ការបាក់ទឹកចិត្តគឺជាបញ្ហាផ្លូវចិត្តមួយដែលកើតមានជាញឹកញាប់បំផុត ហើយអាចប៉ះពាល់ដល់ជីវិតរស់នៅទៀតផង។ អាការៈរបស់បញ្ហាមួយនេះមានដូចជា នឿយហត់ លែងចាប់អារម្មណ៍ និងលែងសប្បាយ គេងមិនលក់ មិនឃ្លានអាហារ និងមិនអាចផ្ចង់អារម្មណ៍បាន។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) តាមពិត ការសិក្សាជាច្រើនរកឃើញថា ស្រ្តេស និងការបាក់ទឹកចិត្តក៏អាចបណ្តាលមានបញ្ហាផ្លូវកាយក្នុងរយៈពេលយូរបានដែរ។
ខណៈពេលដែលអាការៈបាក់ទឹកចិត្តច្រើនតែអាចព្យាបាលដោយប្រើថ្នាំប្រឆាំងនឹងជំងឺបាក់ទឹកចិត្ត និងការពិគ្រោះជំងឺនោះ របបអាហារអ្នកញ៉ាំរាល់ថ្ងៃក៏អាចដើរតួនាទីមួយក្នុងការប្រឆាំងនឹងបញ្ហាផ្លូវចិត្តមួយនេះដែរ។ មធ្យោបាយមួយសម្រាប់ប្រឆាំងនឹងការបាក់ទឹកចិត្តនោះគឺការបន្ថែមអាហារបំប៉នប្រភេទអាស៊ីតហ្វូលិកទៅក្នុងរបបអាហារ។ អ្នកស្រាវជ្រាវបានរកឃើញថា កាលណាចំនួនអាស៊ីតហ្វូលិកក្នុងឈាមថយចុះ ច្រើនតែកើតមានលើមនុស្សមានបញ្ហាបាក់ទឹកចិត្ត។ ការសិក្សាដែលចុះផ្សាយក្នុងសារព័ត៌មាន Psychosomatic Research រកឃើញថាការព្យាបាលជំងឺបាក់ទឹកចិត្តដោយប្រើថ្នាំអាស៊ីតហ្វូលិក ២មីលីក្រាម ឃើញថាមានប្រយោជន៍ច្រើន។
តាមពិត ការកង្វះអាស៊ីតហ្វូលិកក្នុងឈាមត្រូវបានអ្នកស្រាវជ្រាវរកឃើញថា កើតមានស្មើននឹង មួយភាគបីនៃអ្នកជំងឺបាក់ទឹកចិត្តទាំងអស់ទៅហើយ។ អាស៊ីតហ្វូលិកដែលត្រូវបានគេស្គាល់ថាជាវីតាមីន B9 គឺជារបស់ដែលរាងកាយត្រូវការដើម្បីបង្កើតជាគ្រាប់ឈាមក្រហម ការលូតលាស់របស់កោសិកា និងការបំបែកខ្លួន ព្រមទាំងមុខងារផ្សេងៗតៀត។ គ្រូពេទ្យបានរកឃើញថា ការកង្វះអាស៊ីតហ្វូលិកក៏អាចនាំឲ្យមានការឆ្លើយតបកាន់ខ្សោយទៅនឹងថ្នាំប្រឆាំងការបាក់ទឹកចិត្តផងដែរ។
អាស៊ីតហ្វូលិកត្រូវបានគេរកឃើញថា មានប្រសិទ្ធភាពព្យាបាលអាការៈបាក់ទឹកចិត្តាមរយៈការចូលរួមបង្កើតនូវសារធាតុ Serotonin, Dopamine និង Norepinephrine ជាប្រយោល ដែលវាទាំងបីនេះជាសារធាតុចម្លងសរសៃប្រសាទមាននាទីក្នុងការសម្របសម្រួលអារម្មណ៍របស់មនុស្ស។ ខណៈពេលដែលអ្នកស្រាវជ្រាវនៅតែមិនអាចរកឃើញថាកម្រិតអាស៊ីតហ្វូលិកប៉ុន្មានប៉ុន្មានសម្រាប់ព្យាបាលនោះ តែការប្រើពី ១ ទៅ ២មីលីក្រាមទំនងជាអាចមានប្រយោជន៍។ (អាន:ថ្នាំងងុយគេង ពេលអ្នកគួរប្រើ)យ៉ាងណាមិញ បើសិនជាអ្នកកំពុងតែប្រើថ្នាំផ្សេងៗទៀតដែរនោះ អ្នកគួរតែពិគ្រោះជាមួយគ្រូពេទ្យជាសិនមុនពេលត្រូវការប្រើថ្នាំអាស៊ីតហ្វូលិកនេះ៕