Join with Health.com.kh on Telegram

សក់អាចបង្ហាញអំពីរឿងជាច្រើនទាក់ទងនឹងសុខភាពរបស់អ្នកដូចគ្នានឹងការទៅជួបគ្រូពេទ្យអញ្ជឹង។ ការជ្រុះសក់ សក់ស្តើង និងឡើងអង្គែរស្បែកក្បាលសុទ្ធតែកើតឡើងដោយសារមូលហេតុសុខភាពនៅពីក្រោយទាំងអស់។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ខាងក្រោមនេះខ្ញុំនឹងបង្ហាញអំពីបញ្ហាសុខភាពសក់មួយចំនួនដែលអាចទាក់ទងនឹងសុខភាពក្នុងខ្លួនរបស់អ្នកដែរ។ 

ជ្រុះសក់

បើសិនជាអ្នកជ្រុះសក់ច្រើនជាង ៨០ ទៅ១០០សរសៃក្នុងមួយថ្ងៃនោះ មានន័យថាជាការជ្រុះសក់លើសពីធម្មតាហើយ។ វាអាចជាសញ្ញាមួយនៃការស្រ្តេសច្រើន។ បើសិនជាអ្នកជ្រុះសក់ច្រើនៗបែបនេះ វាក៏អាចបញ្ហាថាអ្នកមិនញ៉ាំជាតិដែកពីរបបអាហារមិនបានគ្រប់គ្រាន់ដែរ។ ជំងឺទឹកនោមផ្អែមក៏បណ្តាលឲ្យសក់ស្តើង និងជ្រុះច្រើនបែបនេះដែរ។​

សក់ស្តើងស្ងួតនិងផុយ

បើសិនជាសក់អ្នកទៅជាស្ងួត និងស្តើង វាអាចជាអាការៈឞញ្ជាក់ថា ក្រពេញទីរ៉ូអ៊ីតអ្នកធ្វើការច្រើនជ្រុលហើយ។ ការឡើងទម្ងន់ មានអារម្មណ៍ថាត្រជាក់គ្រប់ពេល និងអស់កម្លាំងទៀតនោះ គឺជាសញ្ញាផ្សេងមួយចំនួនទៀតនៃជំងឺក្រពេញទីរ៉ូអ៊ីតធ្វើការច្រើនជ្រុលដែរ។ ដូច្នេះចូរពិគ្រោះជាមួយគ្រូពេទ្យភ្លាមបើសិនជាអាការៈទាំងនេះកើតឡើងជាមួយនឹងសក់កាន់តែស្តើងៗទៅ។ 

សក់ស្តើង

ប្រូតេអ៊ីនគឺជាសមាសធាតុដ៏សំខាន់ក្នុងការបង្កើតជាសរសៃសក់ ហើយបើសិនជាអ្នកមិនទទួលបានប្រូទេអ៊ីនគ្រប់គ្រាន់ទេនោះ អ្នកនឹងអាចសម្គាល់ឃើញថាសក់កាន់តែស្តើងទៅៗជាមិនខាន។ អ្វីដែលអ្នកត្រូវការនោះគឺធ្វើយ៉ាងណាញ៉ាំអាហារមានប្រូតេអ៊ីនខ្ពស់ម្តងក្នុងមួយថ្ងៃ។ 

សក់ស្កូវ

ខណៈពេលដែលកត្តាហ្សែនជាឥទ្ធិពលដំបូងដែលនាំឲ្យចេញជាសក់ស្កូវនោះ តែការស្រ្តេសក៏ដើរតួនាទីនាំឲ្យសក់ទៅជាស្កូវបានដែរតាមរយៈបំលែងសារធាតុបំពាក់ពណ៌ខ្មៅទៅជាពណ៌សវិញ។ 

អង្គែរស្បែកក្បាល

អ្វីដែលអ្នកអាចគិតនោះគឺថា អង្គែរស្បែកក្បាលអាចជាសញ្ញាមួយនៃបញ្ហាសុខភាពមួយឈ្មោះថា Seborrheic Dermatitis។ វាគឺជាជំងឺរលាករ៉ាំរ៉ៃមួយដែលនាំឲ្យកើតជាអង្គែរ ឬរបបៗនៅលើស្បែកក្បាលបាន។ 

សក់ជ្រុះកោងមូលៗ

បើសិនជាសក់អ្នកជ្រុះតិច ហើយកោងមូលៗ មានន័យថាអ្នកអាចនឹងមានជំងឺមួយឈ្មោះថា Alopecia Areata ដែលវាក៏អាចធ្វើឲ្យរោមភ្នែក ឬចិញ្ចើមជ្រុះបានដែរ។ ចំពោះអ្នកជំងឺទឹកនោមផ្អែមក៏អាចធ្វើឲ្យជ្រុះសក់របៀបនេះដែរ។ (អាន:ថ្នាំងងុយគេង ពេលអ្នកគួរប្រើ)

ជ្រុះសក់រហូតដល់ទំពែកក្បាល

បើសិនជាអ្នកសម្គាល់ឃើញថា សក់អ្នកជ្រុះរហូតដល់ទំពែកក្បាលហើយនោះ វាអាចជាសញ្ញាមួយដែលបញ្ជាក់ថា អ្នកកំពុងតែមានអ័រម៉ូនភេទតេស្តូស្តេរ៉ុនច្រើនពេកហើយ៕