Join with Health.com.kh on Telegram

អ្នកប្រហែលជាគិតថា កាលណាបាញ់ទឹកអប់កាន់តែច្រើន កាន់តែជាប់ក្លិនបានយូរ។ ប៉ុន្តែនៅកន្លែងដែលចង្អៀតនោះ វាប្រហែលជាមិនអាចជាប់បានយូរឡើយ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ដូច្នេះខ្ញុំនឹងបង្ហាញអំពីល្បិចងាយៗដែលអាចជួយឲ្យទឹកអប់ដែលអ្នកប្រើនោះជាប់ក្លិនបានយូរ។ 

កុំទុកទឹកអប់នៅកន្លែងដែលសើម

ចូរចៀសវាងការរក្សាទុកទឹកអប់នៅក្នុងបន្ទប់ទឹក ឬកន្លែងដែលសើមបើសិនជាអ្នកចង់ឲ្យវារក្សាក្លិនបានយូរពេលប្រើ។ កន្លែងដែលមានសំណើមអាចកាត់បន្ថយក្លិន និងភាពក្រអូបរបស់វាបានយ៉ាងងាយ។ ដូច្នេះអ្នកគួរតែរក្សាវាទុកនៅកន្លែងស្ងួត និងត្រជាក់វិញទៅ។ 

លាបក្រែមផ្តល់សំណើមផង

ចូរប្រើក្រែមលាបផ្តល់សំណើមផងបើសិនជាស្បែករបស់អ្នកស្ងួត ព្រោះនៅពេលអ្នកបាញ់ទឹកអប់នៅពីលើ វានឹងជួយរក្សាក្លិនបានកាន់តែយូរ។ 

កុំជូតទឹកអប់លើកដៃ

ការត្រដុសទឹកអប់នៅលើកដៃអាចក្លាយជារឿងមិនល្អ ព្រោះវានឹងបង្ខំឲ្យក្លិនក្រអូបឆាប់រលាយបាត់ និងមិនជាប់ក្លិនបានយូរឡើយ។ 

ចូរបាញ់ទឹកអប់នៅលើកន្លែងណាដែលក្តៅល្មមនៅដងខ្លួន

ការបាញ់ទឹកអប់នៅកន្លែងមួយចំនួនដូចជា កដៃ ក្នុងកែងដៃ ក្រោយត្រចៀក និងក នឹងជួយធ្វើឲ្យក្លិនទឹកអប់សាយភាយពេញខ្លួនបាន។ (អាន:ថ្នាំងងុយគេង ពេលអ្នកគួរប្រើ)ជាមួយគ្នានេះដែរ ការបាញ់ទឹកអប់នៅលើស្មងជើង និងក្រោយគន្លាក់ជង្គង់ក៏អាចបង្កើនក្លិនក្រអប់ពេញមួយថ្ងៃដែរ៕