ការដែលមានអាការៈរមួលក្រពើភ្លាមខណៈពេលកំពុងតែរត់ ឬក្រោយពីបានហាត់ប្រាណរួចគឺជារឿងមួយកើតមានជាញឹកញាប់។ ប៉ុន្តែ យើងក៏មិនសូវខ្វល់អំពីវាប៉ុន្មានដែរ ព្រោះថាវានឹងបាត់ទៅវិញដោយខ្លួនឯង។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) យ៉ាងណាមិញ ការយល់ដឹងអំពីមូលហេតុនៃការរមួលក្រពើទុកជាមុនអាចជួយក្នុងការដោះស្រាយ ឬបង្ការវាបានត្រឹមត្រូវផង។ ខាងក្រោមនេះគឺជាហេតុផលនៃការរមួលក្រពើមួយចំនួនដែលកើតមានជាញឹកញាប់។
ខ្សោះជាតិទឹក
ការខ្សោះជាតិទឹកអាចបណ្តាលឲ្យបាត់បង់ជីវជាតិពីក្នុងរាងកាយ។ ហើយបើសិនជាអ្នកមិនអាចបំពេញជាតិរ៉ែ និងទឹកដែលបាត់បង់ទេនោះ វាអាចនឹងបណ្តាលឲ្យរមួលក្រពើបាន ដោយសារតែអតុល្យភាពអេឡិចត្រូលីត្រ។ រឿងនេះកើតមានជាពិសេសក្នុងរដូវក្តៅ និងក្រោយពី ឬក្នុងអំឡុងពេលហាត់ប្រាណខ្លាំងក្លា។
ជំហរមិនល្អ
ករណីខ្លះ ការអង្គុយ ឬមានជំហរដងខ្លួនមិនល្អក៏អាចបង្កជាបញ្ហាបានដែរ ព្រោះវានឹងដាក់សម្ពាធខ្លាំងទៅលើកន្លែងពិសេសណាមួយនៃរាងកាយ និងបង្កើតបានជាបញ្ហារមួលក្រពើបាន។ រឿងនេះកើតឡើងដោយសារតែកង្វះជីវជាតិ និងការផ្គត់ផ្គង់អុកស៊ីសែនទៅរាងកាយ។
កង្វះអុកស៊ីសែន
បើសិនជាអ្នកកំពុងតែជួបបញ្ហាឧស្សាហ៍រមួលក្រពើ ជាពិសេសនៅពេលយប់ នោះវាអាចនឹងបង្កឡើងដោយសារការស្ទះលំហូរឈាម ឬកង្វះអុកស៊ីសែនបាន។ ករណីបែបនេះ ចូរព្យាយាមស្អំទឹកក្តៅដើម្បីពង្រឹងដល់លំហូរឈាម។
កង្វះវីតាមីន B12
ការកង្វះវីតាមីន B12 អាចនាំឲ្យមានជំងឺកង្វះគ្រាប់ឈាម សម្រាប់ដឹកជញ្ជូនអុកស៊ីសែនទៅកាន់គ្រប់កន្លែងនៃរាងកាយ។ រឿងនេះក៏ជាហេតុបង្កឲ្យរមួលក្រពើជាញឹកញាប់ដែរ។ ការបង្កើនការញ៉ាំអាហារសម្បូរជាតិវីតាមីន B12 ឡើងវិញគឺជាជម្រើសដ៏ល្អបំផុត។
កង្វះជាតិប៉ូតាស្យូម
តើអ្នកមានដឹងទេថា ការកង្វះជាតិប៉ូតាស្យូមអាចបណ្តាលឲ្យរមួលក្រពើដែរ ដោយធ្វើឲ្យមានការប្រែប្រួលនូវតុល្យភាពអេឡិចត្រូលីត្រ។ ការបង្កើនការញ៉ាំអាហារសម្បូរជាតិប៉ូតាស្យូមឡើងវិញដូចជា ការញ៉ាំចេក ផ្លែឈើក្រៀមៗ និងបន្លែគឺជារឿងល្អបំផុត។
ការប្រើថ្នាំ
ការរមួលក្រពើក៏អាចកើតមានដែរបើសិនជាអ្នកកំពុងតែមានជំងឺលើសសម្ពាធឈាម ហើយកំពុងតែប្រើប្រាស់ថ្នាំបញ្ចុះទឹកនោមដើម្បីគ្រប់គ្រងជំងឺនេះ។ (អាន:ថ្នាំងងុយគេង ពេលអ្នកគួរប្រើ)ដោយសារតែថ្នាំប្រភេទនេះអាចធ្វើឲ្យប្រែប្រួលដល់តុល្យភាពអេឡិចត្រូលីត្រ និងសាច់ដុំធ្វើការមិនបានល្អ ដូច្នេះចូពិគ្រោះជាមួយគ្រូពេទ្យបន្ថែមបើសិនជាអ្នកប្រើថ្នាំនេះហើយធ្វើឲ្យរមួលក្រពើ៕