Join with Health.com.kh on Telegram

ឪពុកម្ដាយភាគច្រើនប្រហែលជាមិនធ្លាប់ដឹងទេថារបៀបនៃការពរ ឬកាន់កូនអាចបង្កគ្រោះថ្នាក់ចំពោះសុខភាពពួកគេដោយស្មានមិនដល់! (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថាតើរបៀបពរកូនតូចបែបណាខ្លះដែលអាចបង្កគ្រោះថ្នាក់? ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងរបៀបនៃការពរ ឬកាន់កូនដែលឪពុកម្ដាយមិនគួរធ្វើចៀសវាងគ្រោះថ្នាក់ដល់ក្មេង ៖

១. ពរកូនតូចដោយដាក់ដៃក្រោមក្លៀកក្មេង

ការទ្រក្បាលរបស់ក្មេង គឺចាំបាច់ណាស់នៅពេលដែលអ្នកលើកពរពួកគេ។ ទារកដែលទើបនឹងកើតមិនទាន់មានសាច់ដុំករឹងមាំឡើយ។ ពួកគេអាចបែរក្បាលភ្លាមៗនេះមានន័យថាបញ្ហាពិបាកដង្ហើមនិងរបួសផ្សេងៗក៏ងាយនឹងកើតមានឡើងផងដែរប្រសិនបើករបស់ពួកគេមិនត្រូវបានទ្រត្រឹមត្រូវ។ ត្រូវចាំថាទារកអាចទ្រឬទប់ក្បាលរបស់ខ្លួនបានមិនត្រូវការជំនួយលុះត្រាតែពួកគេឈានដល់វ័យតិចណាស់ពី ៤ ទៅ ៦ ខែ។

២. ពរកូនតូចដោយផ្ទប់មុខរបស់ពួកគេនឹងស្មារបស់អ្នក

អ្នកមិនគួរពរកូនតូចដោយផ្ទប់មុខរបស់ពួកគេផ្ទឹបជាប់នឹងស្មាអ្នកឡើយ! របៀបនៃការពរបែបនេះអាចបណ្ដាលឱ្យក្មេងពិបាកដកដង្ហើម។ ម្យ៉ាងវិញទៀតផ្នែកនៃសម្លៀកបំពាក់របស់អ្នកអាចនឹងចូលមាត់របស់ពួកគេ។ ដូច្នេះដើម្បីជាការប្រសើរ ចូរពរកូនតូចដោយដាក់ក្បាលរបស់ពួកគេលើស្មារបស់អ្នក។

៣. ពរកូនតូចដោយមិនផ្លាស់ប្ដូរខាងសោះ

នៅពេលពរក្មេងតូចវាចាំបាច់ណាស់ដែលអ្នកត្រូវប្ដូរខាង នោះក៏ព្រោះតែករបស់ក្មេង គឺទន់ខ្សោយណាស់។ ហើយការប្ដូរខាងពរ គឺចាំបាច់សម្រាប់សាច់ដុំករបស់ក្មេងអាចលូតលាស់បានយ៉ាងប្រសើរទាំងសងខាង។

៤. ពរកូនតូចដោយមិនទ្រខ្នង

អ្នកមិនគួរពរក្មេងតូចដោយទ្រតែគូទនិងក្បាលរបស់ពួកគេឡើយ! ក្រៅពីងាយនឹងធ្លាក់ក្មេងហើយនោះ របៀបនៃការពរបែបនេះក៏ជះឥទ្ធិពលលើឆ្អឹងខ្នងរបស់ក្មេងតូចផងដែរ។ ដូច្នេះដើម្បីជាការប្រសើរ ចូរពរក្មេងដោយប្រើដៃម្ខាងទ្រខ្នង និងទ្រផ្នែកផ្សេងៗដោយដៃម្ខាងទៀត។

៥. ពរកូនតូចដោយបែរមុខពួកគេចេញក្រៅ

ការពរកូនដោយបែរមុខរបស់ពួកគេចេញក្រៅ គឺមិនល្អឡើយ។ ក្រៅពីពិបាកនឹងគ្រប់គ្រងពិនិត្យមើលក្មេងហើយនោះ របៀបនៃការពរបែបនេះក៏បង្កជាសម្ពាធលើឆ្អឹងខ្នងនិងជើងរបស់ក្មេងតូចផងដែរ។ ដូច្នេះដើម្បីជាការប្រសើរ ចូរពរកូនដោយបែរមុខពួកគេមកទ្រូងអ្នក ហើយត្រូវប្រាកដថាបានទ្រជើងនិងខ្នងពួកគេត្រឹមត្រូវ។

៦. ចាប់ទាញដៃក្មេងខ្លាំងៗ

កុំទាញដៃកូនលើកឡើង ឬអូសដៃពួកគេ! ដឹងទេថាការធ្វើបែបនេះអាចបណ្ដាលឱ្យភ្លាត់ឆ្អឹងសន្លាក់កែងដៃ និងកដៃក្មេងបានយ៉ាងងាយ៕