ផ្លែប័រនេះគឺជាផ្លែឈើដែលអ្នកទាំងអស់គ្នាធ្លាប់ដឹងមកហើយថាវាជាផ្លែឈើដែលមានសារធាតុជាច្រើនដោយមិនត្រឹមតែអាចការពារសុខភាពអ្នកបានទេ ថែមទាំងអាចការពារសម្រស់បានទៀតផង។ ដូចនេះក្រោយពេលដែលអ្នកញ៉ាំមួយថ្ងៃមួយផ្លែក្នុងរយៈពេលមួយខែ តើវានឹងមានអ្វីកើតឡើងទៅ? (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
នៅក្នុងផ្លែប័រនោះមានសារធាតុដែលអាចជួយបញ្ចុះកាឡូរីក្នុងរាងកាយអ្នក និងការពារបេះដូងអ្នកឲ្យមានសុខភាពល្អ។ មានមនុស្សមួយចំនួនមិនហ៊ានពិសារច្រើនឡើយ ដោយខ្លាចវាមានគីមីច្រើន។ សូមអ្នកកុំបារម្ហពីបញ្ហានេះអី ព្រោះសំបកវាក្រាស់ ជាហេតុដែលអាចជួយការពារមិនឲ្យគីមីច្រើនចូលទៅក្នុងឡើយ។ នៅក្នុងផ្លែប័រដ៏តូចមួយនេះមានសារធាតុចិញ្ចឹមជាច្រើន ថែមទាំងមានប៉ូតាស្យូមលើសចេកពីរដងទៀតផង។ ម្យ៉ាងទៀតវានឹងជួយការពារចក្ខុវិញ្ញាណរបស់អ្នកឲ្យមានសុខភាពល្អ ដោយមិនងាយមានជំងឺទាក់ទងនឹងភ្នែកនោះទេ។ ជាងនេះទៅទៀតវានឹងជួយរក្សារាងអ្នកឲ្យស្អាត ដោយសារតែនៅក្នុងនោះមានសារធាតុដែលធ្វើឲ្យអ្នកមានអារម្មណ៍ឆ្អែត ហើយមិនចង់ញ៉ាំអីផ្សេងក្រោយពេលដែលពិសារវាហើយនោះទេ៕ (អាន:ថ្នាំងងុយគេង ពេលអ្នកគួរប្រើ)