ដំណាក់កាលនៃការបរិភោគអាហារពិតជាសំខាន់ណាស់ បើអ្នកមិនដឹងថាគួរតែបរិភោគអ្វីមុន ហើយចេះតែពិសារផ្តេសផ្តាស វានឹងអាចធ្វើឲ្យអ្នកធាត់បានដោយមិនដឹងខ្លួនដោយសារតែទង្វើរបស់អ្នក។ ដូចនេះខាងក្រោមនេះយើងខ្ញុំនឹងបង្ហាញប្រាប់អ្នកពីវិធីក្នុងការញ៉ាំអាហារដែលអាចធ្វើឲ្យអ្នកឡើងទម្ងន់ដោយមិនដឹងខ្លួន។ តើមានរបៀបណាខ្លះទៅ? (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
បរិភោគបាយមុនផ្លែឈើ
នៅពេលដែលអ្នកបរិភោគបាយចូលមុន ជាតិស្ករអ្នកនឹងងាយឡើងខ្ពស់ ដែលអាចធ្វើឲ្យវាកកជាអាស៊ីតខ្លាញ់បាន ចំណែកឯផ្លែឈើវិញ មិនចាំបាច់ឆ្លងកាត់ក្រពះនោះទេ គ្រាន់តែចូលទៅក្នុងពោះវៀនតូច វាក៏ស្រូបបាត់ហើយ ប៉ុន្តែបាយ និងអាហារផ្សេងៗគឺមានប្រូតេអ៊ីនខ្ពស់ ដែលត្រូវការស្តុកទុកនៅក្នុងក្រពះមួយរយៈពេល ដូចនេះប្រសិនជាអ្នកបរិភោគអាហាររួច ទើបពិសារផ្លែឈើ នោះប្រូតេអ៊ីនអាចរារាំងផ្លែឈើមិនឲ្យរំលាយលឿន ហើយនៅពេលដែលផ្លែឈើនៅក្នុងរាងកាយអ្នកដែលមានសីតុណ្ហភាពខ្ពស់យូរ វានឹងអាចធ្វើឲ្យមានជាតិពុល ថែមទាំងអាចធ្វើឲ្យអ្នកមានអាការៈហើមពោះ ឬទល់លាមកជាដើម ដែលអាចប៉ះពាល់ដល់ប្រព័ន្ធរំលាយអាហាររបស់អ្នក។
ក្រោយបាយញ៉ាំបង្អែម
ប្រសិនជាអ្នកពិសារបាយរួច ហើយញ៉ាំបង្អែមភ្លាម វានឹងបង្អាក់ប្រព័ន្ធរំលាយអាហាររបស់អ្នក ហើយក្រោយពេលដែលអ្នកបរិភោគអាហារដែលខ្លាញ់រួច ហើយញ៉ាំបង្អែម វានឹងកកជាតិខ្លាញ់ក្នុងរាងកាយអ្នកជាច្រើន ដែលអាចធ្វើឲ្យអ្នកធាត់យ៉ាងងាយ ជាងនេះទៅទៀត វានឹងធ្វើឲ្យអ្នកមានជំងឺផ្សេងៗដែលទាក់ទងនឹងពោះវៀន និងក្រពះអ្នក។
ទទួលទានសម្លក្រោយពេលបាយរួច
បើអ្នកញ៉ាំសម្លក្រោយពេលបាយ វានឹងរារាំងមិនឲ្យក្រពះអ្នកដំណើរការបានល្អឡើយ ជាហេតុដែលប៉ះពាល់ដល់ដំណាក់កាលរំលាយអាហាររបស់ក្រពះអ្នក នោះវានឹងធ្វើឲ្យប៉ះពាល់ដល់សុខភាពអ្នកយ៉ាងងាយ ម្យ៉ាងទៀតវាក៏អាចកាត់បន្ថយសារធាតុចិញ្ចឹមដែលរាងកាយអ្នកទទួលយកដែរ វានឹងប្រែជាតិចជាងមុន ដែលអាចធ្វើឲ្យអ្នកធាត់ ហើយមានមនុស្សមួយចំនួនចូលចិត្តញ៉ាំបាយដោយលាយជាមួយសម្ល ឬទឹក ជាហេតុដែលងាយធ្វើឲ្យអ្នកមានជំងឺក្រពះខ្លាំងណាស់ក្រោយពេលដែលបរិភោគបែបនេះយូររួច៕ (អាន:ថ្នាំងងុយគេង ពេលអ្នកគួរប្រើ)