Join with Health.com.kh on Telegram

ទឹកដោះម្តាយផ្ទុកទៅដោយជីវជាតិសំខាន់ៗដែលទារកត្រូវការដើម្បីលូតលាស់ទាំងផ្លូវកាយ និងផ្លូវចិត្ត។ ការបំបៅដោះកូនក៏ជួយពង្រឹងដល់ទំនាក់ទំនងរវាងអ្នក និងកូនអ្នក ព្រមទាំងធ្វើឲ្យគេកាន់តែឆ្លាតផងដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

ជាម្តាយថ្មីថ្មោង អ្នកប្រហែលជាចង់ឲ្យកូនបានល្អបំផុតហើយ។ ការបំបៅដោះកូននឹងមិនគ្រាន់តែធ្វើឲ្យអ្នកកាន់តែស្និទ្ធស្នាលជាមួយកូនទេ តែថែមទាំងផ្តល់ឲ្យគេនូវជីវជាតិសំខាន់ៗទៀតផង។ ទឹកដោះម្តាយតែងតែជាជម្រើសដំបូងសម្រាប់ការចិញ្ចឹមកូនក្រោយពីគេកើតមកភ្លាម។ 

ទោះបីជាយ៉ាងណាក៏ដោយ ខាងក្រោមនេះគឺជាអត្ថប្រយោជន៍នៃការបំបៅដោះកូនដែលមិនសូវមានមនុស្សច្រើនទេបានដឹង៖ 

ជម្រុញដល់ភាពឆាប់ជារបួសក្រោយពីសម្រាលកូនរួច

ស្បូននឹងរីកធំក្នុងពេលមានផ្ទៃពោះ។ ក្នុងពេលបំបៅដោះកូន រាងកាយនឹងបញ្ចេញអ័រម៉ូនអុកស៊ីតូស៊ីនដើម្បីធ្វើឲ្យកន្ត្រាក់ដល់ក្រពេញទឹកដោះក្នុងសុដន់ដើម្បីបញ្ចេញទឹកដោះតាមក្បាលសុដន់។ អុកស៊ីតូស៊ីនក៏ធ្វើឲ្យស្បូនកន្ត្រាក់ក្រោយពីសម្រាលកូនរួចដែរ។ ការបំបៅដោះកូនក្រោយពីសម្រាលកូនរួចអាចជួយឲ្យស្បូនត្រឡប់ទៅរកទំហំ និងសភាពដើមវិញ ព្រមទាំងបន្ថយការធ្លាក់ឈាមផងដែរ។ 

ជួយសម្រកទម្ងន់

ការធាត់ឡើងទម្ងន់ក្នុងពេលមានផ្ទៃពោះគឺជារឿងធម្មជាតិ ប៉ុន្តែរបបអាហារដែលនាំឲ្យឡើងទម្ងន់បន្ថែមទៀតក៏មិនមែនជាអ្វីដែលយើងចង់បានទេ។ នៅពេលបំបៅដោះកូនគឺជាការងារដែលត្រូវថ្វើហេតុអ្វីបានជាអ្នកត្រូវតមអាហារទៀតធ្វើអី? 

ការបំបៅដោះកូនអាចជួយរំលាយជាតិខ្លាញ់ និងជម្រុញដល់ការសម្រកទម្ងន់បាន។ វាប្រហែលជាមិនធ្វើឲ្យស្រកទម្ងន់លឿនទេប៉ុន្តែវានឹងកើតឡើងបន្តិចម្តងៗ។ ចូររងចាំប្រហែល ២ខែក្រោយពីសម្រាលកូនរួច រហូតដល់ការផ្គត់ផ្គង់ទឹកដោះមានភាពធម្មតាមុននឹងអ្នកចាប់ផ្តើមកាត់បន្ថយការញ៉ាំអាហារ។

បង្កើនទំនាក់ទំនងរវាងម្តាយនឹងកូនកាន់តែរឹងមាំថែមទៀត

ខណៈពេលកំពុងតែបំបៅដោះកូន ម្តាយគឺមានភាពស្និទ្ធស្នាលជាមួយនឹងកូនរបស់ខ្លយនខ្លាំង។ ការទទួលបានផាសុកភាពខាងរាងកាយ និងស្និទ្ធស្នាលបែបនេះនឹងធ្វើឲ្យទំនាក់ទំនងរវាងម្តាយ និងកូនកាន់តែរឹងមាំថែមទៀត។ 

អ័រម៉ូនអុកស៊ីតូស៊ីនដែលបញ្ចេញក្នុងពេលបំបៅដោះកូននឹងធ្វើឲ្យធូរស្រាលក្នុងអារម្មណ៍ ហើយក៏ជម្រុញដល់ភាពស្រស់ស្រាយផងដែរ។ 

បន្ថយការប្រឈមនឹងការបាក់ទឹកចិត្ត

ការបាក់ទឹកចិត្តក្រោយសម្រាលកូនរួចគឺជាជំងឺផ្លូវចិត្តមួយប្រភេទ ដែលធ្វើឲ្យម្តាយគេងមិនលក់ ឆេវឆាវ មិនឃ្លានអាហារ និងពិបាកនឹងភ្ជាប់ទំនាក់ទំនងជាមួយកូនខ្លួន។ ការសិក្សាបានបង្ហាញថា ម្តាយដែលបំបៅដោះកូនគឺប្រឈមកាន់តែតិចនឹងការបាក់ទឹកចិត្តក្រោយពេលសម្រាលជាងម្តាយដែលមិនបានបំបៅដោះកូន។ អុកស៊ីតូស៊ីនដែលចេញក្នុងពេលបំបៅដោះក៏ជួយបន្ថយភាពស្រ្តេសរបស់ម្តាយដែរ។ 

ទ្រទ្រង់ដល់ការលូតលាស់ខួរក្បាលរបស់ក្មេង

ទឹកដោះម្តាយមានឥទ្ធិពលវិជ្ជមានជាច្រើនទៅលើ IQ និងការលូតលាស់ខួរក្បាលរបស់កូន។ វានឹងចូលរួមដល់ការអភិវឌ្ឈន៍ខួរក្បាល ជាពិសេសទារកដែលកើតមិនគ្រប់ខែតែម្តង។ (អាន:ថ្នាំងងុយគេង ពេលអ្នកគួរប្រើ)ជាមួយគ្នានេះដែរ កាលណាអ្នកបំបោដោះកូនកាន់តែយូរ អាចនឹងមានប្រយោជន៍ដល់ភាពឆ្លាតវ៉ៃរបស់គេកាន់តែច្រើន។ 

ក្មេងដែលបៅដោះម្តាយច្រើនតែមានពិន្ទុកភាពឆ្លាតវ៉ៃ និងតេស្តលូតលាស់សរសៃប្រសាទខ្ពស់ជាងក្មេងដទៃ។ ការបំបៅដោះកូនអាចបន្ថយការប្រឈមនឹងកូនមានជំងឺរៀនមិនចេះដែរ៕