពង្រឹងសុខភាពថ្លើមបន្សាបជាតិពុល

មើមឆៃថាវក្រហមជាប្រភពដ៏ល្អបំផុតមួយនៃសារធាតុ beta-carotene ក៏ដូចជា flavonoids ដែលគាំទ្រមុខងារនៃថ្លើម។ ដូច្នេះកុំភ្លេចបន្ថែមឆៃថាវក្រហមក្នុងរបបអាហារប្រចាំថ្ងៃរបស់អ្នក។

៦. កាត់បន្ថយហានិភ័យនៃជំងឺតម្រងនោម

នោះក៏ព្រោះតែមើមឆៃថាវក្រហមជាប្រភពដ៏ប្រសើរនៃសារធាតុ betaine ដែលមានលក្ខណៈសម្បត្តិប្រឆាំងជំងឺមហារីកនិងជួយកម្ចាត់សារធាតុ calcium phosphate ក្នុងតម្រងនោម។ ទោះជាយ៉ាងណាអ្នកក៏មិនគួរទទួលទានលើសកម្រិតពេកដែរ។

៧. កាត់បន្ថយហានិភ័យនៃជំងឺបេះដូង

មើមឆៃថាវក្រហមមានផ្ទុកសម្បូរទៅដោយសារធាតុប្រឆាំងអុកស៊ីតកម្ម tannins សារធាតុ anthocyanins សារធាតុ quercetin ជាតិសសៃ និងសារធាតុចិញ្ចឹមផ្សេងទៀតដែលជួយបញ្ចុះសម្ពាធឈាម និងកូឡេស្តេរ៉ូលមិនល្អបានយ៉ាងប្រសើរទប់ស្កាត់ហានិភ័យនៃជំងឺបេះដូង។

៨. ពង្រឹងប្រព័ន្ធភាពស៊ាំរាងកាយ

មើមឆៃថាវក្រហមក៏ជាប្រភពដ៏ល្អបំផុតមួយនៃវីតាមីន C ដែលជួយពង្រឹងប្រព័ន្ធភាពស៊ាំរាងកាយប្រយុទ្ធប្រឆាំងការឆ្លងមេរោគផ្សេងៗគួរឱ្យកត់សម្គាល់ផងដែរ៕