Join with Health.com.kh on Telegram

ថ្លើមគឺជាសរីរាង្គដ៏សំខាន់មួយដែលអាចសម្របសម្រួលដល់ជាតិពុល និងកាកសំណល់ពុលទាំងឡាយក្នុងសរីរាង្គបាន។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)វាក៏សំខាន់ណាស់ដែរសម្រាប់សុខភាពរាងកាយ ព្រោះបើសិនជាគ្មានថ្លើមទេ ជាតិពុលនឹងសាយភាយពេញរាងកាយ និងចាប់ផ្តើមឈឺជាមិនខាន។ ថ្លើមនឹងបំលែងជាតិពុលទៅជាកាកសំណល់ ហើយរាងកាយនឹងមានសុវត្ថិភាពតាមរយៈបញ្ចេញកាកសំណល់នេះតាមទឹកនោម ឬលាមក។ 

បើសិនជាអ្នកមិនយកចិត្តទុកដាក់ចំពោះសរីរាង្គមួយនេះទេ សុខភាពអ្នកនឹងរងភាពទ្រុតទ្រោមជាមិនខាន។ យ៉ាងណាមិញ កុំទាន់ភ័យអី ខាងក្រោមនេះខ្ញុំនឹងបញ្ហាអំពីអាការៈប្រកាសអាសន្នមួយចំនួនដែលអាចបញ្ជាក់ថា ថ្លើមកំពុងតែធ្វើការមិនបានល្អ ដូច្នេះដល់ពេលដឹងហើយ គួរតែទៅជួបពេទ្យដើម្បីដោះស្រាយវាឲ្យបានលឿនទៅ។ 

ឡើងទម្ងន់ដោយមិនដឹងខ្លួន

បើសិនជាថ្លើមខូចហើយ ជាតិពុលទាំងអស់អាចនឹងសល់ពេញខ្លួន ដែលជាហេតុនាំឲ្យឡើងទម្ងន់ ដូច្នេះទោះបីជាខំប្រឹងហាត់ប្រាណយ៉ាងណាក៏អត់ប្រយោជន៍ដែរ។ 

អាឡែហ្ស៊ី

បើសិនជាអ្នកកំពុងតែមានជំងឺខ្លាញ់រុំថ្លើម នោះថ្លើមមិនអាចយកឈ្នះនូវសារធាតុបង្កអាឡែហ្ស៊ីឡើយ ដូច្នេះទោះបីជាមានរឿងអ្វីបន្តីចក៏ងាយធ្វើឲ្យអ្នកមានប្រតិកម្មអាឡែហ្ស៊ីបានដែរដូចជា ឈឺក្បាល រមាស់ស្បែក ឬវិលមុខជាដើម។ 

អស់កម្លាំងរ៉ាំរ៉ៃ

គ្រូពេទ្យជាច្រើនបាននិយាយថា ការអស់កម្លាំងរ៉ាំរ៉ៃគឺជាអាការៈចំបងបំផុតនៅពេលដែលថ្លើមមានជាតិពុលច្រើន។ ក្រៅពីអស់កម្លាំង អ្នកអាចនឹងមានអាការៈឈឺចាប់ផ្សេងៗថែមទៀត។ 

បែកញើសច្រើននិងធំក្លិនខ្លួន

គ្រូពេទ្យបានប្រៀបធៀបថ្លើមជាមួយនឹងឡាន។ បើសិនជាអ្នកបើកឡានរយៈពេលយូរដោយមិនបានឈប់សោះ អ្នកអាចនឹងមើលឃើញសីតុណ្ហភាពក្នុងឡានឡើងខ្ពស់មិនខាន។ ដូច្នេះថ្លើមក៏ដូចគ្នា កាលណាវាធ្វើការច្រើន វានឹងធ្វើឲ្យរាងកាយបែកញើសច្រើន រហូតដល់ធំក្លិនខ្លួនបានទៀតផង។ 

កើតមុន

អ្នកក៏គួរតែដឹងដែរថា កាលណាជាតិពុលក្នុងខ្លួនមានច្រើន វានឹងធ្វើឲ្យអតុល្យភាពអ័រម៉ូនរហូតដល់កើតមុនលើរាងកាយបាន។ 

ក្លិនមាត់អាក្រក់

ក្លិនមាត់អាក្រក់ក៏ជាអាការៈមួយបង្ហាញថាថ្លើមកំពុងតែធ្វើការមិនបានល្អដែរ។ (អាន:ថ្នាំងងុយគេង ពេលអ្នកគួរប្រើ)ដូច្នេះបើសិនជាឧស្សាហ៍មានបញ្ហានេះកើតឡើងមែន យកល្អគួរតែទៅជួបពេទ្យឲ្យបានលឿនបំផុត៕