ជាធម្មតានរណាៗក៏ចង់បានស្បែកមុខសរលោងស្រស់ស្អាតដែរ! ប៉ុន្តែការស្រមៃនេះតែងត្រូវបានរំខាន ដោយសារបញ្ហាស្នាមមុនដែលពិបាកព្យាបាលកម្ចាត់ចេញ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ទោះជាយ៉ាងណា ឈប់បារម្ភខ្លាំងថានឹងត្រូវចំណាយប្រាក់អស់ច្រើន ទទួលរងផលប៉ះពាល់ពីសារធាតុគីមីនៃផលិតផលកម្ចាត់ស្នាមមុន និងខាតពេលវេលាយូរដើម្បីដោះស្រាយបញ្ហានេះទៀតទៅ! ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីគន្លឹះងាយៗបែបធម្មជាតិ ប៉ុន្តែមានប្រសិទ្ធិភាពខ្ពស់ជួយកម្ចាត់ស្នាមមុនបានយ៉ាងឆាប់រហ័ស ៖
១. ទឹកក្រូចឆ្មារស្រស់
អ្វីដែលអ្នកត្រូវធ្វើ គឺគ្រាន់តែលាបទឹកក្រូចឆ្មារស្រស់លើស្នាមមុនក្រោយលាងសម្អាតមុខរួច។ ទុកចោលរយៈពេលប្រហែល ១០ នាទីសឹមលាងសម្អាតទឹកក្រូចឆ្មារចេញពីមុខជាមួយទឹកក្ដៅឧណ្ហៗ។ អនុវត្តឱ្យបានពី ៣ ទៅ ៤ ដងក្នុងមួយថ្ងៃ។
២. ប្រេងអូលីវ
អ្វីដែលអ្នកត្រូវធ្វើ គឺលាបប្រេងម៉ាស្សាប្រេងអូលីវបន្តិចលើតំបន់ស្បែកដែលមានបញ្ហា។ ទុកចោលសម្រាប់រយៈពេល ៥នាទី សឹមលាងសម្អាតចេញ
៣. ប្រទាលកន្ទុយក្រពើ
អ្វីដែលអ្នកត្រូវធ្វើ គឺគ្រាន់តែលាបម៉ាស្សាជែល ឬសាច់ប្រទាលកន្ទុយក្រពើលើស្បែកមុខ ហើយទុកចោលសម្រាប់រយៈពេល ៣០ នាទី សឹមលាងសម្អាតចេញជាមួយទឹកធម្មតាជាការស្រេច។
៤. ត្រសក់
ហាន់ត្រសក់ជាចំណិតស្ដើងៗ រួចបិតផ្ទាល់លើផ្ទៃមុខតែម្ដង។ ទុកចោលសម្រាប់រយៈពេល ៣០ នាទី សឹមលាងសម្អាតចេញជាមួយទឹកត្រជាក់ជាការស្រេច។
៥. ទឹកឃ្មុំឆៅ
អ្វីដែលអ្នកត្រូវធ្វើ គឺគ្រាន់តែលាបម៉ាស្សាទឹកឃ្មុំបន្តិចលើស្បែកមុខ ហើយទុកចោលសម្រាប់រយៈពេល ៣០ នាទី សឹមលាងសម្អាតចេញជាមួយទឹកធម្មតា។
៦. រមៀត
លាយម្ស៉ៅរមៀតកន្លះស្លាបព្រាបាយជាមួយជែលប្រទាលកន្ទុយក្រពើ ២ ស្លាបព្រាកាហ្វេ។ កូរឱ្យសព្វរហូតក្លាយជាល្បាយខាប់ៗ។ លាបល្បាយលើស្បែកដែលទទួលរងផលប៉ះពាល់ និងទុកចោលសម្រាប់រយៈពេល ៣០ នាទីសឹមលាង
សម្អាតចេញ។ អនុត្តឱ្យបានពី ២ ទៅ ៣ ដងក្នុងមួយសប្តាហ៍ដើម្បីទទួលបានលទ្ធផលកាន់តែប្រសើរ។
៧. តែបៃតងនិងទឹកឃ្មុំ
អ្វីដែលអ្នកត្រូវការ ៖ ទឹកឃ្មុំសុទ្ធ ១ ស្លាបព្រាបាយ, តែបៃតង ១ កញ្ចប់តូច, ទឹកក្ដៅ និងហ្វូមលាងសម្អាតមុខ។
អ្វីដែលអ្នកត្រូវធ្វើ គឺឆុងតែក្នុងទឹកក្ដៅសម្រាប់រយៈពេលយ៉ាងហោចណាស់ ៣ នាទី។ យកកញ្ចប់តែចេញនិងទុកឱ្យចុះត្រជាក់។ កាត់កញ្ចប់តែ ដើម្បីស្រងយកស្លឹកតែចេញ។ លាយស្លឹកតែជាមួយទឹកឃ្មុំ។ លាងសម្អាតមុខជាមួយហ្វូម រួចជូតផ្ដិតថ្នមៗដល់ស្ងួត។ លាបស្លឹកតែបៃតងទឹកឃ្មុំលើមុខ រួចទុកចោលសម្រាប់រយៈពេល ២០ នាទីសឹមលាងសម្អាតចេញជាមួយទឹកត្រជាក់។ អនុវត្តឱ្យបានយ៉ាងហោចណាស់ពី ៣ ទៅ ៤ ដងក្នុងមួយសប្តាហ៍៕