ងាយៗ! ចង់បំបាត់ស្នាមសំលាកមែនទេ? កុំរំលងរូបមន្តធម្មជាតិទាំងនេះ

គ្មាននរណាម្នាក់ចង់មានស្នាមសំលាកលើស្បែកឡើយ ដូច្នេះទើបអ្នកមួយចំនួនសុខចិត្តចំណាយប្រាក់មិនស្ដាយដើម្បីទទួលបានស្បែករលោងស្រស់ស្អាត។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ទោះជាយ៉ាងណាមិនចាំបាច់ចំណាយប្រាក់ក៏អ្នកអាចបំបាត់ស្នាមសំលាក ឬធ្វើឱ្យវាមើលលែងសូវឃើញផងដែរតាមរយៈការអនុវត្តរូបមន្តធម្មជាតិមួយចំនួន។ ថ្ងៃនេះវេបសាយសុខភាព​ Health.com.kh នឹងបង្ហាញឱ្យដឹងពីវិធីងាយៗបំបាត់ស្នាមសំលាក ឬធ្វើឱ្យវាមើលលែងសូវឃើញដូចមុន ៖

១. ត្រសក់

អ្វីដែលអ្នកត្រូវធ្វើ គឺគ្រាន់តែព្យាយាមប្រើបន្ទះត្រសក់ដុសលើស្នាមសំលាកជាប្រចាំរហូតដល់ទទួលបានលទ្ធផលគាប់ចិត្តជាការស្រេច។

២. ទឹកក្រូចឆ្មារស្រស់

អ្វីដែលអ្នកត្រូវធ្វើ គឺគ្រាន់តែលាបទឹកក្រូចឆ្មារស្រស់ផ្ទាល់លើស្នាមសំលាកជាប្រចាំ។

៣. ទឹកខ្ទឹមបារាំងស្រស់

អ្វីដែលអ្នកត្រូវធ្វើ គឺលាបទឹកខ្ទឹមបារាំងស្រស់លើស្នាមសំលាកជាប្រចាំ។ រូបមន្តនេះមិនសាកសមសម្រាប់ស្បែកស្ងួត ឬងាយប្រតិកម្មឡើយ។

៤. ទឹកឃ្មុំ

ប្រើប្រាស់ទឹកឃ្មុំចំនួនសមល្មមលាបលើស្នាមសំលាកឱ្យបានញឹកញាប់ជាប្រចាំរហូតទទួលបានលទ្ធផលប្រសើរ។

៥. ចេក

ក្រៅពីមានរសជាតិឆ្ងាញ់ហើយនោះ ចេកក៏មានប្រសិទ្ធភាពជួយបំបាត់ស្នាមសំលាកផងដែរ។ អ្វីដែលអ្នកត្រូវធ្វើ គឺគ្រាន់តែកិនសាច់ចេកទុំឱ្យម៉ដ្ឋ រួចលាបម៉ាស្សាថ្នមៗលើស្នាមសំលាកសម្រាប់រយៈពេល ១០ នាទី និងទុកចោលពេញមួយយប់ជាការស្រេច។ អនុវត្តជាប្រចាំរហូតទទួលបានលទ្ធផលគាប់ចិត្ត៕